Yahaaya 9:7 - Fulfulde Niger West

⁷ O wi'i mo : —Yah lootoy yeeso maa to luggere Silowam. Maana Silowam woni « Lilaaɗo. » O lootowi yeeso makko, o warti, omo hi'a.

Yahaaya 9:7 ပူးပေါင်းရင်းမြစ်များ

Matta 11:5

Wumɓe no mbumtaa, laƴooɓe no njaha faa wooɗa, seppinɓe no nyawtee, pahuɓe no pahitee, maayɓe no ummintinee, talkaaɓe duu no pillanee *Habaru lobbo.

Luka 13:4

Oɗon miccitoo he ɓiɓɓe Galili sappo e njeetato, ɓe suudu Silowam toownu saamunoo dow mum'en faa maayi ɓeen, oɗon miila ko kamɓe ɓuri himɓe *Ursaliima fuu waɗude hakke naa ?

Luka 2:32

jeyngol bannginaangol ngam lenyi duuniyaaru fuu, jeyngol teddinoowol *Isra'el, lenyol maa.

Yahaaya 10:36

too, miin mo Alla senɗini, lili nder duuniyaaru nduu, noy haala am laatortoo pamɗinol Alla ngam mi wi'i : « Miin, mi *Ɓii-Alla »  ?

Yahaaya 11:37

Amma woɓɓe maɓɓe duu mbi'odiri : —Bumtinɗo bumɗo no waawaa haɗude gorko oo maayde naa ?

Yahaaya 9:11

Neɗɗo oon jaabii ɓe wi'i : —Gorko bi'eteeɗo Iisa, waɗi kecciri, wuji e gite am, wi'i kam mi yaha to luggere Silowam, mi lootowa yeeso am. Lootoymi yeeso am, sey mbumtumi.

Yahaaya 9:39

Nden Iisa wi'i mo : —Mi wari nder duuniyaaru ngam kiite ngaɗaa, wumɓe ngi'a, hi'ooɓe mbumaa.

Golle Lilaaɓe 26:18

Mi lilete ngam piirta gite maɓɓe, ɓe ƴuwa nder nimre, ɓe ngarta nder jeyngol. Ɓe copto baawɗe Ibiliisa, ɓe naata Laamu Alla. Ɓe keɓa hakkeeji maɓɓe njaafee, kamɓe he seniiɓe kawtida ndonu ngam ɓe ngoonɗini kam. »

Rooma 8:3

*Tawreeta waawaayno rimɗinde en ngam nder ɓii-aadamaaku meeɗen en ngalaa semmbe ɗowtanaade ko wi'aa nder mayre amma Alla rimɗini en. O lili Ɓiyiiko nder duuniyaaru ngam rimɗina en. O wari nder ɓanndu nanndunu he ɓanndu waɗooɓe hakke ngam o laatoo *sadaka ngam hakke. O sankita semmbe hakke gonɗo nder ɓalli meeɗen.

Galatiya 4:4

Amma nde wakkati mo Alla resi oon yottii, Alla lili Ɓiyum. Debbo gom rimi mo nder wakkati mo sariya *Tawreeta nawtortee.