1 Biiturus 1:12 - Fulfulde Nigeria

¹² Ɗum wi'iiɓe onon ɓe kuwanta naa' ko'e maɓɓe, nde ɓe meti dow fuu fii ɗum ɗon ɗum nanɗon jooni. On naniiɗum daga to ga'ajinanɓe'on Habaru Belɗum barka Ruuhu Allah liloyaaɗum daga dow. Koo malaa'ika'en e ngiɗi faamukiɗum.

1 Biiturus 1:12 ပူးပေါင်းရင်းမြစ်များ

Yahaya 15:26

“Ballayɗum waray, waato Ruuhu Allah kollayɗum goonga, ɗum liloyaymi daga to Nyaako Mo Dow. To ɗum warii, ɗum hokkay ceyda dow am.

Aafisanko'en 3:10

O waɗu non ngam nder jaamanu ɗu'um, barka kawtal tokkuɓe Yeesu, malaa'ika'en gooduɓe laamu e bawɗe dow, ɓe anda dabare Allah mawnde.

1 Korintiyanko'en 2:10

Ammaa Allah hollii'enɗum laawol Ruuhu maako. Ngam Ruuhu maako e andi koo ɗume haa e sirru maako lugguɗum.

Ibraaniyanko'en 4:2

Ngam en nanii Habaru Belɗum, non no ɓe naniriɗum. Ammaa ko ɓe nani ɗum nafaayiɓe, ngam carel ngel ɓe naniɗum, ɓe njaɓaayiɗum.

Markus 16:15

Nden o wi'iɓe, “Njahee koo toye nder duuniyaaru nga'ajinanon koo moye Habaru Belɗum.

1 Biiturus 1:25

ammaa Wolde Joomiraawo e nde ɗon haa abadaa.” Nde'e wolde kayre woni Habaru Belɗum dow Yeesu Almasiihu ɗum um wa'ajinani'on.

Wahayu Yahaya 5:11

Gaɗa ɗon mi raarii, sey nanmi hononde malaa'ika'en ɗuɗɓe, ɗuuɗuki maɓɓe walaa keerol. E ɓe pilii jooɗorgal ngal e tagaaɗum gooduɗum yonki ɗum ɗon e mawɓe ɓen,

2 Korintiyanko'en 6:6

Min kollii min maccuɓe Allah ɓe goonga nder laɓki ɓerɗe ki min ngoodi, e andal, e munyal, e no min mballirta yimɓe, e Ruuhu Allah ɗum min ngoodi, e yidde nde goonga,

2 Korintiyanko'en 1:22

o waɗanii'en alaama maako kolluɗum enen ɗum ɓe maako. O hokkii'en Ruuhu maako nder ɓerɗe meeɗen, ngam ɗum tabbitinana'en ko o hokkata'en yeeso ɗo'o.

Roomanko'en 15:19

e kuuɗe kayɗiniiɗe ɗe ngaɗumi laawol bawɗe Ruuhu Allah. Daga Urucaliima mi filake haa yaaki gariiri Iliirikum, mi wa'ajini Habaru Belɗum dow Almasiihu e ɗen ɗon bigeeje fuu.

Kuuɗe Lilaaɓe 2:33

Allah mawniniimo, jooɗiniimo e jungo muuɗum nyaamo hokkimo Ruuhu muuɗum no o waɗunoo alkawal. Kanko boo o hokkiiminɗum. Kanjum woni ko ngi'oton e ko nanoton jooni.

Ibraaniyanko'en 2:4

Non maa Allah tabbitiniiɗum e alaamaaji, e kuuɗe kayɗiniiɗe feere‑feere, e hokkuki Ruuhu maako non no o yiɗiri.

Galaatiyanko'en 1:16

wanginankiyam Ɓiɗɗo maako, ngam mi wa'ajinamo nder yimɓe naa' Yahuudanko'en. Nde non waɗi, mi yahaayi to goɗɗo ngam hokkayam caawori,

Galaatiyanko'en 1:12

Naa' to neɗɗo keɓumiɗum, non maa walaa ekkitinɗoyamɗum, ammaa Yeesu Almasiihu wanginaniyamɗum.

Roomanko'en 10:15

Nden no yimɓe nga'ajinirta to ɓe lilaaka? Non no ɗum windiraa, “Ɗum fii boɗɗum yottaaki ɓen ɗon gadduɓe Habaru Belɗum.”

