Rooma 2:3 - Fulfulde Niger West

³ Aan peloowo waɗooɓe golle bonɗe, tawi duu aan he hoore maaɗa aɗa waɗa ir majje, he giiɗe maaɗa aɗa miila ko a hisan kiite Alla naa ?

Rooma 2:3 ပူးပေါင်းရင်းမြစ်များ

Matta 23:33

Firsooje, ɓiɓɓe bolle bonɗe ! Noy ndaɗirton kiite jahannama ?

Matta 26:53

Oɗon miiloo joonin ko mi waawaa tefude balla to *Baaba am naa ? O lilda kam jonnda maleykaaɓe ɓurɓe cefe soogeeji sappo he ɗiɗi.

Luka 12:14

Sey Iisa jaabii mo, wi'i : —Hey aan ! Moy waɗi kam kiitotooɗo mooɗon naa ceendoowo njawdi mooɗon ?

Luka 22:58

Ɓooyi seɗɗa gaɗa mum, sey goɗɗo hi'i mo, wi'i mo kaden : —Aan duu, a gooto nder maɓɓe ! Piyer jaabii mo, wi'i : —Higo, hanaa miin non !

Luka 22:60

Piyer jaabii mo, wi'i : —Higo, mi faamaay ko mbi'uɗaa ! Piyer hantaay haala ko ndontoori joggini.

Rooma 1:32

Baa nii ko iɓe anndi ko Alla wi'i waɗooɓe iri golleeji ɗi fuu maayde woni mbaka mum'en, ɓe accaay waɗude ko boni. Iɓe njardii duu he waɗooɓe ko boni.

Rooma 2:1

Ko nii waɗi ɓii-aadama fuu no woodi anndal dow dartinaaku Alla, ndenne aan peloowo goɗɗo, baa nii a moy non, walaa fuu no coptirtoɗaa. Ndenne, nde a felii goɗɗo, a liɓi hoore maa ngam aan he hoore maaɗa aɗa waɗa kujje ɗee.

Rooma 2:2

Eɗen anndi ko kiite ɗe Alla taƴi fuu no poti dey-dey he waɗooɓe golle bonɗe.

Rooma 9:20

Aan ɓii-aadama, aan a moy faa njeddaa Alla ? Ko mahaa no waawi wi'ude mahuɗo ɗum Ko waɗi mahirɗaa kam nii ?

1 Tesalonika 5:3

Wakkati himɓe mbi'ata : « Jam e sago », nden balaa'u juhata saama dow maɓɓe hano no ŋatawere juhirta caawɗo. Ɓe mbaawaa daɗi baa seɗɗa.

Ibrankooɓe 12:25

Ndenne, tinnee to caloɗon hettinaade Alla gonɗo no haala. Ngam nder duuniyaaru, *Muusa haalani ɓiɓɓe *Isra'el amma ɓe calake hettinaade mo. Kamɓe duu ɓe kisaay tikkere Alla. Enen, illa dow Alla haaldi he meeɗen nde nii en tottitake mo, sikka fuu walaa en kisataa.

Ibrankooɓe 2:3

Noy ndaɗirten se en njeebake iri kisinam mawɗam ɗam ? Kisinam ɗam, Iisa Joomiraawo meeɗen arti haali dow majjam, nden hettinaniiɓe mo ɓeen duu njottini ɗam to meeɗen.