Rooma 11:11 - Fulfulde Niger West

¹¹ Mi ƴaman on kaden : « Ko *Yahudankooɓe perginoo caami ɗum, ɓe caamu ko ɓe ummitittaako non, naa noy ? » Abada. Fergere maɓɓe laatani ɓe kanaa *Yahudankooɓe daliila keɓol kisinam. Alla waɗi ɗum duu heɓa *Yahudankooɓe kiraa.

Rooma 11:11 ပူးပေါင်းရင်းမြစ်များ

Luka 20:16

Miɗo wi'a on : « O waran, o wara remooɓe ɓeen, nden o halfina ngesa ngaan woɓɓe. » Wakkati himɓe nanunoo kippol haala ngool, ɓe mbi'i : —Alla hiinu en ɗum !

Golle Lilaaɓe 13:42

Wakkati Pol e Barnabas mburtii *waajordu nduun, jama'aare ndeen eeli ɓe, ɓe ngarta *nyalaane fowteteene waroore, ɓe mbaajoo ir waaju oo.

Golle Lilaaɓe 18:6

O waajii ɓe amma ɓe calii. Ɓe njeddodiri he makko, ɓe tinni iɓe njenna mo. Nden o ummii, o fiɗɗi kolte makko, o wi'i ɓe : —Juuɗe am he koyɗe am ngalaa hen ! Se on kalki, onon anndani ko'e mon. Ɓaawo hannden mi wartataa to mooɗon, to ɓe kanaa *Yahudankooɓe pa'anmi.

Rooma 10:19

Miɗo ƴama kaden, ɓiɓɓe *Isra'el paamaay naa ? Arannde nii har hunnduko *Muusa, Alla haali, wi'i : Mi waɗan kiron, ɓe kanaa jeyaaɓe am, mi waɗan tikkanon lenyol ngool walaa anndal.

Rooma 11:1

Too, mi ƴami on : « Alla woppi ɓiɓɓe *Isra'el fuu naa ? » Hitere fuu hi'ataa ɗum. Miin he hoore am, mi ɓii-Isra'el, mi jippotooɗo *Ibrahim, mi ƴuwi nder lenyol Benyamin.

Rooma 11:12

Nde nii fergere maɓɓe waddani duuniyaaru barke, nde nii mursere maɓɓe duu waddani ɓe kanaa *Yahudankooɓe barke, ndenne noy barke keɓoyteeɗe nyannde fuu kappa kuula *Yahudankooɓe fuu tuubii, wa'ata ?

Rooma 11:14

Mi nanngiran ɗe juuɗe ɗiɗɗiɗi ngam ɓeydude kiram banndiraaɓe *Yahudankooɓe, mi hisina woɓɓe nder maɓɓe.

Rooma 11:31

Noon duu, joonin *Yahudankooɓe ngartii tottitiiɓe Alla ngam ɓe keɓa yurmeene Alla, nde Alla holli on.