1 Biiturus 1:21 - Fulfulde Nigeria

²¹ Barka maako kooliiɗon Allah, umminɗomo daga mayde, hokkimo mangu. Ngam non, e hoolaare mooɗon e kammunde mooɗon dow Allah ɗum woni.

1 Biiturus 1:21 ပူးပေါင်းရင်းမြစ်များ

Kuuɗe Lilaaɓe 2:24

Ammaa Allah umminiimo daga mayde, wurtiniimo yenaande, ngam mayde waawataa jogaakimo.

Ibraaniyanko'en 2:9

Carel seɗɗa ɗum hokki Yeesu mangu ɗum hewtaayi ɗum malaa'ika'en. Ammaa jooni en ngi'ii o hokkaama teddungal e mangu ngam torra mayde ka o yari, ngam barka yidde Allah o maaya ngam koo moye.

Yahaya 12:44

Sey Yeesu wi'i e sembe, “Fuu kooliiɗoyam, naa' min tan o hoolii, ammaa fuu e on ɗon liloyɗoyam.

1 Biiturus 3:22

Yeesu yahi dow, e mo jooɗii to jungo Allah nyaamo, e mo laamoo malaa'ika'en, e gooduɓe laamu, e gooduɓe bawɗe.

1 Biiturus 1:11

Ruuhu Allah gonɗum nder ɓerɗe maɓɓe wi'iiɓe no Almasiihu torrortoo, nden gaɗa ɗon o mawninee. Ngam non, ɓe ɗaɓɓitii naa' seɗɗa ngam ɓe anda moye woni Almasiihu, nden ndeye fii ɗu'um waɗata.

Ibraaniyanko'en 7:25

Ngam non, hande e koo ndeye e mo woodi bawɗe o hisna ɓaddotooɓe Allah laawol maako. E mo waawi hisnukiɓe ngam e mo woodi yonki haa abadaa, nden e mo toroo Allah ngam maɓɓe.

Aafisanko'en 1:15

Ngam maajum, daga carel ngel nanumi habaru no kooloriiɗon Joomiraawo meeɗen Yeesu e no ngirruɗon yimɓe Allah,

1 Timooti 1:1

Ɗerewol ngo'ol ƴiwoyii daga jungo am, min Bulus. Allah Kisnoowo meeɗen e Yeesu Almasiihu mo ngaɗɗen ɓernde dow muuɗum wi'ii mi warta lilaaɗo maako.

Koloosiyanko'en 1:27

Allah suɓii andinaɓe barka mawɗum gonɗum nder sirru ɗu'um ɗum o siryanii yimɓe naa' Yahuudanko'en. Sirru ɗum woni Almasiihu e jooɗoo nder ɓerɗe mooɗon, non waɗay tabbitinon on njooɗodoto e maako nder teddungal maako.

Roomanko'en 10:9

Ngam taa wi'ii e honduko maaɗa, “Yeesu o Joomiraawo,” nden taa hoolake nder ɓernde maaɗa wiiki Allah umminiimo daga mayde, a hisay.

Roomanko'en 4:24

Ɗe mbindaama ngam meeɗen enen maa ɓe Allah wartirta aadili'en, enen kooliiɓe umminɗo Yeesu Joomiraawo meeɗen daga mayde.

Kuuɗe Lilaaɓe 4:10

Ndaree mi wi'a'on onon yimɓe Israa'iila fuu, neɗɗo o'o jamɗitinaaɗo, dariiɗo yeeso mooɗon ɗo'o, o yamɗitina nder inde Yeesu Almasiihu Najarankeejo mo mbarɗon dow gaafaangal, mo Allah ummini daga mayde.

Kuuɗe Lilaaɓe 3:15

On mbarii kokkayɗo yonki, ammaa Allah umminiimo daga mayde. Minon boo, min ceydu'en maajum.

Kuuɗe Lilaaɓe 3:13

Allah mo Ibraahim e Iciyaaku e Yaakubu, Allah mo maama'en meeɗen, o teddinii maccuɗo maako Yeesu. Ammaa kanko woni mo kokkitirnooɗon ngam o waree. On nganyiimo yeeso Bilaatus koo nde Bilaatus e yiɗi yoofukimo.

Yahaya 17:1

Gaɗa Yeesu yottinii wiiki boliiɗe ɗe'e, o raari dow o wi'i, “Nyaako am, carel warii. Mawnin Ɓiɗɗo maaɗa, ngam Ɓiɗɗo maaɗa teddiniima.

Yahaya 14:6

Yeesu wi'imo, “Min woni laawol, min woni goonga, min woni yonki. Walaa jahayɗo to Nyaako Mo Dow sey to tokkiiyam.”

Yahaya 14:1

Yeesu wi'iɓe, “To' on ngannu nder ɓerɗe mooɗon, koolee Allah, kooleeyam.

Yahaya 3:34

On ɗon mo Allah lili, e mo meta ko Allah wi'i, ngam Allah hokkiimo Ruuhu muuɗum keerol walaa.

Maatiyu 28:18

Sey Yeesu ɓaddii haade maɓɓe, wi'iɓe, “Ɗum hokkiiyam fuu laamu dow e ley.

Ibraaniyanko'en 6:1

Ngam non, en nyamru yeeso dow ekkitinol ngol ɗon arandewol ngol keɓuɗen dow Almasiihu, ngam ngarten ɓe andal kewngal. To' ɗum wi'a haa jooni en meta dow ekkitinol ngol hoolaaki Allah, e tuubuki daga kuuɗe jaarayɗe halkere,

Yahaya 17:5

Nyaako am, jooni teddinam yeeso maaɗa teddungal ngal ngoodunoomi yeeso maaɗa ko duuniyaaru tagee.

Yahaya 17:24

“Yaa Nyaako am Mo Dow, e mi yiɗi ɓen ɗon ɓe kokkuɗaayam ɓe ngonda e am to ngonmi, ɓe ngi'a teddungal am, teddungal ngal kokkuɗaayam ngam a yiɗiyam ko duuniyaaru tagee.

2 Korintiyanko'en 6:15

Kiye siryootirki woni hakkunde Almasiihu e Ceyɗan? Koo boo, ko hawti tokkuɗo Yeesu e mo tokkaayi Yeesu?

1 Timooti 3:16

Walaa wongo seko, sirru diina meeɗen e mawni, wiiki: Almasiihu warii nder ɓandu neɗɗo, Ruuhu Allah hollii e mo waɗa ko Allah yiɗi, malaa'ika'en ngi'iimo, ɗum hokkii habaru maako nder lenyi, ɗum hoolakemo nder duuniyaaru, ɗum hocciimo yaaki dow nder mangu maako.

1 Biiturus 1:3

Yettoore tabbita to Allah, Nyaako Joomiraawo meeɗen Yeesu Almasiihu. Ngam yurmeende maako mawnde o hokkii'en yonki kesum barka ummaaki Yeesu daga mayde. Ngam maajum en ngoodi kammunde tabbutunde,