1 Biiturus 1:3 - Fulfulde Nigeria

³ Yettoore tabbita to Allah, Nyaako Joomiraawo meeɗen Yeesu Almasiihu. Ngam yurmeende maako mawnde o hokkii'en yonki kesum barka ummaaki Yeesu daga mayde. Ngam maajum en ngoodi kammunde tabbutunde,

1 Biiturus 1:3 ပူးပေါင်းရင်းမြစ်များ

1 Biiturus 1:23

Ngaɗee non ngam Allah hokkii'on yonki kesum barka wolde maako goodunde yonki tabbutunde haa abadaa.

1 Yahaya 5:4

Ngam fuu ɓiɗɗo Allah waaway heɓuki jaalorgal dow duuniyaaru. Hoolaare meeɗen dow Almasiihu, kayre waɗi keɓuɗen jaalorgal dow duuniyaaru.

Roomanko'en 15:13

Allah tabbitinɗo kammunde meeɗen waɗa'on nanon belɗum kewɗum, o hokka'on jam barka hoolaaki ki kooliiɗonmo, ngam kammunde mooɗon waɗa ka ɓeydaaki laawol bawɗe Ruuhu maako.

Aafisanko'en 1:7

Sumpootirki e Yeesu rimɗinii'en barka ƴiiƴam maako o yaafanake'en hakke meeɗen, ngam yidde nde Allah holli'en keerol walaa. Yidde nden nde mawnde.

2 Korintiyanko'en 1:3

Yettoore tabbita to Allah, Nyaako Joomiraawo meeɗen Yeesu Almasiihu. Kanko woni Nyaako mo yurmeende, Allah baltinayɗo ɓerɗe.

1 Yahaya 3:3

Fuu gaɗuɗo ɓernde dow Almasiihu non, o laaɓina hoore maako no Almasiihu laaɓiri.

Roomanko'en 12:12

Nanee belɗum ngam kammunde nde gooduɗon, munyee nder torraaji ɗi njaroton, ngaɗee ka waɗuki do'aare koo ndeye.

1 Yahaya 2:29

To on andi Almasiihu o aadiliijo, on tabbitinii wiiki koo moye gaɗoowo aadilaaku o ɓiɗɗo Allah.

Aafisanko'en 1:3

Yettoore tabbita to Allah Nyaako Yeesu Almasiihu Joomiraawo meeɗen. Nder sumpootirki e Almasiihu o hokkii'en koo iri ɗume barka daga dow.

Aafisanko'en 3:20

Allah waaway waɗuki ko ɓuri ko toriiɗenmo koo ko nyumeten barka bawɗe maako kuwooje nder meeɗen.

Aafisanko'en 1:17

E mi toroo Allah mo Yeesu Almasiihu Joomiraawo meeɗen, Nyaako mo mangu, hokka'on Ruuhu muuɗum pamtinayɗum'on ɓeydana'on andal Allah, ngam andonmo boɗɗum.

1 Biiturus 3:21

Ndiyam ɗam boo ɗum misaalu baptisma. Jooni baptisma hisnii'on barka bawɗe ummaaki Yeesu Almasiihu daga mayde. Baptisma naa' ɗum ittuki tuundi daga ɓalli meeɗen, ɗum alkawal ngal neɗɗo waɗani Allah e ɓernde lamnde.

1 Timooti 1:14

Joomiraawo meeɗen yaafanakeyam hakke caahu, nden o hokkiiyam hoolaare e yidde gonde nder Yeesu Almasiihu.

Aafisanko'en 2:4

Ammaa Allah o kewɗo yurmeende. Yidde nde o yiɗi'en nde mawnde.

Yaakubu 1:18

Ɗum cuɓol maako o hokki'en yonki kesum barka wolde goonga, ngam ngarten bo ko arti ɓenduki nder ko o tagi.

Tiitus 2:13

En keɗoo nyalnde barkiɗinaande nde kaaɓuɗen, nyalnde nde teddungal Allah meeɗen mawɗo Yeesu Almasiihu Kisnoowo wangata.

1 Korintiyanko'en 15:20

Ammaa goonga Almasiihu umminaama daga mayde. Kanko woni artuɗo ummaaki daga nder ɓe ɗum umminta daga mayde.

1 Korintiyanko'en 13:13

Too, jooni e woodi fii tatum, waato hoolaare, e kammunde, e yidde, ammaa yidde woni ko ɓurii mangu.

1 Yahaya 3:9

Fuu ɓiɗɗo Allah waɗataa ka waɗuki hakke, ngam ngikku Allah e nder maako. Nden nde Allah woni Nyaako maako, o waɗataa ka waɗuki hakke.

1 Biiturus 2:2

No ɓikkoy keccoy ngiɗiri enɗam, onon maa ngiɗiree Wolde Allah non ngam nde waɗa'on cembiɗon nder kisndam ɗam keɓuɗon,

Ibraaniyanko'en 3:6

Ammaa Almasiihu o ɓiɗɗo, paamanoowo yimɓe Allah e goonga. En yimɓe Allah to en njogake sembe ɓernde e ciya kulol dow ko kammiiɗen.

