Rooma 9:5 - Fulfulde Niger West

⁵ O itti ɓe he maamiraaɓe *Yahudankooɓe mawɓe anndaaɓe. *Almasiihu har ɓii-aadamaaku mum ƴuwi he lenyol ngool. Kanko woni Alla laamiiɗo dow huune fuu. Jettooje ngoodani mo faa abada. Aamiin !

Rooma 9:5 ပူးပေါင်းရင်းမြစ်များ

Matta 28:20

Njannginon ɓe, ɓe tokka ko mbi'umi on ɗum fuu. Paamee ko miɗo wondi he mooɗon wakkati fuu sey nyannde duuniyaaru timmi.

Matta 6:13

Taa accu min cii'ee, amma hisin min bonɗo oon. [Ngam laamu, baawɗe he teddungal no ngonani ma faa abada abadin. Aamiin !]

Luka 20:44

Daawda no noddira mo, « Joomiraawo », ndenne, o hanaa taanu Daawda.

Yahaaya 10:30

Miin e *Baabiraawo fuu, min go'o.

Golle Lilaaɓe 20:28

Kakkilee he ko'e mooɗon, ndeenee njawdi ndi *Ruuhu Ceniiɗo halfini on. Laatoɗon durooɓe hawriine goonɗinɓe Alla. Iisa mursi yonki mum ngam hisinde nde.

Golle Lilaaɓe 3:13

Alla *Ibrahim, Alla Isiyaaku e Alla Yakuuba, Alla maamiraaɓe meeɗen, teddinii Iisa Golloowo mum. Amma onon, on ngattii mo nder juuɗe hooreeɓe leydi, on calake mo yeeso Pilaatus, baa ko o muuyi yoofude mo.

Rooma 1:25

Ɓe mbattiti goonga Alla he fewre. Ɓe teddini ko tagaa ɗum, ɓe ndewi ɗum. Ɓe mboppi Taguɗo huune fuu oon, potuɗo yetteede faa abada ! Teddungal laatanoo mo faa abada abadin. Aamiin !

Rooma 1:3

Habaru oo walaana no haala dow Ɓiyiiko, Iisa *Almasiihu Joomiraawo meeɗen, mo har ɓii-aadamaaku wurtaakina nder lenyol Daawda.

Rooma 10:12

Joonin, walaa ko senndi Yahudanke he mo hanaa Yahudanke. Joomiraawo gooto jeyii ɓe. Omo barkinɗina faa noy walaa neɗɗo fuu eeluɗo mo.

Rooma 11:28

*Yahudankooɓe ngarti wayɓe Alla, ngam ɓe tottitake *Habaru lobbo, ɗum laatii ɓeydaari mooɗon. Baa nii ko ɓe ngarti wayɓe Alla, Alla suɓake ɓe, waɗi ɓe himɓe mum. Omo hiɗi ɓe daliila maamiraaɓe maɓɓe.

1 Korintu 14:16

Nde nii a yetti Alla he ɓerne maa fuu nder ɗemngal ngal anndaaka, noy kettiniiɗo ma, mo faamataa ko mbi'uɗaa, waawi wi'ude « Aamiin » ngam a yetti Alla. Joomum anndaa ko ngonɗaa aɗa haala.

2 Korintu 11:31

Alla *Baabiraawo Iisa *Almasiihu Joomiraawo meeɗen no anndi mi fenaay. Jettooje ngoodani mo faa abada.

1 Timote 3:16

Sikka fuu walaa, sirri diina meeɗen no mawni : *Almasiihu wannginaama hano tagaaɗo, *Ruuhu Alla dartinii mo, maleykaaɓe ngi'ii mo. O waajaama hakkune lenyi, o goonɗinaama nder duuniyaaru, nder teddungal o hooƴaama dow.

1 Timote 6:15

Gartol ngool no waɗan nder wakkati mo Alla darni. Kanko marɗo barke, Jom baawɗe mo walaa walde, Laamiiɗo laamiiɓe fuu, Joomiraawo joomiraaɓe fuu.

2 Timote 2:8

Miccita he Iisa *Almasiihu maayɗo, ummitii, kanko woni jippotooɗo he Daawda hano no ɗum haalira nder *Habaru lobbo mo ngonmi miɗo waajoo.

Ibrankooɓe 7:24

Amma Iisa wuuran faa abada, buurol makko ngol waɗi golle *cakkanol Alla ɗe o waɗi ɗeen duuma faa abada.

1 Yahaaya 5:20

Eɗen anndi *Ɓii-Alla wari, hokki en hakkillo ngam anndude Deweteeɗo goonga e goonga oon. Joonin eɗen ngondi he Deweteeɗo goonga e goonga oon, ngam eɗen ngondi he Iisa *Almasiihu Ɓiyiiko. Kanko woni Alla goonga e goonga, kanko duu woni mbuurnam nduumiiɗam.

Bannginol 1:18

Mi duumiiɗo. Mi maayiino, amma joonin miɗo wuuri faa abada abadin. Miɗo woodi baawɗe dow maayde he laahara.

Bannginol 22:16

Miin Iisa, mi lili maleykaajo am ngam seedoo kujje ɗee nder kawriiɗe goonɗinɓe ɗeen fuu. Miin mi wuddu Daawda, mi jippotooɗo he makko duu. Miin woni hoodere fajiri ƴelkitittoore !

Bannginol 22:20

Ceedantooɗo kujje ɗeen oon duu wi'i : —Hakiika, mi waran ko ɓooyataa ! Sey mbi'en : —Goonga non. War Iisa Joomiraawo !

Bannginol 5:14

Kujje buurɗe ɗeen duu no njaaboo no mbi'a : —Aamiin ! Dottiiɓe ɓeen duu no kofo, no cujidana Joomiraawo.