Matta 5:10 - Fulfulde Niger West

¹⁰ On mbelii ko'e, onon torraaɓe ngam dartinaaku, ngam onon njeyi Laamu Alla.

Matta 5:10 ပူးပေါင်းရင်းမြစ်များ

Matta 10:23

Nde nii on torraama nder wuro gom, pa'ee wonngo. Goonga kaalananmi on : On timmintaa gure *Isra'el ɗeen fuu tawa *Ɓii-Neɗɗo wartaay.

Matta 19:14

Nden Iisa wi'i ɓe : —Accee cukaloy koy ngara to am. To kaɗee koy, ngam nannduɓe he makkoy njeyii Laamu Alla.

Matta 25:34

Wakkati mum Laamiiɗo oon wi'a wonɓe nyaamo makko : « Ngaree, onon ɓe *Baabiraawo am barkini, ndonee laamu ngu ndesanaɗon illa tagol duuniyaaru.

Matta 5:3

—On mbelii ko'e, onon annditinɓe ko oɗon kaani wattude hoolaare mooɗon he Alla, ngam onon njeyi Laamu Alla.

Markus 10:14

Wakkati Iisa hi'unoo ɗum, ɗum naawi mo, nden o wi'i *aahiiɓe ɓeen : —Accee cukaloy koy ngara to am. To kaɗee koy, ngam nannduɓe he makkoy njeyi Laamu Alla.

Markus 10:30

joomum no heɓan ko ɓuri ɗum kile hemre nder duuniyaaru ndu ngonɗen nder muuɗum joonin nduu. Joomum no heɓan cuuɗi, rimdaaɓe worɓe he rewɓe, inniraaɓe, ɓiɓɓe e gese. Joomum no torretee duu nder mayru. Amma nder wakkati garoowo, joomum no heɓan mbuurnam nduumiiɗam.

Luka 21:12

Amma fadde majjum waɗude, on nanngetee, torreɗon, njaareɗon yeeso laamiiɓe e hooreeɓe, kiiteɗon nder *baajorɗi *Yahudankooɓe, paɗɗeɗon nder kasu ngam sabbu am.

Luka 22:29

Miin duu, mi hokkii on laamu hano no *Baaba am hokkiri kam ngu,

Luka 6:20

Iisa ƴeewi *aahiiɓe mum, wi'i : —On mbelii ko'e, onon talkaaɓe, ngam onon njeyi Laamu Alla.

Luka 6:22

On mbelii ko'e nde himɓe mbanyii on, mboppi on, njennii on, mbonnii inɗe mooɗon ngam *Ɓii-Neɗɗo.

Yahaaya 15:20

Miccitee ko mbi'unoomi on : « Maccuɗo ɓurataa joomum. » Se ɓe torrii kam, ɓe torran on, onon duu. Se ɓe njogake haala am, ɓe njogoto haalaaji mooɗon.

Golle Lilaaɓe 5:40

Hawriine ndeen jaɓi kollitooje makko, amma ɓe ngaɗi *lilaaɓe ɓeen ɓoccaa, ɓe kaɗi ɓe haalude dow innde Iisa, nden ɓe njoofaa.

Golle Lilaaɓe 8:1

Sol yardake he barol Etiyen. Nyannde maayde Etiyen, nyannde mum nder huɓeere *Ursaliima torra mawka fuɗɗani hawriine goonɗinɓe Iisa. Goonɗinɓe ɓeen fuu ndoggi cankiti nder leydi Yahudiya e leydi *Samariya acci *lilaaɓe ɓeen tan.

2 Korintu 4:17

Torra ka min torretee ka ɓooyataa. Ka waɗan duu min keɓa teddungal manngal, ɓurngal huune fuu, teddungal ngaal timmataa abada.

Filipi 1:28

To on accee wayɓe mooɗon kulƴina on dow huune fuu. To maɓɓe ɗum laatoto alaama halkere, amma onon, ɗum laatanto on alaama kisinam mooɗon. Ɗum fuu ƴuwi to Alla.

2 Timote 2:12

Nde nii eɗen munya, en laamodoto he makko. Amma nde nii en calake mo, kanko duu o saloto en.

2 Timote 3:11

e torraaji ɗi njarmi fuu. A hi'i ko hewti kam nder gure Antiyokiya, Ikoniyum e Listira. A hi'i duu no munyirmi torraaji kewtiiɗi kam. Amma Joomiraawo soptinii he majji ɗii fuu.

Yakuuba 1:12

Belɗo hoore woni munyuɗo wakkati naati nder cii'aaki. Ngam nde o tittinkinake, Alla melliran mo mbuurnam nduumiiɗam, ɗam o fodani hiɗuɓe mo.

Yakuuba 5:11

Ngam eɗen mbi'a welɓe ko'e ngoni munyuɓe nder torraaji mum'en. On nanii no Ayuuba munyiri faa noy walaa, kaden oɗon anndi duu moƴƴere nde Joomiraawo hokki mo. Ngam Joomiraawo no heewi yurmeene e moƴƴere.

1 Yahaaya 3:12

En kaanaa nanndude he *Kayinu tokkitiiɗo bonɗo oon, faa wari minyum. Ɗume waɗi ko o wari mo ? O warii mo ngam golleeji makko no bonɗi, golleeji minyiiko duu no lobbiɗi.

Bannginol 2:10

Taa hulu torra ka njaroytaa yahde yeeso. Ibiliisa waɗan heewɓe nder mooɗon uddee ngam sii'aade on. On torretee balɗe sappo ka-kap. Amma durwa, to a woppu goonɗinol maa baa nii himɓe maa fuu no mbaretee non ngam mi hokkete lefol mbuurnam nduumiiɗam.