Yahaaya 3:34 - Fulfulde Niger West

³⁴ Mo Alla lili fuu, ko Alla haali haalata, ngam Alla hokki mo *Ruuhu mum mo walaa keerol.

Yahaaya 3:34 ပူးပေါင်းရင်းမြစ်များ

Matta 12:18

Ndaa golloowo am mo cuɓiimi. Omo horsi he am, omo welna ɓerne am. Mi jippinan *Ruuhu am dow makko, o yottinan laawol dartinaaku to lenyol fuu.

Luka 4:18

—*Ruuhu Joomiraawo no dow am, ngam o suɓake kam, ngam talkaaɓe mbaajee *Habaru lobbo. O lili kam ngam nanngaaɓe kaalanee joofol mum'en, wumɓe duu, bumtinol mum'en, torraaɓe keɓa dimɗinol mum'en.

Yahaaya 1:16

Ngam ɗuuɗal moƴƴere makko en fuu en keɓii barke dow barke.

Yahaaya 15:26

Nde Balloowo mo lildanmi on warii, kanko woni *Ruuhu goonga ƴuwoowo to *Baabiraawo, kanko seedantoo kam.

Yahaaya 16:7

Amma nder ɗum fuu, miɗo haalana on goonga, yahdu am ɓuri wooɗande on. Nde mi yahaay, Balloowo oon warataa to mooɗon. Amma nde mi yehi, mi lildanan on mo.

Yahaaya 3:17

Alla lilaay Ɓiyum nder duuniyaaru ngam o hiitoo ndu, amma ngam ndu hisaa daliila makko.

Yahaaya 5:26

Hano no *Baabiraawo laatorii asili mbuurnam, hano non o hokkiri Ɓiɗɗo oon duu baawɗe laataade asili mbuurnam.

Yahaaya 7:16

Iisa jaabii ɓe wi'i : —Waaju mo mbaajotoomi oo, ƴuwaay to am. Amma to lilɗo kam oon, o ƴuwi.

Yahaaya 8:40

Amma jooni oɗon tefa warde kam, miin kaalanɗo on goonga mo narrumi Alla. *Ibrahim kay, waɗaay ir ɗum.

Yahaaya 8:47

Neɗɗo Alla kay no hettintoo haala Alla. Onon nee, on kettintaako ngam on kanaa himɓe Alla.

Golle Lilaaɓe 1:2

faa wara nyalaane nde o ƴeencinaa. Fadde makko ƴeencineede, nder baawɗe *Ruuhu Ceniiɗo o fooɗi hakkillo *lilaaɓe makko ɓe o suɓinoo, o tinndini ɓe.

Golle Lilaaɓe 10:38

Oɗon anndi no Alla jippiniri baawɗe *Ruuhu Ceniiɗo dow Iisa mo Nasaratu. Oɗon anndi duu no Iisa fiilori nder leydi ndiin fuu no golla golleeji lobbi, no soptina wonɓe nder maccangaaku Ibiliisa. Iisa waɗi kujje ɗee fuu ngam Alla no wondi he makko.

Rooma 8:2

Nde en ngondi he *Almasiihu tilsinoore *Ruuhu Alla hokkata en mbuurnam. Inde rimɗina en he laamu hakke, inde rimɗina en duu he maayde.

Efeesu 3:8

Baa nii ko miin ɓuri famɗude nder himɓe Alla, miin Alla suɓii, hokki teddungal waajaade hakkune ɓe kanaa *Yahudankooɓe barke ɗe limtataako tawaaɗe nder *Habaru lobbo, habaru dow *Almasiihu.

Koloosi 1:19

Alla muuyi ko woni he mum fuu wona he makko,

Koloosi 2:9

Ko woni he Alla fuu no hi'ee he *Almasiihu.

Bannginol 21:6

Huune fuu timmi ! Miin woni fuɗɗorde miin woni timmoode. Miin woni arano, miin woni cakitiiɗo. Neɗɗo fuu ɗomɗuɗo, mi hokkan ɗum forba ndiyam mbuurnam.

Bannginol 22:1

Maleykaajo tawaaɗo hakkune maleykaaɓe jeɗɗo jogiiɓe nyeɗerɗe jeɗɗi holli kam maayo kokkoowo ndiyam mbuurnam. Ingo ƴelkita hano danndorgal. Ndiyam maggo no ƴuwa to jooɗorɗe Laamu Alla e Njawdiri ndiin.