Matta 9:8 - Fulfulde Niger West

⁸ Wakkati jama'aare ndeen hi'unoo ɗum, ɓe kuli, ɓe tinni iɓe njetta Alla ngam iri baawɗe ɗe o hokki ɓii-aadama.

Matta 9:8 ပူးပေါင်းရင်းမြစ်များ

Matta 12:23

Ɗum haayɗini himɓe ɓeen fuu, nden ɓe tinni iɓe mbi'a : —Gorko oo, sikka fuu walaa o taanu Daawda.

Matta 15:31

Wakkati ɓe ngi'unoo pahuɓe ɓeen no kaala, larɗuɓe ɓeen no larɗita, laƴooɓe ɓeen no laƴita, wumnooɓe ɓeen no ngi'a. Ɗum haayɗini ɓe sanne. Ɓe tinni iɓe njetta Alla mo *Isra'el.

Matta 28:18

O ɓadii, o wi'i ɓe : —Mi hokkaama baawɗe fuu tawaaɗe dow e ley.

Matta 5:16

Hano non jeyngol mooɗon haani yaynirde yeeso himɓe, ngam ɓe ngi'a golleeji lobbi ɗi ngatton, nden ɓe njetta Baabii'on gonɗo dow.

Matta 9:7

Gorko oon ummii, hooti.

Markus 2:12

Wakkati mum da gorko oon ummii yeeso himɓe fuu, hooƴi ngal, dilli. Ɗum haayɗini ɓe, ɓe fuu, ɓe tinni iɓe njetta Alla, iɓe mbi'a : —Abada min ngi'aay ir ɗum !

Markus 7:37

Haayne nanngi ɓe faa noy walaa, ɓe tinni iɓe mbi'a : —Golle Iisa fuu no mbooɗi, faa yottii to Iisa no waɗa pahuɓe nana, beebeeɓe duu njeccoo.

Luka 13:13

Iisa deki juuɗe mum dow makko. Wakkati mum da, o dartii, omo teddina Alla.

Luka 17:15

Gooto maɓɓe, wakkati hi'unoo kam yamɗiti, soƴƴii. Omo yeha omo teddina Alla he daane toowne.

Luka 17:18

Koɗo oo tan miili soƴƴitaade teddina Alla naa ?

Luka 18:43

Wakkati mum da o wumti, o tokki Iisa, omo teddina Alla. Wakkati himɓe ngi'unoo ɗum, ɓe njetti Alla.

Luka 2:20

Durooɓe ɓeen coƴƴiti, no teddina Alla, no njetta mo, ngam ko ɓe nani e ko ɓe ngi'ii ɗum, waɗiri dey-dey no maleykaajo oon wi'irnoo ɓe.

Luka 23:47

Wakkati hooreejo soogeeji *Rooma hi'unoo ko waɗi, teddini Alla, wi'i : —Sikka fuu walaa, neɗɗo oo no dartiiɗo !

Luka 7:16

Kulal nanngi himɓe ɓeen fuu, ɓe puɗɗi iɓe teddina Alla, iɓe mbi'a : —Annabiijo mawɗo wanngii hakkune meeɗen. Alla warii wallude himɓe mum.

Yahaaya 15:8

Se on ngaɗi ko ɗuuɗi ko woodi barke, ɗum hollan ko on laatake *aahiiɓe am. Ndenne *Baaba am teddinaama.

Golle Lilaaɓe 11:18

Wakkati *Yahudankooɓe goonɗinɓe ɓeen nanunoo haalaaji ɗii, ɓe fuu ɓe peewi. Nden ɓe tinni, iɓe njetta Alla, iɓe mbi'a : —Jaa ! Alla hokki ɓe kanaa *Yahudankooɓe duu laawol tuubude he heɓude mbuurnam nduumiiɗam.

Golle Lilaaɓe 21:20

Wakkati ɓe nanunoo haalaaji ɗii, ɓe teddini Alla. Nden ɓe mbi'i Pol : —A hi'i naa banndiraawo, *Yahudankooɓe ujunaaji ujunaaji ngoonɗini Iisa, amma iɓe ngiɗi tokkol *Tawreeta sanne.

Golle Lilaaɓe 4:21

Ardiiɓe ɓeen pooɗi noppi maɓɓe kaden, nden njoofi ɓe. Ɓe keppi fuu heɓude laawol jukkude ɓe ngam himɓe wonɓe ɗon fuu no njetta Alla ngam ko waɗi ɗum.

2 Korintu 9:13

Golle ɗe ngatton ɗe kolli ko on hoolniiɓe goonga e goonga. Himɓe heewɓe nde nii ndaarii balla mooɗon kaa, teddinan Alla ngam on ngaɗi ko *Habaru lobbo mo *Almasiihu wi'i, *Habaru mo njaɓuɗon yeeso himɓe fuu. Ɓe njettan Alla duu ngam on njaɓan senndude ko njogiɗon hakkune mooɗon e maɓɓe naa hakkune mooɗon e woɓɓe.

Galatiya 1:24

ɓe tinni iɓe teddina Alla daliila ko o waɗani kam.

1 Piyer 2:12

Ngaɗee ko wooɗi hakkune ɓe ngoonɗinaay, heɓa nder ko ɓe pelata on fuu, ɓe ngi'a golleeji mooɗon lobbi, ɓe teddina Alla nyannde o wanngani ɓe.