Matta 3:2 - Fulfulde Niger West

² —Tuubee, ngam Laamu Alla ɓadake.

Matta 3:2 ပူးပေါင်းရင်းမြစ်များ

Matta 10:7

To njehoton fuu, mbaajoɗon mbi'on : « Laamu Alla ɓadake ! »

Matta 11:20

Nden Iisa fuɗɗi felude himɓe gure ɗe o ɓuri waɗude kaayɗe nder mum, ngam wonɓe nder majje tuubaay.

Matta 12:41

Nyannde darŋal, himɓe Niniwe ummodoto he himɓe jamaanu hannden. Ɓe kiitodoo he maɓɓe, ɓe liɓa ɓe, ngam kamɓe, ɓe tuubii wakkati ɓe nanunoo waaju Yunuusa. Haya, ɓurɗo Yunuusa nii ɗo !

Matta 13:11

Nden Iisa jaabii ɓe, wi'i : —Onon, Alla hokkii on baawɗe anndude ko suuɗi dow habaru Laamu muuɗum. Amma kamɓe, ɓe kokkaaka ɗum.

Matta 13:24

Iisa waɗani ɓe kippol haala gom, wi'i ɓe : —Ndaa no Laamu Alla nanndi nii : Gorko gom wicci aawdiiri alkama lobbiri nder ngesa muuɗum.

Matta 13:31

Iisa waɗani ɓe kippol haala gom, wi'i ɓe : —Laamu Alla no nanndi he wabbere mutaari nde neɗɗo hooƴi, aawi nder ngesa muuɗum.

Matta 13:33

Iisa waɗani ɓe kippol haala gom kaden, wi'i ɓe : —Laamu Alla no nanndi he ƴuufinirɗum ko debbo budi nder muddiiji conndi alkama tati mawɗi faa ɗum fuu ɗum ƴuufi.

Matta 13:47

Iisa waɗi kippol haala gom kaden wi'i : —Laamu Alla no nanndi he taaruwol paɗɗaangol nder maayo, dey nanngi iri liƴƴi fuu.

Matta 13:52

Sey, o wi'i ɓe : —Jannginoowo *Tawreeta fuu laatiiɗo aahiijo nder Laamu Alla, no nanndi he jom ɓaade keɓoowo nafakka nder kujje kese he kujje kiɗɗe.

Matta 18:23

Ngam majjum waɗi Laamu Alla no nanndinee he laamu laamiiɗo gom, anniyiiɗo lima njawdi mum wondi nder juuɗe gollanooɓe ɗum.

Matta 20:1

Ndaa no Laamu Alla wa'i nii : —Ingu nanndi he jom ngesa cabiije, dilluɗo illa beete faa hooƴowa gollooɓe, gollanooɓe ɗum.

Matta 22:2

—Ndaaree no Laamu Alla nanndi nii : Laamiiɗo gom mo ɓiyum ɓaŋi, waɗi nyaamdu ngam batu dewngal ngaal.

Matta 23:13

Bone saaman dow mooɗon onon jannginooɓe *Tawreeta he *Fariisa'en, munaafiki'en ! Oɗon ommbana himɓe dammbugal Laamu Alla. Onon e ko'e mooɗon, on naatataa. On accataa naatooɓe naata. [

Matta 25:1

—Ndaa Laamu Alla nanndaana he taariihi surbaaɓe sappo, ɓe anndaa worɓe, kooƴuɓe fitillaaji mum'en njehi faa njaɓɓowoo ɓaŋuɗo gom.

Matta 25:14

—Laamu Alla no nanndi he gorko gom gaɗuɗo jahaangal, noddi gollooɓe mum, halfini ɓe njawdi mum.

Matta 4:17

Nder wakkati oo non, Iisa fuɗɗi waajaade no wi'a : —Tuubee, ngam Laamu Alla ɓadake.

Matta 4:23

Iisa tinni no fiiloo nder leydi Galili, omo waajoo nder *baajorɗi maɓɓe. Omo filloo filla *Habaru lobbo, filla Laamu Alla. Omo nyawta iri nyawuuji he iri laruuji fuu.

Matta 5:10

On mbelii ko'e, onon torraaɓe ngam dartinaaku, ngam onon njeyi Laamu Alla.

Matta 5:3

—On mbelii ko'e, onon annditinɓe ko oɗon kaani wattude hoolaare mooɗon he Alla, ngam onon njeyi Laamu Alla.

Matta 6:10

Laamu maa wara. Muuyɗe maa ngaɗee ɗo dow leydi hano no ɗe ngaɗiraa dow kammu nii.

Matta 6:33

Ndenne, tefee Laamu Alla he dartinaaku makko ginan, o ɓeydanan on kujje ɗee fuu.

Markus 1:15

Omo wi'a himɓe : —Wakkati doomaaɗo oon yottake, Laamu Alla ɓadake. Tuubee, ngoonɗinee *Habaru lobbo.

Markus 1:4

Yahaaya gaɗoowo *batisma wanngi nder ladde yeeruure. Omo ɓornii koltal canyiraangal leeɓi ngolooba. Omo tunndi tunndorgol nguru. Ɓaɓɓatti he njuumri o wuurdi. Omo nodda himɓe tuuba ngam hakkeeji maɓɓe njaafee, ɓe ngaɗanee *batisma. Himɓe leydi Yahudiya he himɓe huɓeere *Ursaliima no ngara to makko. Iɓe njardoo yeeso Alla e yeeso himɓe fuu dow hakkeeji maɓɓe. Omo waɗana ɓe *batisma nder maayo Urdun.

