Yahaaya 1:4 - Fulfulde Niger West

⁴ Mbuurnam woni he makka, mbuurnam ɗaam laatanii himɓe jeyngol.

Yahaaya 1:4 ပူးပေါင်းရင်းမြစ်များ

Matta 4:16

Wonɓe nder nimre, hi'uɓe jeyngol manngol. Wonɓe nder ɗowdi maayde, jeyngol wanngani ɓe.

Luka 2:32

jeyngol bannginaangol ngam lenyi duuniyaaru fuu, jeyngol teddinoowol *Isra'el, lenyol maa.

Yahaaya 11:25

Iisa wi'i mo : —Miin woni ummitaaki maayɓe, miin woni mbuurnam duu. Neɗɗo fuu goonɗinɗo kam, baa se maayi, no wuuran.

Yahaaya 12:35

Iisa jaabii ɓe : —Oɗon nder jeyngol ginan, amma ɗum ɓooyataa. Ndillee illa oɗon nder jeyngol, ngam to nimre juhu on. Sabu dilloowo nder nimre anndaa fuu to yahata.

Yahaaya 12:46

Min woni jeyngol, mi wari nder duuniyaaru heɓa goonɗinɗo kam fuu to tawee nder nimre.

Yahaaya 14:6

Iisa jaabii mo wi'i : —Miin woni laawol, miin woni goonga, miin woni mbuurnam duu. Walaa jehoowo to *Baabiraawo se tokkiraay to am.

Yahaaya 3:19

Ndaa kiite maɓɓe nii : Jeyngol warii nder duuniyaaru, amma himɓe ngam golleeji mum'en bonɗi ngiɗi nimre ɓurde ngol.

Yahaaya 5:21

Ngam hano no *Baabiraawo ummitinirta maayɓe wuurna ɓe nii, hano non Ɓiɗɗo oon duu wuurnirta mo muuyi.

Yahaaya 5:26

Hano no *Baabiraawo laatorii asili mbuurnam, hano non o hokkiri Ɓiɗɗo oon duu baawɗe laataade asili mbuurnam.

Yahaaya 8:12

Iisa haaldi he himɓe kaden, wi'i : —Miin woni jeyngol duuniyaaru. Tokkuɗo kam fuu, dillataa nder nimre abada, amma no heɓan jeyngol mbuurnam.

Yahaaya 9:5

Nde miɗo nder duuniyaaru nduu, miin woni jeyngol mayru.

Golle Lilaaɓe 26:23

Kanƴum woni : *Almasiihu no torretee faa maaya, o arta maayɓe ummitaade, o waajoo lenyi meeɗen he lenyi gom fuu dow kisinam, ɗam laatanoo ɓe jeyngol.

1 Korintu 15:45

No winndaa, wi'aa : Aadamu, artaaɗo tageede oon no buurɗo. Amma Aadamu cakitiiɗo oon, no *Ruuhu Alla, kokkoowo mbuurnam.

Efeesu 5:14

Jeyngol no holla huune fuu, ngam majjum waɗi wi'aa : « Finu ! Aan ɗaaniiɗo. Aan maayɗo, ummita. Jeyngol *Almasiihu wannginoyte. »

Koloosi 3:4

Nyannde fuu *Almasiihu, mo mbuurnam mooɗon fuu sinngi dow mum wanngi on mbanngidan he makko nder teddungal makko.

1 Yahaaya 1:1

Mi winndani on ngam haalande on dow gonnooɗo ɗon illa fuɗɗorde. Min nanii haala makko, min ngi'irii mo gite amin, min ƴeewi mo, min meemirii mo juuɗe amin. Kanko woni haala kokkooha mbuurnam.

1 Yahaaya 1:2

Mbuurnam ɗam wannginaama, min ngi'ii ɗam : Miɗen ceedanoo ɗam. Mbuurnam nduumiiɗam ngonnooɗam to *Baabiraawo, ɗam min mbannginanaa.

1 Yahaaya 5:11

Ndaa ceedaaku nguun nii : Alla hokki en mbuurnam nduumiiɗam, har Ɓiyiiko duu keɓirten ɗam.

Bannginol 22:1

Maleykaajo tawaaɗo hakkune maleykaaɓe jeɗɗo jogiiɓe nyeɗerɗe jeɗɗi holli kam maayo kokkoowo ndiyam mbuurnam. Ingo ƴelkita hano danndorgal. Ndiyam maggo no ƴuwa to jooɗorɗe Laamu Alla e Njawdiri ndiin.

Bannginol 22:16

Miin Iisa, mi lili maleykaajo am ngam seedoo kujje ɗee nder kawriiɗe goonɗinɓe ɗeen fuu. Miin mi wuddu Daawda, mi jippotooɗo he makko duu. Miin woni hoodere fajiri ƴelkitittoore !