1 Biiturus 1:22 - Fulfulde Nigeria

²² Tokkuki goonga laaɓinanii'on ɓerɗe on ngiɗindiri yidde nde goonga. Ngam maajum, ngiɗindiree e ɓernde go'o.

1 Biiturus 1:22 ပူးပေါင်းရင်းမြစ်များ

1 Timooti 1:5

Ko waɗi mbiimi ngaɗaa non woni ngam ɗum waɗa'en ngiɗindiren yidde ƴiwoynde nder ɓernde lamnde e ɓernde kollaynde en ngaɗa ko wooɗi, e ɓernde kooliinde Yeesu e goonga.

Ibraaniyanko'en 13:1

Ngaɗee ka yiɗindirki bo bandiraaɓe.

1 Yahaya 4:12

Walaa neɗɗo meeɗuɗo yiiki Allah koo seɗɗa. Ammaa to en ngiɗindirii, Allah e wondi e meeɗen won ɗon. Ɗonmaa yidde iri nde'e e jooɗii nder ɓerɗe meeɗen e goonga.

1 Yahaya 4:7

Onon ɓe ngiɗumi, sey ngiɗindiren ngam yidde ƴiwoyi daga to Allah. Fuu gooduɗo yidde o ɓiɗɗo Allah, nden e mo andi Allah.

1 Biiturus 3:8

Jooni e mi yiɗi yottinki ko mbi'aymi e wiiki, on fuu nyumo mooɗon warta go'o. Njurmindiree, ngiɗindiree no haani tokkuɓe Yeesu ngaɗa, mballindiree, lestinee ko'e mooɗon.

Yaakubu 4:8

Ɓaddoyee haade Allah, kanko maa o ɓaddoto haade mooɗon. Onon gaɗooɓe hakke, mo''inee jonde mooɗon. Laaɓinee ɓerɗe mooɗon, onon gooduɓe ɓerɗe ɗiɗi.

1 Yahaya 3:23

Ko Allah wi'i ngaɗen, kanjum woni koolooɗen inde Ɓiɗɗo maako Yeesu Almasiihu, nden ngiɗindiren non no Almasiihu wi'i ngaɗen.

2 Tasaloonikanko'en 1:3

Bandiraaɓe amin, e haani min ngaɗa ka yettuki Allah koo ndeye ngam mooɗon, ngam hoolaare mooɗon e ɓeydoo naa' seɗɗa, nden yidde nde ngiɗindiron e ɓeydoo.

1 Tasaloonikanko'en 3:12

Joomiraawo ɓeyda yidde nde ngiɗindirɗon naa' seɗɗa e yidde nde ngiɗɗon woɓɓe maa, non no yidde amin ɓeydorii dow mooɗon.

1 Yahaya 4:20

To goɗɗo wi'ii e yiɗi Allah, ammaa e mo wanya bandiraawo maako, too, o pewoowo. Ngam fuu mo yiɗaa bandiraawo muuɗum mo o yi'ata, no waɗata o yiɗa Allah mo o meeɗaayi yiiki?

1 Biiturus 2:17

Kokkee koo moye mangu, ngiɗee tokkuɓe Yeesu. Kulee Allah, mawninee laamiiɗo.

Kuuɗe Lilaaɓe 15:9

O feerootiraayi'en e maɓɓe, ngam o yaafanakeɓe hakke nde ɓe koolii Yeesu.

1 Yahaya 3:11

Ɗu'um woni ko nanɗon daga arande wiiki ngiɗindiren.

2 Biiturus 1:7

Kadimaa ɓeydanee kulol Allah yidde tokkuɓe Yeesu, nden ɓeydanon yidde nden yidde koo moye.

Filibiyanko'en 1:9

Do'aare am woni yidde mooɗon waɗa ka ɓeydaaki hawti e andal e fuu feerootirki hakkunde goonga e fewre,

Aafisanko'en 4:3

Ngaɗee ko mbaawoton waɗuki njogooɗon kawtol hoore ngol Ruuhu Allah hokki'on nder jonde jam kawtunde ko'e mooɗon.

Galaatiyanko'en 5:5

En tabbitinii daga to Ruuhu Allah, o jaɓay'en en aadili'en ngam en koolake Almasiihu. En kaaɓii yiikiɗum.

Wahayu Yahaya 2:4

Ammaa raa ko wooɗaa ɗum nangirmi'on: on alii yidde nde ngoodunooɗon.

1 Biiturus 4:17

Ngam carel waɗii ngel ɗum waɗanta yimɓe kiita. Ɓe ɗum fuɗɗanta waɗanki kiita boo woni yimɓe Allah. To dow meeɗen enen yimɓe Allah ɗum fuɗɗirta kiita, too, no ɗum wartanta ganyuɓe tokka Habaru Belɗum ɗum Allah?

1 Biiturus 4:8

Ko ɓuri koo ɗume woni, ngiɗindiree naa' seɗɗa, ngam yidde e waɗa ɗum yaafoo hakkeeji ɗuɗɗi.

Ibraaniyanko'en 11:8

Ngam Ibraahim e hoolii Allah waɗi o jaɓi nde Allah wi'imo o yaha leydi ndi waɗi alkawal hokkukimo. Ibraahim ali leydi muuɗum koo nde andaa to yahata.

Ibraaniyanko'en 9:14

Hakko ƴiiƴam Almasiihu ɗam waɗay ko ɓuri non. Barka Ruuhu Allah gonɗum haa abadaa, o hokkii hoore maako o wartii cakkiri ndi walaa goɗɗum ko haanaa. Ƴiiƴam maako boo laaɓinay ɓerɗe meeɗen daga kuuɗe jaarayɗe mayde, ngam kuwanen Allah mo yonki.

