Yahaaya 9:4 - Fulfulde Niger West

⁴ No tilsi ngaɗen golle lilɗo kam illa nder nyalooma. Ngam nde jemma wari, baa gooto waawaa gollude.

Yahaaya 9:4 ပူးပေါင်းရင်းမြစ်များ

Matta 20:7

Ɓe njaabii mo, ɓe mbi'i : « Neɗɗo fuu hooƴaay min golle. » Nden o wi'i ɓe : « Too, njehee onon duu ngollowon nder ngesa am. »

Markus 3:3

Iisa wi'i jom junngo waanngo oon ummoo, daroo yeeso himɓe fuu.

Yahaaya 10:32

Amma Iisa wi'i ɓe : —Yeeso mooɗon, baawɗe *Baabiraawo ngaɗirmi golle ɗuɗɗe lobbe sanne ɗe fuu. Nder golle ɗe ngaɗumi ɗe fuu, ngam gollal ngale ngiɗɗon faɗɗude kam kaaƴe ?

Yahaaya 10:37

Se nii mi waɗaay golleeji *Baaba am, to ngoonɗinee kam.

Yahaaya 12:35

Iisa jaabii ɓe : —Oɗon nder jeyngol ginan, amma ɗum ɓooyataa. Ndillee illa oɗon nder jeyngol, ngam to nimre juhu on. Sabu dilloowo nder nimre anndaa fuu to yahata.

Yahaaya 17:4

Mi teddinii ma nder duuniyaaru, mi humnii golle ɗe kokkuɗaa kam mi golla.

Yahaaya 4:34

Iisa wi'i ɓe : —Nyaamdu am woni waɗude muuyo lilɗo kam e humnude golle makko.

Yahaaya 5:19

Iisa wi'i ɓe : —Miɗo haalana on goonga : Ɓiɗɗo waawaa waɗude baafuy, kam tan, sey ko o hi'i *Baabiraawo no waɗa. Sabu ko *Baabiraawo waɗata fuu, kam Ɓiɗɗo oon duu waɗata.

Yahaaya 5:36

Amma miin, miɗo jogii seede dow am ɓurɗo mo Yahaaya manngu : Golleeji ɗi *Baabiraawo tilsini kam mi waɗa ɗii, kanƴi jaati ceedantoo kam ko *Baabiraawo lili kam.

Yahaaya 7:33

Sey Iisa wi'i ɓe : —Miin, mi wondan he mooɗon wakkati seɗɗa ginan. Gaɗa mum, mi soƴƴoo to lilɗo kam oon.

Golle Lilaaɓe 4:20

Ngam no tilsi he amin, min ceedo dow ko min ngi'ii e dow ko min nani.

Galatiya 6:10

Ndenne nder wakkati mo hoddi oo, ndurwen ngaɗanen neɗɗo fuu moƴƴere. Amma ko ɓuri woni, ngaɗanen banndiraaɓe meeɗen goonɗinɓe *Almasiihu.

Efeesu 5:16

Wakkati fuu mo mbaawɗon waɗude ko wooɗi, ndurwee ngaɗee ɗum, ngam nder jamaanu bonɗo ngonɗen.

Koloosi 4:5

Wakkati fuu mo kawruɗon he ɓe ngoonɗinaay, laatee jom'en hikmaaku hakkune maɓɓe. Nawtoree he wakkati mo o hokki on.