1 Biiturus 1:19 - Fulfulde Nigeria

¹⁹ Ɗum rimɗinirii'on ƴiiƴam Almasiihu gooduɗam daraja. Kanko woni bo karoori ndi walaa goɗɗum ko haanaa.

1 Biiturus 1:19 ပူးပေါင်းရင်းမြစ်များ

1 Yahaya 1:7

Ammaa to en njooɗake nder jayngol non no Allah jooɗorii nder jayngol, en cumpootira hakkunde meeɗen won ɗon. Ɗonmaa ƴiiƴam Yeesu Ɓiɗɗo maako e lootana'en hakkeeji fuu.

Yahaya 1:29

Gaɗa ɗu'um waɗii nde fini Yahaya yi'i Yeesu e waroya to muuɗum, o wi'i, “Raa Karoori Allah, ittayndi hakkeeji duuniyaaru!

Wahayu Yahaya 5:9

Ɓe ngimi gimol kesol e ɓe mbi'a, “A hewtii njaɓaa deftere nden takkitaa haatimiije mayre, ngam ndenno a waraama, nden barka ƴiiƴam maaɗa a rimɗinanii Allah yimɓe daga koo ngole lenyol, e koo ngale ɗemngal, e daga koo ɓeye yimɓe, e daga koo ndiye leydi.

Yahaya 1:36

sey o yi'i Yeesu e ƴaɓɓoo, o wi'i, “Raa Karoori Allah!”

Aafisanko'en 1:7

Sumpootirki e Yeesu rimɗinii'en barka ƴiiƴam maako o yaafanake'en hakke meeɗen, ngam yidde nde Allah holli'en keerol walaa. Yidde nden nde mawnde.

Koloosiyanko'en 1:14

Laawol Ɓiɗɗo on o rimɗinii'en o yaafanii'en hakke meeɗen.

Wahayu Yahaya 1:5

e Yeesu Almasiihu, ceyduujo Allah mo goonga, barkiɗina'on, hokka'on jam. Yeesu artuɗo ummaaki daga mayde kanko woni laamiiɗo laamiiɓe duuniyaaru. E mo yiɗi'en, o hisnii'en daga hakkeeji meeɗen barka ƴiiƴam mayde maako.

Maatiyu 20:28

Non maa Ɓii Neɗɗo warii naa' ngam o jagganee, ammaa ngam o jagganoo yimɓe, o hokka yonki maako ngam rimɗinki ɗuɗɓe.”

1 Yahaya 2:2

Kanko woni mo ɗum sakki ngam yaafaaki hakke meeɗen. Naa' hakke meeɗen tan, ammaa haa e hakke yimɓe duuniyaaru fuu.

Wahayu Yahaya 7:14

Sey mbiimoomi, “Mi andaa, mawɗo. An a andi.” Sey o wi'iyam, “Ɓe'e yimɓe kamɓe ƴiwoyi daga nder torra kalluka. Ɓe laɓɓiniri kolte maɓɓe e ƴiiƴam Karoori ndin ɗe ndanni tar.

Kuuɗe Lilaaɓe 20:28

Paamanee ko'e mooɗon, ndeenon ornde nde Ruuhu Allah hokki'on. Ngartee woynaaɓe kawtal yimɓe Allah, ɓe o soodiri e mayde Ɓiɗɗo maako.

1 Biiturus 3:18

Ngam Almasiihu maayii nde go'o ngam ittuki hakkeeji meeɗen. Kanko o gooduɗo aadilaaku, ammaa o maayii ngam ɓe ngalaa aadilaaku ngam o yaara'en to Allah. Ɗum wariimo, ammaa Ruuhu Allah hokkiimo yonki.

Maatiyu 26:28

ngam ɗa'am kanjam woni ƴiiƴam am tabbitinayɗam alkawal Allah ndufeteeɗam ngam yimɓe ɗuɗɓe ngam yaafaaki hakke.

Wahayu Yahaya 14:1

Nden mi raarii sey ngiimi Karoori ndin e darii dow Hocceere Sihiyoona. E mo wondi e yimɓe 144,000 ɓe ɗum windani inde maako e nde Nyaako maako to tiiɗe maɓɓe.

Wahayu Yahaya 5:6

Sey ngiimi wondi Karoori e darii haade jooɗorgal ngal. Tagaaɗum nayum gooduɗum yonki ɗum e mawɓe ɓen e piliindi. Karoori ndin bo ndi hirsaanoma. E ndi woodi luwe joweeɗiɗi e gite joweeɗiɗi, kanje ngoni Ruuhuuji Allah joweeɗiɗi lilaaɗi nder duuniyaaru fuu.

Roomanko'en 3:25

Allah lilii Yeesu Almasiihu warta cakkiri, ngam to yimɓe koolakemo ɗum yaafanooɓe hakke maɓɓe barka ƴiiƴam maako. Allah waɗii ɗu'um ngam holla aadilaaku muuɗum. Ngam ndenno o munyanii gaɗuɓe hakke o taƴanaayiɓe kiita.

1 Biiturus 1:2

Allah Nyaako Mo Dow suɓii'on nder yidde maako. Ruuhu maako wartirii'on ceniiɓe, ngam tokkon ko Yeesu Almasiihu wi'i, laaɓon barka ƴiiƴam maako. Allah ɓeyda barkiɗinki'on, ɓeyda hokkuki'on jam.

Wahayu Yahaya 14:5

Ɗum meeɗaayi nanki fewre daga konduɗe maɓɓe, ngam ɓe meeɗaayi waɗuki goɗɗum ko wooɗaa.