Yahuuda 1:4 - Fulfulde Niger West

⁴ Mi winndanii on ngam himɓe ɓe kulataa Alla gom molake naati hakkune mooɗon, himɓe ɓe illa ko ɓooyi kiite mum'en mbinndaa. Iɓe oonya moƴƴere Alla ngam ɓe ngaɗa no weliri ɓe. Iɓe mbi'a ɓe anndaa Iisa *Almasiihu, Joomiraawo meeɗen gooto jeyɗo en.

Yahuuda 1:4 ပူးပေါင်းရင်းမြစ်များ

Matta 13:25

Amma wakkati himɓe fuu ɗaaninoo ndeen, ganyo makko gom wari, wicci huɗo bonko nder magga, dilli.

Yahaaya 17:3

Mbuurnam nduumiiɗam woni ɓe annde, aan Alla gooto goongaajo, ɓe annda mo lilɗaa oon duu, Iisa *Almasiihu.

Golle Lilaaɓe 11:23

Barnabas neɗɗo lobbo non, keewɗo *Ruuhu Ceniiɗo he goonɗinol. Wakkati o yottinoo Antiyokiya, o hi'i no Alla barkiniri goonɗinɓe ɓeen, o nani belɗum majjum. O holliti ɓe, o semmbinɗini ɓe ngam ɓe tittinkinoo nder hoolaade Alla. Himɓe heewɓe ngoonɗini, ngari ɓeydi he goonɗinɓe illa arannde ɓeen.

Golle Lilaaɓe 15:24

Min nani ko himɓe gom ƴuwi nder wurooji amin ngari culnani on. Ɓe ummini hakkillooji mooɗon, baa ko min kokkaay ɓe laawol ɓe ngara ɓe kaalana on iri haalaaji ɗii.

Galatiya 2:4

baa nii ko banndiraaɓe meeɗen fewreeɓe gom tefiino ɗum. Ɓe corkake hawriine goonɗinɓe ndeen ngam horude min, ɓe ngi'a faa keddi toy kawtal amin he Iisa *Almasiihu rimɗiniri min. Nden ɓe ndaara no ɓe ngartirta min maccuɓe maɓɓe.

Galatiya 5:13

Banndiraaɓe, Alla noddi on ngam waɗa on rimɗuɓe. To muree accon dimɗinol mooɗon ngol laatanoo on daliila tokkude muuyɗe ɓanndu. Ndurwee ngol laatanoo on laawol hidde gollonodirde he ɓerne worre.

Efeesu 4:14

Ɗum waɗaama heɓa to en ngartu hano sukaaɓe hiileteeɓe, naa hano laana ka benkeƴƴe njaarata to ngiɗi fuu. En accataa jannginooɓe fewre gom ngara mbaylita ɓerɗe meeɗen, ƴoyna en itta en dow laawol goonɗinol meeɗen.

1 Timote 5:8

Neɗɗo fuu mo saanaay himɓe mum, sako wuro mum, jammbake goonɗinol mum, joomum jaasii mo anndaa Alla !

2 Timote 2:12

Nde nii eɗen munya, en laamodoto he makko. Amma nde nii en calake mo, kanko duu o saloto en.

2 Timote 3:6

Nder maɓɓe, woɓɓe no molo naata nder cuuɗi ngam pooɗa hakkillo ndewoy koy ko'e kuyfuɗe, koy hakke haɓɓi ko'e mum'en e cuunaakoy huune fuu,

1 Piyer 2:16

On kanaa maccuɓe, on rimɓe. Ndenne, to accee ndimaaku mooɗon warta laawol gaɗol golle nyidduɗe. Njooɗee no maccuɓe Alla njooɗorto.

1 Piyer 2:8

No winndaa kaden : Hayre fergoore non, hayre non, liɓoore neɗɗo. Saliiɓe tokkude haala kaa, no pergoo he mayre hano no ɗum fodora he maɓɓe.

1 Piyer 4:18

Ngam no winndaa wi'aa : Nde nii kisinol dartiiɓe tiiɗi, yedduɓe Alla e waɗooɓe hakke ɓeen nee, ɗume hewtotoo ɓe ?

2 Piyer 2:10

O ɓoccan doggooɓe gaɗa muuyɗe ɓalli mum'en, huyfinɓe ardaŋal fuu. Jannginooɓe fewreeɓe, ɓe cemtataa baa isilam. Iɓe mawniti, ɓe cemtataa duu haalude haalaaji mettuɗi dow jom'en baawɗe wonɓe dow kammu.

2 Piyer 2:7

O hisini Luutu, neɗɗo dartiiɗo, mo golle bonɓe nyawni ɓerne mum.

2 Piyer 3:7

He haala makko goota kaan, o jogii kammu e leydi. Kammu e leydi no njogetee ngam hiite halka ɗe nyannde darŋal. Nyalaane ndee waɗooɓe hakke kiitetee, kiite kalkooje ɓe.

1 Yahaaya 2:22

Ndenne, moy woni penoowo oon ? Jedduɗo ko Iisa woni *Almasiihu, kam woni penoowo. Jedduɗo *Baabiraawo e Ɓiyum bajjo oon, too joomum no ganyo-Almasiihu.

Yahuuda 1:15

ngam hiito himɓe fuu. O taƴana ɓe kiite ngam golle nyidduɗe ɗe ɓe ngaɗata nder rafi kulol Alla e haalaaji bonɗi ɗi ɓe kaali dow makko. »

Yahuuda 1:18

Nder haalaaji maɓɓe, ɓe mbi'ii on : « Nder wakkati cakitiiɗo, tokkooɓe muuyɗe ɓalli mum'en, haalooɓe ko ngiɗi gom ngarowan, njawoo on. »

Bannginol 15:4

Yaa Joomiraawo ! Moy woni hulataa ma ? Moy saloto teddinde ma ? Aan tan woni Ceniiɗo. Lenyi fuu ngaran cujida yeeso maa, ngam ɗi fuu ɗi ngi'ii ko golleeji maaɗa no dartiiɗi.