Matta 5:3 - Fulfulde Niger West

³ —On mbelii ko'e, onon annditinɓe ko oɗon kaani wattude hoolaare mooɗon he Alla, ngam onon njeyi Laamu Alla.

Matta 5:3 ပူးပေါင်းရင်းမြစ်များ

Matta 11:25

Nder wakkati mum non Iisa haali, wi'i : —Mi yettii ma, *Baabiraawo jom dow he ley, ngam a suuɗanii jom'en hakkillo he anndal kujje ɗee fuu amma a wannginanii ɗe sukaaɓe famarɓe.

Matta 11:6

Barkinaaɗo woni mo salaaki goonɗinde kam.

Matta 13:16

Amma onon, on welɓe ko'e. Gite mooɗon ngi'an, noppi mooɗon duu nanan !

Matta 19:14

Nden Iisa wi'i ɓe : —Accee cukaloy koy ngara to am. To kaɗee koy, ngam nannduɓe he makkoy njeyii Laamu Alla.

Matta 24:46

Belɗo hoore woni golloowo mo mawɗo mum warti, tawi no waɗa golle mum.

Matta 25:34

Wakkati mum Laamiiɗo oon wi'a wonɓe nyaamo makko : « Ngaree, onon ɓe *Baabiraawo am barkini, ndonee laamu ngu ndesanaɗon illa tagol duuniyaaru.

Matta 3:2

—Tuubee, ngam Laamu Alla ɓadake.

Matta 8:11

Miɗo haalana on, heewɓe ƴuwataana lettugal he gorgal, ngara njooɗodoo *Ibrahim, Isiyaaku he Yakuuba, ɓe nyaamda nder Laamu Alla.

Markus 10:14

Wakkati Iisa hi'unoo ɗum, ɗum naawi mo, nden o wi'i *aahiiɓe ɓeen : —Accee cukaloy koy ngara to am. To kaɗee koy, ngam nannduɓe he makkoy njeyi Laamu Alla.

Luka 11:28

Iisa jaabii, wi'i : —Goonga non. Amma nanooɓe haala Alla tokka ka, ko'e mum'en ɓuri welde.

Luka 18:14

Nden Iisa wi'i *aahiiɓe mum : —Miɗo wi'a on, jaɓoowo janngal oon hooti wuro mum, hakkeeji makko njaafaama. Amma Fariisaajo oon hakkeeji mum njaafaaka. Miɗo wi'a on ƴettuɗo hoore mum dow, no leesintee. Leesinɗo hoore mum, no ƴettetee.

Luka 22:29

Miin duu, mi hokkii on laamu hano no *Baaba am hokkiri kam ngu,

Luka 22:30

ngam nyaamon, njaron he le'al am nder laamu am. Njooɗoɗon dow jooɗorɗe laamu, kiitoɗon lenyi *Isra'el sappo e ɗiɗi ɗiin.

Luka 4:18

—*Ruuhu Joomiraawo no dow am, ngam o suɓake kam, ngam talkaaɓe mbaajee *Habaru lobbo. O lili kam ngam nanngaaɓe kaalanee joofol mum'en, wumɓe duu, bumtinol mum'en, torraaɓe keɓa dimɗinol mum'en.

Yahaaya 20:29

Iisa wi'i mo : —Ngam a hi'i kam, a goonɗinii. Too, ɓe ngi'aay kam se ngoonɗinii kam, kamɓe ngoni welɓe hoore.

Yakuuba 1:10

Goonɗinɗo diikuɗo duu, no haani nana belɗum, ngam Alla ɓurdinaay mo ɓeeto. Diikuɗo, pinndi nder ngesa non, balɗe seɗɗa sooto.

Yakuuba 1:12

Belɗo hoore woni munyuɗo wakkati naati nder cii'aaki. Ngam nde o tittinkinake, Alla melliran mo mbuurnam nduumiiɗam, ɗam o fodani hiɗuɓe mo.

Yakuuba 2:5

Banndiraaɓe am horsuɓe ! Hanaa Alla suɓii talkaaɓe yeeso duuniyaaru fuu ngam riikinde ɓe nder goonɗinol, ɓe naata Laamu Alla, Laamu ngu o fodani hiɗuɓe mo naa ?

Bannginol 19:9

Sey maleykaajo gom, wi'i kam : —Winndu : Welɓe ko'e ngoni noddaaɓe-ngara nyaama nyaamdu batu ɓanngal Njawdiri ndiin ! O wi'i kaden : —Tabbat haalaaji ɗii no goonga. To Alla ɗi ƴuwi.

Bannginol 22:14

Belɗo hoore woni lonnoowo kolte mum ngam heɓa laawol nyaamude ɓiɓɓe lekki mbuurnam kiin, fa'a dammbule ɗeen, naata huɓeere ndeen.

Bannginol 3:17

Aɗa wi'a aan kay a diikuɗo a hawri njawdi, a haajaaka baafuy. Amma a anndaa ko a miskiini, ko a jurminiiɗo, a talka, a bumɗo, gonɗo terru. Amma ɗum fuu a anndanaa ɗum.