Matta 9:2 - Fulfulde Niger West

² Himɓe gom ngaddani mo bonnguujo gom no fukkinaa dow kooƴirngal maayɓe. Wakkati o hi'unoo no goonɗinol maɓɓe foti, o wi'i bonnguujo oon : —Higo, fukkin ɓerne maa. Hakkeeji maa njaafaama.

Matta 9:2 ပူးပေါင်းရင်းမြစ်များ

Matta 14:27

Wakkati mum da Iisa wi'i ɓe : —Pukkinee hakkillooji mooɗon ! Miin non. To kulee !

Matta 4:24

Nden habaru makko sankitii nder leydi Siriya fuu. Himɓe no ngadda nyawɓe mum'en, wonduɓe he nyawuuji feere-fereeji to makko. Woɓɓe no ngondi he ginnaaji, woɓɓe no ngondi he paɗɗe, woɓɓe duu no bonnguuɓe. O nyawti ɓe, ɓe fuu.

Matta 6:12

Yaafana min gacceeji amin hano no min njaafonortoo toonyiiɓe min nii.

Matta 8:10

Wakkati Iisa nanunoo haala kaa, ɗum haayɗini mo, o wi'i tokkuɓe mo ɓeen : —Goonga kaalananmi on, baa nii hakkune himɓe *Isra'el fuu, mi hi'aay ir goonɗinol ngool.

Matta 8:16

Wakkati hiirunoo ndeen, Iisa waddanaa himɓe heewɓe ɓe ginnaaji ngoni dow mum'en. Haala makko tan o riiwri ginnaaji gonɗi dow maɓɓe ɗiin, o nyawti nyawɓe ɓeen fuu.

Matta 9:22

Iisa yeeƴitii, hi'i mo, wi'i : —Banndam debbo, fukkin hakkillo maaɗa, goonɗinol maa dannii ma. Wakkati mum da, debbo oon daɗi.

Matta 9:5

Hakkune wi'ude « Hakkeeji makko njaafaama » naa « O ummoo, o yaha », ɗume ɓuri hoyde ?

Matta 9:6

Amma miɗo hiɗi paamon ko *Ɓii-Neɗɗo no jogii baawɗe yaafaade hakkeeji himɓe nder duuniyaaru nduu. Sey o wi'i bonnguujo oon : —Umma, hooƴu kooƴirngal maayɓe ngal ngaddiraɗaa, hootu !

Markus 1:32

Futuro nyannde mum, gaɗa janki naange, himɓe tinni no ngadda nyawɓe mum'en he wonduɓe he ginnaaji to Iisa.

Markus 10:49

Sey Iisa darii, wi'i Bartima'us noddee. Nden, o noddaa o wi'aa : —Haya ! Umma, o wi'i ngaraa !

Markus 5:34

Nden Iisa wi'i mo : —Banndam debbo, goonɗinol maa danni ma. Yah he jam ! A daɗii nyaw maaɗa.

Yahaaya 16:33

Mi haalanii on ɗum, ngam keɓon jam nder kawtal mooɗon he am. Oɗon ngondi he torra nder duuniyaaru. Amma cemmbiɗee, sabu mi jaalake duuniyaaru.

Yahaaya 2:25

O haajaaka baa gooto maɓɓe seedanoo mo dow ɓiɓɓe aadama, ngam omo anndi ko woni nder ɓerɗe maɓɓe.

Yahaaya 21:5

Sey Iisa wi'i ɓe : —Sukaaɓe, on keɓii liƴƴi ? Ɓe njaabii mo ɓe mbi'i : —Min keɓaay !

Golle Lilaaɓe 14:9

Nyannde gom o wari, o jooɗii, omo hettini ko Pol woni no wi'a. Pol ƴetti gite daari mo faa wooɗi, sey hi'i ko goonɗinol gorko oo no waawi waɗa o nyawta.

Golle Lilaaɓe 19:12

Baa tekkere naa koltal meemungal ɓanndu Pol no adee yaaree, yowee dow nyawɓe, ɓe nyawta. Woodunooɓe ginnaaji, ginnaaji ɗiin no njippo, no takkitoo ɓe.

Golle Lilaaɓe 23:11

Pol nannaa nder kaliyol ngool. Joomiraawo wanngani mo nder jemma, wi'i mo : —Taa hulu ! No ceedoraniɗaa kam *Ursaliima nii, no tilsi duu ceedanoɗaa kam nder *Rooma.

Rooma 5:11

Eɗen nana belɗum Alla hanaa ngam potal ngaal tan, amma eɗen nana belɗum ngam Iisa *Almasiihu Joomiraawo meeɗen waɗi joonin keɓuɗen potal ngaal.

Yakuuba 2:18

Nde goɗɗo wi'ii kam, aan a goonɗinɗo, miin mi gaɗoowo golle lobbe. Mi jaaboto joomum, mi wi'a holla kam goonɗinol ngol walaa golle lobbe nder mum. Miin duu, mi hollete har golle am lobbe ko mi goonɗinɗo.