Rooma 10:16 - Fulfulde Niger West

¹⁶ Amma hanaa himɓe fuu ngoonɗini *Habaru lobbo oon. *Esaaya wi'i : Yaa Joomiraawo, moy goonɗini waaju amin ?

Rooma 10:16 ပူးပေါင်းရင်းမြစ်များ

Matta 13:14

Hakiika ko annabi *Esaaya haalunoo dow maɓɓe ɗum tabbiti, wakkati wi'unoo ɓe : On nanan faa wooɗa, amma on paamataa. On ndaaran faa wooɗa, amma on ngi'ataa.

Yahaaya 10:26

Amma onon, on ngoonɗinaay ngam on kanaa baali am.

Golle Lilaaɓe 28:24

Nder maɓɓe woɓɓe njaɓi ko o haalani ɗum'en, woɓɓe duu njaɓaay.

Rooma 1:5

Alla barkinɗini kam waɗi kam lilaaɗo dow innde Iisa *Almasiihu heɓa ɓe kanaa *Yahudankooɓe fuu ngoonɗina mo tokka ko o wi'i ɗum'en.

Rooma 11:17

Accee mi hokka on misaali oo. *Yahudankooɓe no nga'i hano jaytuuhi hilnaaki faa wooɗi. Aan mo hanaa Yahudanke duu aɗa wa'i hano liccal gariiri jaytuuhi. A taƴaama, ngaddeɗaa, kaɓɓeɗaa he jaytuuhi demanaaki faa wooɗi. Ndenne nyaamdu lobburu fuu, ndu licce makki mbaawi heɓude ngam mbuura, aɗa waawi heɓi ɗum.

Rooma 16:26

Amma hannden siri oo wannginaama yahde he ɓe kanaa *Yahudankooɓe har dewte ɗe annabiiɓe mbinndi hano no Alla Duumiiɗo wi'iri ɓe mbinndira ɗe ngam ɓe kanaa *Yahudankooɓe ngoonɗina Alla, ɗowtanoo mo.

Rooma 2:8

Amma hiɗuɓe ko'e mum'en tan calii goonga, peŋi he waɗude bononda, tikkere he mone ngoni mbaka maɓɓe.

Rooma 3:3

Goonga non, woɓɓe nder maɓɓe kolaaki Alla, amma baa nii ko ɓe koolaaki mo, ɗum waawaa bonnude fuy nder ko Alla no kolniiɗo.

Rooma 6:17

Yettoore woodani Alla. Ndenno on maccuɓe hakke, amma hannden on ɗowtanake ekkintinooje gaɗanaaɗe himɓe fuu he ɓerne worre.

Galatiya 3:1

Hey onon himɓe Galatiya, ko'e mooɗon cottii naa ? Moy korti on ? Mi holli on faa laaɓi tar maana tontol Iisa *Almasiihu.

Galatiya 5:7

On puɗɗi yahde yeeso nder goonɗinol mooɗon no wooɗiri. Moy haɗi on tokkude goonga ?

2 Tesalonika 1:8

Iisa *Almasiihu nde wari, jukkan saliiɓe anndude Alla he saliiɓe tokkude ko waajaa dow *Habaru lobbo filla Iisa *Almasiihu Joomiraawo meeɗen.

Ibrankooɓe 11:8

*Ibrahim, ngam goonɗinii Alla waɗi, o jaɓi ko Alla wi'i, o yaha nder leydi ndi kam fodi hokka mo. *Ibrahim dilli, tawi anndaa to fa'i.

Ibrankooɓe 4:2

Ngam enen duu, en nanii *Habaru lobbo oo hano no ɓe nanirnoo mo nder ladde yeeruure. Amma kamɓe kay, wakkati ɓe nanunoo mo, o nafaay ɓe ngam ɓe kettinaaki mo goonga e goonga.

Ibrankooɓe 5:9

Gaɗa ko Alla waɗi mo jottiiɗo to haani yotteede fuu, o laatani ɗowtaniiɓe mo wuddu kisinam nduumiiɗam.

1 Piyer 1:22

Goonɗinol mooɗon goonga e goonga, lamni ɓerɗe mooɗon. Ndenne he ɓerne laaɓune ndee, ngiɗodiree hidde mawne.

1 Piyer 2:8

No winndaa kaden : Hayre fergoore non, hayre non, liɓoore neɗɗo. Saliiɓe tokkude haala kaa, no pergoo he mayre hano no ɗum fodora he maɓɓe.

1 Piyer 3:1

Onon rewɓe goonɗinɓe, neɗɗo mooɗon fuu ɗowtanoo gorum, ngam baa nde nii no woodi hakkune mooɗon ɓe goriraaɓe mum'en ngoonɗinaay haala Alla, goriraaɓe ɓeen ngi'an no mbuurnam mooɗon ndartori he no teddinirton goriraaɓe mooɗon. Jikku mooɗon waɗa ɓe ngoonɗina, baa nii ɓe njeccanaaka.