Yahaaya 3:2 - Fulfulde Niger West

² Jemma gom o yehi to Iisa, o wi'i ɗum : —Moodibbo, miɗen anndi a moodibbo mo Alla lili. Walaa baawɗo waɗi kaayɗe ɗe ngaɗataa ɗee, nde Alla wondaa he joomum.

Yahaaya 3:2 ပူးပေါင်းရင်းမြစ်များ

Matta 22:16

Ɓe lili aahiiɓe maɓɓe gom he tokkuɓe *Hirudus to Iisa. Lilaaɓe ɓeen mbi'i Iisa : —Moodibbo, miɗen anndi ko goonga tan kaalataa. Aɗa janngina laawol Alla goonga e goonga. A hulataa neɗɗo fuu, a ɓurdinaay himɓe.

Matta 23:7

Iɓe ngiɗi sanneede cannooje tedduɗe nder luuɓe he noddireede « moodibbo ».

Matta 23:8

Amma onon, to njaɓee noddireɗon « moodibbo », ngam Moodibbo gooto tan ngooduɗon. On fuu on banndiraaɓe.

Markus 12:14

Ɓe ngari, ɓe mbi'i mo : —Moodibbo, miɗen anndi ko goonga tan kaalataa. A hulataa neɗɗo fuu, a ɓurdinaay himɓe, aɗa janngina laawol Alla goonga e goonga. No hegii min kokka laamiiɗo *Rooma mawɗo janngal naa hegaaki ?

Yahaaya 1:38

Iisa yeeƴitii, hi'i iɓe tokki ɗum, wi'i ɓe : —Ɗume tefoton ? Ɓe njaabii, ɓe mbi'i : —Rabbi, toy njooɗotoɗaa ? Rabbi kam woni Moodibbo.

Yahaaya 10:38

Amma se miɗo waɗa ɗi, baa se on ngoonɗintaa kam, ngoonɗinee golleeji ɗii, ngam paamon, njaɓon duu no wooɗiri ko *Baabiraawo no wondi he am, miɗo wondi he makko.

Yahaaya 12:37

Baa ko o waɗi kaayɗe ɗuɗɗe ɗee fuu yeeso maɓɓe, ɓe ngoonɗinaay mo.

Yahaaya 14:10

A goonɗinaay ko miɗo hawti he *Baabiraawo, *Baabiraawo duu no hawti he am naa ? Haalaaji ɗi kaalanmi on ɗi fuu, ƴuwaay to am. *Baabiraawo gonduɗo he am, waɗata golle mum.

Yahaaya 15:24

Nde mi waɗaayno golleeji ɗi neɗɗo fuu meeɗaay waɗude hakkune maɓɓe, hakkeeji maɓɓe limataakeno. Amma jooni ɓe ngi'ii ɗi, ɗi fuu, baa ko non waɗi, ɓe accaay wanyude kam, miin e *Baabiraawo.

Yahaaya 2:11

Alaama kaayɗiniiɗo oo woni alaama kaayɗiniiɗo arano mo Iisa waɗi. O waɗii mo nder wuro Kaana nder leydi Galili. O wanngini teddungal makko. *Aahiiɓe makko ngoonɗinii mo.

Yahaaya 20:16

Iisa wi'i mo : —Mariyaama ! Mariyaama waylitii, daari mo, wi'i nder ibrankoore : —Rabbuni kam woni « Moodibbo ».

Yahaaya 3:26

Ɓe njehi to Yahaaya, ɓe mbi'i mo : —Moodibbo, aɗa miccitoo gorko gondunooɗo he maa toon gaɗa maayo Urdun, gorko mo ceedaninoɗaa oon ? Kanko duu, omo waɗana himɓe *batisma. Himɓe fuu no njaha to makko !

Yahaaya 4:31

Wakkati debbo oon dillunoo *aahiiɓe ɓeen eelii mo mbi'i : —Moodibbo, nyaamu !

Yahaaya 5:36

Amma miin, miɗo jogii seede dow am ɓurɗo mo Yahaaya manngu : Golleeji ɗi *Baabiraawo tilsini kam mi waɗa ɗii, kanƴi jaati ceedantoo kam ko *Baabiraawo lili kam.

Yahaaya 6:2

Jama'aare ɗuunde no tokki mo sabu ɓe ngi'ii kaayɗe ɗe o waɗi wakkati o yamɗintinnoo nyawɓe.

Yahaaya 7:31

Ɗuɓɓe nder jama'aare ndee ngoonɗini mo, mbi'i : —Kee nde *Almasiihu oon wari, omo waawi waɗude kaayɗe ɓurɗe ɗe gorko oo waɗi naa ?

Yahaaya 9:16

Gere nder *Fariisa'en mbi'i : —Gorko oo ƴuwaay to Alla ngam o hoddanaay *nyalaane fowteteene. Amma woɓɓe mbi'i : —Noy gaɗoowo hakke waawi waɗude ir kaayɗe ɗee ? Ɗum waddi rafi potal caka maɓɓe.

Golle Lilaaɓe 10:38

Oɗon anndi no Alla jippiniri baawɗe *Ruuhu Ceniiɗo dow Iisa mo Nasaratu. Oɗon anndi duu no Iisa fiilori nder leydi ndiin fuu no golla golleeji lobbi, no soptina wonɓe nder maccangaaku Ibiliisa. Iisa waɗi kujje ɗee fuu ngam Alla no wondi he makko.

Golle Lilaaɓe 2:22

—Onon Isra'ilankooɓe, kettinee, Iisa mo Nasaratu woni mo Alla suɓii, hokki baawɗe waɗude kujje kaayɗiniiɗe, he alamaaji ɗuɗɗi hakkune mooɗon. Onon e ko'e mooɗon, oɗon anndi ko waɗi.

Filipi 1:14

Uddol am ngool waɗi ko ɗuɓɓe nder banndiraaɓe am duu ɓeydi hoolaade Joomiraawo. Ɓe kulataa kaden, amma he cuusal ɓe kaalirta haala Alla.