Roomanko'en 1:17

Ngam Habaru Belɗum e holla aadilaaku Allah keɓeteeɗum barka hoolaaki Yeesu tan. Non no ɗum windiraa, “Aadiliijo o waɗay jonde hoolaaki Allah.”

Luka 15:10

E mi wi'a'on, bo non malaa'ika'en nanirta belɗum yeeso Allah to gaɗoowo hakke go'oto alii waɗuki hakke so''ake to Allah.”

Maatiyu 11:25

E carel ngel Yeesu wi'i, “Mi yettiima, Nyaako am Mo Dow, Joomiraawo dow e ley, ngam a suuɗii fii ɗu'um to gooduɓe faamu e andal, a holliiɗum ɓikkoy pamaroy.

1 Tasaloonikanko'en 2:9

Bandiraaɓe, on ngejjitaayi kuuɗe ɗe min kuwi naa' seɗɗa. Min kuwii jemma e nyalawma ngam to' min njowana goɗɗo nder mooɗon wongal teddoral carel ko min nga'ajinanta'on Habaru Belɗum ƴiwoyɗum to Allah.

Luka 9:6

Sey ɓe ndilli, ɓe njahi ngarihoy feere‑feere, e ɓe nga'ajina Habaru Belɗum, e ɓe njamɗitina yimɓe koo toye.

Luka 2:26

holliimo o maayataa naa o yi'ii Almasiihu Joomiraawo.

Maatiyu 16:17

Yeesu nootii wi'imo, “A barkiɗinaaɗo, Siiman ɓii Inuusa, ngam naa' ɗum neɗɗo wi'imaaka, sey ni Nyaako am Mo Dow.

Maatiyu 11:27

Sey o wi'i yimɓe, “Nyaako am hokkiiyam koo ɗume. Walaa anduɗo moye woni Ɓiɗɗo on sey ni Nyaako on, non maa walaa anduɗo Nyaako on sey ni Ɓiɗɗo on, e mo Ɓiɗɗo on yiɗi andina Nyaako on.

Ibraaniyanko'en 11:13

Yimɓe ɓe'e fuu maayii e koolii Allah. Ɓe keɓaayi alkawal ngal, ammaa ɓe kaynakengal ɓe nanii belɗum maagal. Ɓe mbi'ii e njayri ɓe hoɓɓe ɓe garɓe nder duuniyaaru ndu'u.

Roomanko'en 1:15

Ngam maajum, mi haaɓii wa'ajinanki'on Habaru Belɗum onon maa jooɗiiɓe gariiri Rooma.

Kuuɗe Lilaaɓe 16:10

Nde Bulus hoyɗi koyɗol ngol, ɗon e ɗon min ndarwi yaaki Makidooniya, ngam min anditii Allah noddiimin min nga'ajinanaɓe Habaru Belɗum kamɓe maa.

Kuuɗe Lilaaɓe 10:44

Biiturus e nder metankiɓe, sey Ruuhu Allah jippii dow nanooɓemo fuu.

Kuuɗe Lilaaɓe 8:25

Gaɗa Biiturus e Yahaya tabbitinanii Samaariyanko'en dow Yeesu, ɓe nga'ajinaniɓe Wolde Joomiraawo. Nde e ɓe dow laawol hootuki Urucaliima, ɓe nga'ajini Habaru Belɗum nder ngarihoy Samaariya ɗuɗkoy.

Kuuɗe Lilaaɓe 4:31

Nde ɓe njottini do'aare wuro ngo ɓe kawriti dimbii. Ɓe fuu ɓe keewi Ruuhu Allah, ɓe nga'ajini Wolde Allah kulol walaa.

Kuuɗe Lilaaɓe 4:8

Biiturus e heewi Ruuhu Allah, wi'iɓe, “Onon ardiiɓe yimɓe e mawɓe,

1 Timooti 3:16

Walaa wongo seko, sirru diina meeɗen e mawni, wiiki: Almasiihu warii nder ɓandu neɗɗo, Ruuhu Allah hollii e mo waɗa ko Allah yiɗi, malaa'ika'en ngi'iimo, ɗum hokkii habaru maako nder lenyi, ɗum hoolakemo nder duuniyaaru, ɗum hocciimo yaaki dow nder mangu maako.

1 Biiturus 4:6

Kanjum waɗi haa mayɓe maa nga'ajinanaa Habaru Belɗum dow Yeesu Almasiihu. Ngam koo nde Allah torririiɓe mayde nder ɓandu bo koo moye, yonkiiji maɓɓe njooɗodoto e Allah.