1 Tasaloonikanko'en 1:3

Yeeso Allah meeɗen Nyaako meeɗen Mo Dow, e min nyuma dow kuuɗe mooɗon ɗe hoolaare, e no yidde nde ngooduɗon waɗata'on on kuwa naa' seɗɗa, e no munyirton nder torra ngam kammunde mooɗon dow Joomiraawo meeɗen Yeesu Almasiihu.

Koloosiyanko'en 1:27

Allah suɓii andinaɓe barka mawɗum gonɗum nder sirru ɗu'um ɗum o siryanii yimɓe naa' Yahuudanko'en. Sirru ɗum woni Almasiihu e jooɗoo nder ɓerɗe mooɗon, non waɗay tabbitinon on njooɗodoto e maako nder teddungal maako.

Roomanko'en 8:24

Daga carel ko ɗum hisni'en ngooduɗen kammunde nde'e. Ammaa to en ngi'a ko kammiiɗen, naa' ɗum kammunde won ɗon. Moye waɗata kammunde dow ko yaadi heɓi?

Roomanko'en 8:11

To Ruuhu Allah umminɗo Yeesu daga mayde e jooɗoo nder ɓerɗe mooɗon, on ɗon umminɗo Almasiihu daga mayde hokkay ɓalli mooɗon maayayɗi yonki barka Ruuhu maako jooɗiiɗum nder ɓerɗe mooɗon.

Yahaya 1:13

Ɓe ngartaayi ɓiɓɓe Allah ngam ɓe ndanyaama no ɗum danyirta yimɓe, koo ngam yimɓe ngiɗi non waɗa. Allah e hoore muuɗum wartiriɓe ɓiɓɓe maako.

1 Yahaya 5:18

En andi fuu ɓiɗɗo Allah nyamrataa yeeso e waɗuki hakke, ammaa Ɓiɗɗo Allah suranaymo. Ceyɗan meemataamo.

1 Yahaya 5:1

Fuu kooliiɗo Yeesu woni Almasiihu o ɓiɗɗo Allah. Fuu giɗɗo nyaako suka, e mo yiɗi suka on maa.

Koloosiyanko'en 1:23

On ngartay non to nii on nyamrii yeeso e hoolaaki Yeesu, on cembiɗii, on darake boɗɗum dow kammunde nde ngaɗɗon carel ngel nanɗon Habaru Belɗum. Habaru Belɗum ɗum wa'ajinanaama koo ɗume ko tagaa gonɗum nder duuniyaaru. Min Bulus, mi wartii maccuɗo ɗu'um Habaru Belɗum.

Roomanko'en 5:10

Ndenno en wanywanyɓe Allah, ammaa ɗum siryootirii'en e maako barka mayde ɓiɗɗo maako. Jooni nde en ciryootirii e Allah, en ɓuray tabbitinki Almasiihu hisnay'en ngam e mo foofa.

Roomanko'en 4:25

O waraama ngam hakke meeɗen, nden o umminaama daga mayde ngam ngarten aadili'en yeeso Allah.

1 Yahaya 4:7

Onon ɓe ngiɗumi, sey ngiɗindiren ngam yidde ƴiwoyi daga to Allah. Fuu gooduɗo yidde o ɓiɗɗo Allah, nden e mo andi Allah.

1 Tasaloonikanko'en 4:13

Bandiraaɓe, e min ngiɗi andon goonga dow ɓen ɗon tokkuɓe Yeesu mayɓe ngam to' ngaɗon ka wannuki bo yimɓe horiiɓe ɓe ngalaa kammunde.

Galaatiyanko'en 6:16

Jam Allah e yurmeende maako tabbita to ɓen ɗon tokkooɓe ekkitinol ngo'ol, waato yimɓe Allah ɓe goonga.

2 Tasaloonikanko'en 2:16

Joomiraawo meeɗen Yeesu Almasiihu e hoore muuɗum, e Allah Nyaako meeɗen Mo Dow, giɗɗo'en cembiɗinɗo'en sembiɗinki ki re'ataa kokkuɗo'en kammunde bonde barka yidde maako,

1 Biiturus 1:13

Ngam non, ciryee ɓerɗe mooɗon, curee ko'e mooɗon, ngaɗee kammunde mooɗon fuu dow barka ɗum um hokkata'on nyalnde wartoyki Yeesu Almasiihu.

1 Biiturus 1:21

Barka maako kooliiɗon Allah, umminɗomo daga mayde, hokkimo mangu. Ngam non, e hoolaare mooɗon e kammunde mooɗon dow Allah ɗum woni.

1 Biiturus 3:5

Ngam ndenno non rewɓe ceniiɓe gaɗuɓe ɓerɗe maɓɓe dow Allah mo''itinorii nde ɓe tokki worɓe maɓɓe.

1 Biiturus 3:15

Ammaa mawninee Almasiihu nder ɓerɗe mooɗon ngam kanko woni Joomiraawo. Koo ndeye njooɗee on ciryii nootaaki koo moye ƴamuɗo'on dow waɗuki ɓernde ki ngaɗɗon dow Almasiihu. Ngaɗee non nder lesnuki hoore e mawninki.