1 Biiturus 1:2 - Fulfulde Nigeria

² Allah Nyaako Mo Dow suɓii'on nder yidde maako. Ruuhu maako wartirii'on ceniiɓe, ngam tokkon ko Yeesu Almasiihu wi'i, laaɓon barka ƴiiƴam maako. Allah ɓeyda barkiɗinki'on, ɓeyda hokkuki'on jam.

1 Biiturus 1:2 ပူးပေါင်းရင်းမြစ်များ

2 Tasaloonikanko'en 2:13

Onon bandiraaɓe amin ɓe Joomiraawo yiɗi, e haani min ngaɗa ka yettuki Allah ngam mooɗon koo ndeye. Ngam daga arande Allah suɓii'on ngam kison barka laaɓinki ki Ruuhu maako waɗata e jaɓuki goonga.

1 Biiturus 1:22

Tokkuki goonga laaɓinanii'on ɓerɗe on ngiɗindiri yidde nde goonga. Ngam maajum, ngiɗindiree e ɓernde go'o.

Ibraaniyanko'en 12:24

On ngarii to Yeesu, ciryiiɗo alkawal kesal hakkunde yimɓe e Allah. On ngarii to ƴiiƴam misaaɗam metuɗam wolde ɓurnde wooɗuki dow ko ƴiiƴam Habiila wi'i.

Roomanko'en 11:2

Allah wanyaayi yimɓe muuɗum ɓe o suɓi daga fuɗɗoode duuniyaaru. On andi ko aayaare wi'i dow Iliya, no o wullorii Israa'iilanko'en to Allah.

2 Biiturus 1:2

Allah ɓeyda barkiɗinki'on hokka'on jam laawol andukimo, kanko e Yeesu Joomiraawo meeɗen.

Kuuɗe Lilaaɓe 2:23

Fuu e non on kokkitiriimo nder juuɗe kalluɓe. On ngaɗii ɓe ɓiliimo dow gaafaangal, ɓe mbarimo. Fuu e non, non Allah siryorii fii ɗum waɗira.

Roomanko'en 16:26

Ammaa jooni ɗum wanginaama e njayri, ɗum andiniiɗum leƴƴi duuniyaaru fuu laawol defte ɗe annabo'en mbindi. Allah tabiiɗo wi'ii ɗum waɗa non ngam leƴƴi duuniyaaru fuu kooloomo tokka ko o wi'i.

2 Timooti 2:10

Ngam maajum mi munyii nder koo ɗume ngam yimɓe ɓe Allah suɓi, ngam kamɓe maa ɓe keɓa kisndam to Yeesu Almasiihu, hawti e mangu tabbitayɗum.

1 Korintiyanko'en 6:11

Ndenno non woɓɓe mooɗon mba'i. Ammaa jooni ɗum lootii hakke mooɗon, on ngartiraama yimɓe Allah, on ngartiraama aadili'en barka Yeesu Almasiihu Joomiraawo meeɗen e Ruuhu Allah.

Markus 13:27

O liloyay malaa'ika'en maako ɓe kawrita ɓe o suɓi daga koo toye nder duuniyaaru, daga ngo'ol keerol duuniyaaru yaaki ngol ton keerol.

Markus 13:20

Daa Joomiraawo ustaayi ɗen ɗon balɗe, daa walaa goɗɗo kisayɗo. Ammaa ngam ɓen ɗon cuɓaaɓe maako ɓe o suɓi, o ustii balɗe ɗen.

Ibraaniyanko'en 10:22

Ngam non en njahu haade Allah e ɓernde go'o, e hoolaare tabbutunde, e ɓerɗe meeɗen laaɓinaaɗe daga nyumo kallungo, e ɓalli lootiraaɗi ndiyam laɓɗam.

Roomanko'en 16:19

Koo moye nanii habaru no tokkirton Yeesu, non waɗii mi nanii belɗum ngam mooɗon. Ammaa e mi yiɗi ngarton gooduɓe faamu andon ko wooɗi, ngoɗɗitooɗon waɗuki ko wooɗaa.

Roomanko'en 8:33

Moye waawata wullaaki yimɓe ɓe Allah suɓi? Ɗum Allah e hoore muuɗum wartiriɓe aadili'en.

Luka 18:7

E yi'uki mooɗon Allah waɗantaa cuɓaaɓe muuɗum torotooɓemo jemma e nyalawma ko haani? O neeɓay o wallaayiɓe?

Maatiyu 24:24

Ngam Almasiihu'en fewre e annabo'en fewre mburtoyto, ɓe ngaɗa alaamaaji mawɗi e kuuɗe kayɗiniiɗe ngam ɓe majjina yimɓe, haa e cuɓaaɓe ɓen to ɗum waɗoto.

Maatiyu 24:22

Daa Allah ustaayi ɗen ɗon balɗe, daa walaa goɗɗo kisayɗo. Ammaa ngam ɓen ɗon cuɓaaɓe maako, o ustay balɗe ɗen.

1 Biiturus 2:9

Ammaa onon ɗum lenyol ngol Allah suɓi, on kawtal ardiiɓe diina kuwanooɓe laamiiɗo mawɗo, yimɓe ceniiɓe, ɓe Allah jeyi. O suɓu'on ngam nga'ajinon habaru kuuɗe maako kayɗiniiɗe. O wurtinoy'on nder nyiwre ngam natton jayngol maako kayɗiniingol.

