Matta 8:16 - Fulfulde Niger West

¹⁶ Wakkati hiirunoo ndeen, Iisa waddanaa himɓe heewɓe ɓe ginnaaji ngoni dow mum'en. Haala makko tan o riiwri ginnaaji gonɗi dow maɓɓe ɗiin, o nyawti nyawɓe ɓeen fuu.

Matta 8:16 ပူးပေါင်းရင်းမြစ်များ

Matta 12:22

Wakkati gorko gom, mo ginnaaru wumni, beebi, waddaa to makko, Iisa nyawti mo. Gorko oon no hi'a, no haala.

Matta 14:14

Wakkati o wurtinoo nder laana kaan, o hi'i jama'aare mawne no hawri. Ɓe njurminii mo sanne. O nyawti nyawɓe wonɓe nder maɓɓe fuu.

Matta 8:15

O meemi junngo makko, sey wulowulo makko heli, o yamɗiti. O ummii, o jaɓɓii Iisa.

Matta 8:33

Durooɓe ɓeen ndoggi kooti wuro, kaalowi ko hewti ɗum'en. Ɓe pilli habaru himɓe ɓe ginnaaji wonnoo dow mum'en ɓeen duu.

Matta 9:2

Himɓe gom ngaddani mo bonnguujo gom no fukkinaa dow kooƴirngal maayɓe. Wakkati o hi'unoo no goonɗinol maɓɓe foti, o wi'i bonnguujo oon : —Higo, fukkin ɓerne maa. Hakkeeji maa njaafaama.

Markus 2:3

Himɓe gom ngari to makko, ɓe ngardi he bonnguujo gom. Worɓe nayo ndoondii mo dow kooƴirngal maayɓe.

Markus 9:25

Wakkati Iisa hi'unoo himɓe no ndogga warde, o sajiti ginnaaru nduun o wi'i : —Aan beebinoowo e pahinoowo, ƴuw gaɗa suka oo, to tokku mo kaden faa abada !

Luka 13:12

Wakkati Iisa hi'unoo debbo oo, noddi mo, wi'i : —Banndam debbo, a daɗii he nyaw maa.

Luka 4:40

Ko naange yani, wooduɓe nyawɓe, nyawirɓe nyawuuji ir iriiji fuu ngaddi nyawɓe mum'en to makko. O deki juuɗe makko dow maɓɓe, o yamɗintini ɓe, ɓe fuu, gooto gooto.

Luka 4:41

Ginnaaji ɗiin no takkitoo himɓe heewɓe, no kuuɓa, no mbi'a : —Aan woni *Ɓii-Alla. Amma Iisa no sajito he majji, omo haɗa ɗi haalude, ngam iɗi anndi kanko woni *Almasiihu.

Golle Lilaaɓe 5:15

Ɗum yottii joonkay faa to dow laabi, himɓe tinni no ngadda nyawɓe mum'en. Iɓe pukkina ɓe dow leece naa dow daage ngam ɗowdi Piyer tokka dow maɓɓe wakkati o yawtata.