1 Biiturus 1:17 - Fulfulde Nigeria

¹⁷ On nodda Allah Nyaako Mo Dow nder do'aare mooɗon. Nde e mo waɗana koo moye kiita dow kuuɗe ɗe waɗi, o hollataa feerootirol, ngaɗee jonde mooɗon nde koɗaaku e duuniyaaru ndu'u nder kulol Allah.

1 Biiturus 1:17 ပူးပေါင်းရင်းမြစ်များ

Maatiyu 6:9

Raa no ngaɗirton do'aare, ‘Yaa Allah Nyaako amin Mo Dow, inde maaɗa ceniinde mawninee.

Filibiyanko'en 2:12

Ngam non onon ɓe ngiɗumi, koo ndeye on ngaɗa ko ɗum wi'i'on carel ko ngondunoomi e mooɗon. Jooni maa nde mi walaa ɗon, ɓeydee waɗuki ko ɗum wi'i'on. Ngaɗee ka huwuki kuugal kisndam mooɗon nder kulol Allah.

2 Korintiyanko'en 7:1

Too, bandiraaɓe am ɓe ngiɗumi, nde en ngaɗanaama alkawal dow fuu ɗu'um, en laaɓin ko'e meeɗen daga koo ɗume gaɗoojum ɓalli meeɗen e ɓerɗe meeɗen ngarta ko laaɓaa yeeso Allah. En ngartu ɓe senaaki keewuki, kulooɓe Allah.

Ibraaniyanko'en 12:28

Ngam maajum en ngettu Allah ngam en keɓii laamu ɗum dimbataako. En mawnin Allah nder kulol, mawninki ki o jaɓata.

Aafisanko'en 1:17

E mi toroo Allah mo Yeesu Almasiihu Joomiraawo meeɗen, Nyaako mo mangu, hokka'on Ruuhu muuɗum pamtinayɗum'on ɓeydana'on andal Allah, ngam andonmo boɗɗum.

Galaatiyanko'en 2:6

Ammaa ɓen ɗon ardiiɓe ɓe ɓeydaayi goɗɗum dow ekkitinol am. Koo kamɓe ɓe ɓeye walaa feerootirol to am, ngam Allah hollataa feerootirol.

Roomanko'en 11:20

Ɗu'um ɗum goonga. Ɓe itta daga lekki kin ngam ɓe koolaaki Allah, ammaa an boo a takka e lekki kin ngam a hoolake Almasiihu. Ngam non, taa' mawnin hoore, ammaa jooɗa nder kulol Allah.

Maatiyu 22:16

Sey ɓe liloyi tokkuɓeɓe e yimɓe Hirudus, ɓe mbi'i, “Moodibbo, e min andi ko mbi'ataa e ko ngaɗataa ɗum goonga, a ekkitina dow laawol Allah e goonga, a hulataa ko yimɓe mbi'ata dow maaɗa, a hollataa feerootirol hakkunde yimɓe.

1 Biiturus 2:11

Onon ɓe ngiɗumi, on hoɓɓe nder duuniyaaru ndu'u, onon naa' ɗum ɓe ɗo'o. Ngam non e mi toroo'on, cendiree e suunooji ɓandu giɗɗi halkuki'on.

Ibraaniyanko'en 4:1

Nde alkawal ngal Allah waɗani'en ngal nattuki to o siwtinta'en e ɗon, en paamu, to' goɗɗo mooɗon dulla nattuki siwtaare nden.

Koloosiyanko'en 3:25

Koo moye gaɗoowo ko wooɗaa ɗum waatanaymo ko haananimo, ngam Allah hollataa feerootirol.

Aafisanko'en 6:9

Onon maa jeyɓe maccuɓe ɓen, doole ngaɗanonɓe ko haani. To' on mbi'u on piyayɓe, ngam on andi onon e maccuɓe mooɗon on ngoodi mawɗo go'oto gonɗo dow, o walaa yidde hoore.

Aafisanko'en 3:14

Ngam maajum, e mi diccoo e mi toroo Nyaako Mo Dow.

1 Biiturus 3:15

Ammaa mawninee Almasiihu nder ɓerɗe mooɗon ngam kanko woni Joomiraawo. Koo ndeye njooɗee on ciryii nootaaki koo moye ƴamuɗo'on dow waɗuki ɓernde ki ngaɗɗon dow Almasiihu. Ngaɗee non nder lesnuki hoore e mawninki.

2 Korintiyanko'en 5:6

Kanjum waɗi koo ndeye e min ngoodi sembe ɓernde. E min andi to ni e min nder ɓandu amin ndu'u, e min ngoɗɗitii wuro amin wongo to Joomiraawo.

2 Korintiyanko'en 1:2

Allah Nyaako meeɗen e Joomiraawo meeɗen Yeesu Almasiihu barkiɗina'on hokka'on jam.

2 Korintiyanko'en 7:11

Ndaaree ngi'on ko ciya nanki belɗum mooɗon waddani'on, ki waɗii'on on ngartii tiiɗuɓe, on ngartii kaaɓuɓe kolla onon naa' on gaɗooɓe ko wooɗaa, on ɓernii dow ko wooɗaa, on kultorii, on kaaɓii ngi'onyam, on ngiɗii wallukiyam, on kaaɓii ngi'on ɗum taƴanii gaɗoowo hakke kiita. On kollii on ngaɗii ko haani dow ko mbindannoomi'on.

Maatiyu 16:27

Ngam Ɓii Neɗɗo waray nder teddungal Nyaako muuɗum Mo Dow e malaa'ika'en maako, o waatanay koo moye ko waɗi.