Ibraaniyanko'en 11:28

Ngam e mo hoolii Allah waɗi o fuɗɗi Humto Sakkinki. O wi'i Israa'iilanko'en misana dammuɗe maɓɓe ƴiiƴam, ngam to' Malaa'ikaajo Mayde wara fuu worɓe afo'en maɓɓe.

Roomanko'en 15:16

ngam mi warta kuwanoowo Yeesu Almasiihu nder yimɓe naa' Yahuudanko'en. E mi huwa kuugal ardiiɗo diina nder wa'ajinki Habaru Belɗum ɗum Allah, ngam yimɓe naa' Yahuudanko'en ngarta bo cakkiri ndi Allah jaɓi, ndi Ruuhu Allah wartiri ceniindi.

Roomanko'en 8:13

Ngam to on ngaɗa jonde no ɓalli mooɗon ngiɗiri, on maayay. Ammaa barka Ruuhu Allah, to on mbarii kuuɗe ɗe ɓalli mooɗon ngiɗi waɗuki, on keɓay yonki ki re'ataa.

Roomanko'en 1:7

E mi howna'on on fuu mooɗon gonɓe gariiri Rooma, onon ɓe Allah yiɗi noddi ngam ɓe ngarta yimɓe muuɗum. Allah Nyaako meeɗen e Joomiraawo meeɗen Yeesu Almasiihu barkiɗina'on hokka'on jam.

Roomanko'en 1:5

Barka Yeesu Almasiihu e ngam inde maako, Allah barkiɗiniiyam wartiriiyam lilaaɗo ngam lenyi duuniyaaru fuu hooloomo tokka ko o wi'i.

Kuuɗe Lilaaɓe 15:18

Non Joomiraawo wi'i, andinɗo fii ɗu'um ko neeɓi.” ’

Yahuuda 1:2

Yurmeende e jam e yidde ɓeydanoo'on.

Ibraaniyanko'en 5:9

Nde o wartiraa kewɗo, o wartii kokkoowo fuu gaɗooɓe ko o wi'i kisndam tabitayɗam.

Koloosiyanko'en 3:12

Onon on yimɓe ɓe Allah suɓi, on ceniiɓe ɓe o yiɗi naa' seɗɗa. Ngam non, ngartee gooduɓe yurmeende e yidde leynooɓe ko'e, gooduɓe hakkiilo e munyal.

2 Korintiyanko'en 10:5

E min keɓa jaalorgal dow koo ɗiye geddi e mawnitaare kaɗaynde yimɓe anda Allah. E min nanga nyumooji fuu, min ngartiraɗi gaɗayɗi ko Almasiihu wi'i.

Roomanko'en 11:28

Yahuudanko'en ngartii wanywanyɓe Allah ngam ɓe nganyii Habaru Belɗum. Ɗu'um wartii ɓeydaari mooɗon. Ammaa ɓe cuɓaaɓe Allah, haa jooni e mo yiɗiɓe, ngam o waɗanii maama'en maɓɓe alkawal.

Kuuɗe Lilaaɓe 20:32

“Jooni, mi waɗii'on nder jungo Allah e wolde maako, baawaynde sembiɗinki'on hokka'on ndonu ngu o resani ceniiɓe maako fuu.

Tiitus 1:1

Min, Bulus maccuɗo Allah lilaaɗo Yeesu Almasiihu windi ɗerewol ngo'ol. O suɓiiyam ngam mi sembiɗina yimɓe Allah cuɓaaɓe dow hoolaaki Yeesu, mi ekkitinaɓe goonga ngam ɓe njooɗoo jonde wooɗunde yeeso Allah.

1 Korintiyanko'en 1:30

O wartirii'on ɓe Yeesu Almasiihu. Allah wartiriimo faamu meeɗen. Laawol maako ɗum wartiri'en aadili'en, ceniiɓe, rimɗinaaɓe.

Markus 13:22

Ngam Almasiihu'en fewre e annabo'en fewre ɓe mburtoyto ɓe ngaɗa alaamaaji e kuuɗe kayɗiniiɗe ngam ɓe majjina yimɓe, haa e cuɓaaɓe ɓen to ɗum waɗoto.

Maatiyu 24:31

O waɗay ɗum duuda luwal sembee duuduki liluki malaa'ika'en maako, ɓe kawrita ɓe o suɓi daga koo toye nder duuniyaaru, daga ngo'ol keerol duuniyaaru yaaki ngol ton keerol duuniyaaru.

2 Yahaya 1:13

Kawtal cuɓaaɓe Allah gonɓe ɗo'o e kownumaa.

2 Yahaya 1:1

Min, Yahaya, mawɗo nder tokkuɓe Yeesu windani kawtal cuɓaaɓe Allah ɗerewol ngo'ol. E mi yiɗi'on e yidde nde goonga. Naa' min tan yiɗi'on ammaa haa e fuu anduɓe goonga.

1 Biiturus 1:14

Ngaɗee jonde bo ɓiɓɓe gaɗooɓe ko ɗum wi'iɓe. To' on tokkiran suuno mooɗon ngo ndenno, ngo ngoodunooɗon carel ko on andaa koo ɗume.

1 Biiturus 1:19

Ɗum rimɗinirii'on ƴiiƴam Almasiihu gooduɗam daraja. Kanko woni bo karoori ndi walaa goɗɗum ko haanaa.

1 Biiturus 1:20

Kanko Allah suɓi daga ko ɗum taga duuniyaaru, ammaa ɗum wanginimo ngam mooɗon e balɗe ɗe'e ɗe re'uki duuniyaaru.