Ibraaniyanko'en 6:10

Allah naa' o gaɗoowo ko haanaa. O yejjitataa kuugal ngal ngaɗɗon koo yidde nde kolluɗonmo nde mballuɗon yimɓe maako, nyamruɗon yeeso e wallukiɓe haa jooni.

2 Korintiyanko'en 6:6

Min kollii min maccuɓe Allah ɓe goonga nder laɓki ɓerɗe ki min ngoodi, e andal, e munyal, e no min mballirta yimɓe, e Ruuhu Allah ɗum min ngoodi, e yidde nde goonga,

Yahaya 15:17

Ko mbiimi ngaɗon woni, ngiɗindiree.

1 Biiturus 3:1

Non maa onon rewɓe teegal, tokkee ko worɓe mooɗon mbi'i. Ngam to e woodi woɓɓe worɓe ɓe tokkaayi Wolde Allah, ɗum gaɗotooɗum ngikku rewɓe maɓɓe waɗa ɓe tokka Allah, naa' sey to ɓe metanaama,

Ibraaniyanko'en 5:9

Nde o wartiraa kewɗo, o wartii kokkoowo fuu gaɗooɓe ko o wi'i kisndam tabitayɗam.

2 Timooti 1:14

Joga habaru goonga boɗɗum ɗum Ruuhu Allah gonɗum nder meeɗen hokkumaa.

1 Timooti 5:2

rewɓe naye'en boo, bo madu'en maaɗa, surbaaɓe boo, bo minyiraaɓe maaɗa rewɓe nder ɓernde lamnde.

1 Timooti 4:12

Taa' jaɓu koo moye yawana sukaaku maaɗa, ammaa wartu misaalu to tokkuɓe Yeesu nder meto maaɗa, e ngikku maaɗa, e yidde maaɗa, e hoolaare maaɗa, e jonde maaɗa lamnde.

1 Timooti 1:3

E mi yiɗi njooɗoɗaa e Aafisa, non no tororimaami carel ko njahaynoomi Makidooniya, ngam mbagginaa woɓɓe yimɓe ekkitinooɓe ekkitinol fewre ɓe ala.

2 Tasaloonikanko'en 2:13

Onon bandiraaɓe amin ɓe Joomiraawo yiɗi, e haani min ngaɗa ka yettuki Allah ngam mooɗon koo ndeye. Ngam daga arande Allah suɓii'on ngam kison barka laaɓinki ki Ruuhu maako waɗata e jaɓuki goonga.

Galaatiyanko'en 3:1

Onon Galaatiyanko'en haaŋaaɓe! Moye wayliti hakkiilo mooɗon? Ɗum wi'ii'on e njayri no Yeesu Almasiihu wariraa dow gaafaangal.

Galaatiyanko'en 5:7

Ndenno on nyamra yeeso boɗɗum! Moye haɗi'on tokkuki goonga?

Roomanko'en 8:13

Ngam to on ngaɗa jonde no ɓalli mooɗon ngiɗiri, on maayay. Ammaa barka Ruuhu Allah, to on mbarii kuuɗe ɗe ɓalli mooɗon ngiɗi waɗuki, on keɓay yonki ki re'ataa.

Roomanko'en 2:8

Ammaa yimɓe giɗanɓe ko'e maɓɓe tan ganyuɓe goonga tokki ko wooɗaa, ɓe kawray e monnere Allah e halkere maako.

Roomanko'en 1:5

Barka Yeesu Almasiihu e ngam inde maako, Allah barkiɗiniiyam wartiriiyam lilaaɗo ngam lenyi duuniyaaru fuu hooloomo tokka ko o wi'i.

Yahaya 17:17

Wartirɓe yimɓe maaɗa laawol goonga maaɗa. Wolde maaɗa woni goonga.

Yahaya 15:3

Wolde nde metanmi'on yaadake wartirii'on laɓɓe.

Kuuɗe Lilaaɓe 6:7

Wolde Allah boo ɓeydi sankitaaki. Tokkuɓe Yeesu e ɓeyda ɗuuɗuki nder gariiri Urucaliima, haa ardiiɓe diina ɗuɗɓe tokki Yeesu.

Yahaya 17:19

Mi hokkiima hoore am ngam maɓɓe, ngam kamɓe maa ɓe kokkumaa ko'e maɓɓe e goonga.

Yaakubu 1:21

Ngam maajum, kubinee fuu kuuɗe ɗe mbooɗaa e kuuɗe kalluɗe. Lestinee ko'e mooɗon, njaɓon Wolde Allah nde o aawi nder ɓerɗe mooɗon, baawaynde hisnuki'on.

1 Biiturus 1:2

Allah Nyaako Mo Dow suɓii'on nder yidde maako. Ruuhu maako wartirii'on ceniiɓe, ngam tokkon ko Yeesu Almasiihu wi'i, laaɓon barka ƴiiƴam maako. Allah ɓeyda barkiɗinki'on, ɓeyda hokkuki'on jam.

1 Biiturus 3:20

Ruuhuuji ɗin ɗon kanji ngoni ɗi tokkaayi Allah ndenno e jaamanu Annabi Nuhu. Allah heɗake e munya carel ko Annabi Nuhu waɗata komiwal. Yimɓe seɗɗa tan nattingal kisi ndiyam tufaana, kamɓe njoweetato.