1 Biiturus 1:4 - Fulfulde Nigeria

⁴ en keɓay ndonu ngu lallataa, ngu wonnataako, nden ngu re'ataa, ngu ɗum resani'on ton dow.

1 Biiturus 1:4 ပူးပေါင်းရင်းမြစ်များ

Wahayu Yahaya 21:27

Walaa goɗɗum ko senaaki nattayɗum gariiri ndin, koo boo gaɗoowo kuuɗe nefniiɗe, koo pewoowo. Sey ni ɓe ɗum windi inɗe mu''en nder deftere yonki nde Karoori ndin, kamɓe tan nattata gariiri ndin.

Ibraaniyanko'en 9:15

Ngam maajum Almasiihu woni ciryiiɗo alkawal kesal hakkunde Allah e yimɓe, ngam ɓen ɗon ɓe Allah noddi keɓa ndonu tabitayɗum ɗum o waɗi alkawal. Mayde maako rimɗinii yimɓe daga hakke ɗum ɓe ngaɗi carel ngel ɗum huutirta alkawal arandewal.

1 Biiturus 5:4

Ngam to Almasiihu laamiiɗo woynaaɓe wartoyii, on keɓay giifol mangu ngol haa abadaa.

2 Timooti 4:8

Jooni giifol e ton heɗiiyam, ngol ɗum hokkata gaɗuɓe jonde bonde, ngol Joomiraawo gaɗoowo kiita goonga hokkatayam Nyalnde Jaango. Naa' min tan, ammaa fuu giɗɓe yiiki gartol maako.

Koloosiyanko'en 1:5

On ngaɗa non ngam on tabbitinii on keɓay mbarjaari ndi Allah resani'on ton dow. On nanii habaru ɗu'um fii ɗum kammiiɗon daga arande nder wolde goonga, waato Habaru Belɗum

Maatiyu 25:34

Sey Laamiiɗo on wi'a wonɓe nyaamo muuɗum, ‘Ngaree, onon ɓe Nyaako am barkiɗini, ndonee Laamu ɗum um siryanii'on daga fuɗɗoode duuniyaaru.

Aafisanko'en 1:18

E mi waɗa do'aare kadin Allah maɓɓita ɓerɗe mooɗon ngam andon kammunde nde o noddiri'on e barka mawɗum ɗum o waɗani yimɓe maako alkawal.

Aafisanko'en 1:14

Nde en ngoodi Ruuhu Allah, en tabbitinii en keɓay koo ɗume boɗɗum ɗum Allah waɗani'en alkawal. Nden ɗum rimɗinay'en ngam ɗum manta mangu Allah.

Aafisanko'en 1:11

Allah suɓii'en wartirii'en yimɓe maako barka Yeesu Almasiihu. Ko duuniyaaru tagee o siryii fii ɗu'um, ngam kanko woni gaɗoowo fuu ko yiɗi non no o yiɗi.

Roomanko'en 8:17

Jooni nde en ɓiɓɓe, en ngartii donooɓe. En ndonay fii boɗɗum ɗum Allah resani yimɓe maako, kadin en donidooɓe e Almasiihu, to ni en njardii torra e maako ngam keɓen teddungal hawti e maako.

Kuuɗe Lilaaɓe 26:18

A wumtinayɓe, ɓe mburtoyoo nder nyiwre, ɓe ngarta nder jayngol, ɓe mburtoo nder laamu Ceyɗan, ɓe co''oo to Allah, ngam ɓe keɓa yaafaneeki hakke, ɓe natta nder yimɓe gartuɓe ceniiɓe ngam ɓe koolakeyam.’

Kuuɗe Lilaaɓe 20:32

“Jooni, mi waɗii'on nder jungo Allah e wolde maako, baawaynde sembiɗinki'on hokka'on ndonu ngu o resani ceniiɓe maako fuu.

Yaakubu 1:11

To naange wurtoyake gulɗum magge fiyii geene ɗen, ɗe ɗaylay, piindi maaje saama, wooɗuki maaje fuu lalla. Non diskuɗo re'irta carel ngel fiidata e kuugal muuɗum.

Koloosiyanko'en 1:12

on ngetta Nyaako Mo Dow nder belɗum ɓernde. Kanko woni gartirɗo'on kewtuɓe keɓa geɗal nder ko o resani yimɓe maako nder laamu maako ɗum jayngol.

Galaatiyanko'en 3:18

Ngam to barka ɗum keɓuɗen to Allah en keɓuɗum ngam tokkuki Attawra, too, en keɓaayiɗum ngam alkawal ngal o waɗi. Ammaa Allah barkiɗinii Ibraahim ngam alkawal ngal Allah waɗanimo.

1 Korintiyanko'en 9:25

Fuu giɗɓe keɓa jaalorgal nder fijo e ɓe elta ɓalli maɓɓe. E ɓe ngaɗa non ngam ɓe keɓa giifol koo nde giifol ngol ngol de'oowol. Ammaa enen giifol tabbitayngol keɓeten.

1 Biiturus 3:9

To' on ngaato halleende e halleende, koo huɗuki e huɗuki, ammaa ngaatoree barkiɗinki, ngam Allah noddii'on ngaɗon non ngam o barkiɗina'on.

Markus 10:17

Yeesu nangi laawol won ɗon, sey goɗɗo neɗɗo doggi yahi diccii yeeso maako. Neɗɗo on ƴamimo, wi'i, “Moodibbo geeto, ko haani mi waɗa mi heɓa yonki ki re'ataa?”

Koloosiyanko'en 3:24

Ngam on andi on keɓay mbarjaari daga to Joomiraawo. Almasiihu woni Joomiraawo mo kuwanton.

Ibraaniyanko'en 10:34

On njurminanii curaaɓe, nden nde ɗum teetani'on ko ngooduɗon, on njaɓii ko ɗum waɗani'on e welwelo. Ngam on andi on ngoodi goɗɗum ɓurɗum wooɗuki tabitayɗum haa abadaa.