Markus 6:12

*Aahiiɓe ɓeen ummii, njehi no mbaajoo, no mbi'a himɓe tuuba.

Luka 1:16

O wartiran ɓiɓɓe *Isra'el ɗuɓɓe to Alla Joomiraawo mo ɓe ndewata.

Luka 11:20

Amma nde nii junngo Alla ndiiwiranmi ginnaaji, iɗum holla ko Laamu Alla wari to mooɗon.

Luka 13:3

Too, hanaa. Miɗo haalana on nde on tuubaay, onon duu on kalketee.

Luka 13:5

Miɗo haalana on nde on tuubaay, onon duu on kalketee.

Luka 15:10

Too, hano non welwelo laatoranto maleykaaɓe Alla, nde nii gaɗoowo hakke gooto tuubii.

Luka 15:7

Miɗo haalana on : Non welwelo duu waɗirta dow kammu nde nii gaɗoowo hakke gooto tuubii. Welwelo gaɗoowo dow ngoon ɓuran welwelo dartiiɓe hemre go'o walaa, ɓe kaajaaka tuubude.

Luka 16:30

Sey o jaabii *Ibrahim, o wi'i : « Yaa *Ibrahim ! Hettinaade dewte ɗee tan heƴataa. Amma nde goɗɗo ummitake yehi to maɓɓe haalani ɓe, ɓe tuuban. »

Luka 21:31

Hano non, onon duu, nde nii on ngi'ii kujje ɗee no ngaɗa, paamee ko Laamu Alla ɓadake.

Luka 24:47

Nder innde makko duu, lenyi ɗii fuu no mbaajetee faa tuuba keɓa jaafol hakkeeji mum'en. Ɗum fuu, ɗum fuɗɗan nder *Ursaliima.

Luka 6:20

Iisa ƴeewi *aahiiɓe mum, wi'i : —On mbelii ko'e, onon talkaaɓe, ngam onon njeyi Laamu Alla.

Luka 9:2

Nden o lili ɓe, ɓe mbaajoo dow Laamu Alla, ɓe njamɗintina nyawɓe.

Golle Lilaaɓe 11:18

Wakkati *Yahudankooɓe goonɗinɓe ɓeen nanunoo haalaaji ɗii, ɓe fuu ɓe peewi. Nden ɓe tinni, iɓe njetta Alla, iɓe mbi'a : —Jaa ! Alla hokki ɓe kanaa *Yahudankooɓe duu laawol tuubude he heɓude mbuurnam nduumiiɗam.

Golle Lilaaɓe 17:30

Alla nanngirtaa himɓe wakkati ɓe ngonnoo nder majjere. Amma joonin, o wi'i neɗɗo to tawaa fuu tuuba.

Golle Lilaaɓe 2:38

Piyer jaabii ɓe wi'i : —Tuubee, neɗɗo mooɗon fuu waɗanee *batisma dow innde Iisa *Almasiihu, ngam hakkeeji mooɗon njaafee, nden Alla jippina *Ruuhu Ceniiɗo, kokkal mum dow mooɗon.

Golle Lilaaɓe 20:21

Mi holli Yahudanke e mo hanaa Yahudanke fuu tuuba, ngoonɗina Iisa Joomiraawo meeɗen.

Golle Lilaaɓe 26:20

Ɓe artumi waajaade ɓeen ngoni himɓe Damas, himɓe *Ursaliima he fiiliiɓe leydi Yahudiya fuu. Gaɗa mum, tokkinmi himɓe lenyi gom. Mbi'umi ɓe, ɓe tuuba, ɓe ngarta he Alla. Ɓe ngolla golle kollooje ɓe tuubii.

Golle Lilaaɓe 3:19

Ndenne tuubee, ngartee he Alla ngam hakkeeji mooɗon moytee.

2 Korintu 7:10

Iri mettorgal ɓerne belgal Alla ngaal no watta neɗɗo tuuba, hisinee. Neɗɗo nimsitittaa ko waɗi mettorgal ngaal faa abada. Amma mettorgal ngal waylataa ɓerne neɗɗo tuuba, iri mettorgal ngaal waddataana maayde he neɗɗo.

Koloosi 1:13

O soptini en baawɗe gonɗe nder nimre, o nanni en nder laamu Ɓiyiiko korsuɗo

2 Timote 2:25

O laatoo peloowo caliiɓe nder koyirnam ngam moy anndi se Alla waɗata ɓe tuuba ɓe annda goonga,

Ibrankooɓe 6:1

Ndenne, en accu jannde arandere warde dow *Almasiihu ndeen, ngaren dow jannde ɗiggune. To en ngartu dow habaru tuubol e goonɗinol Alla,

2 Piyer 3:9

Woɓɓe duu no miila ko Joomiraawo ɓooyi tabbintinaay alkawal mum. Hanaa o waawaa tabbintinde ngal non, o walaana omo watti munyal ngam o hiɗaa neɗɗo mooɗon fuu halka amma neɗɗo mooɗon fuu tuuba acca waɗude hakke.

Bannginol 2:21

Mi hokki mo wakkati ngam o tuuba, amma walaa ko nanngi ɓerne makko nde hanaa jeenu.

Bannginol 2:5

Miccitaa no ngorrunoɗaa. A fuɗɗirii no wooɗiri, dey yeeƴitiɗaa caamuɗaa. Tuubaa, mbattitaa golleeji maa, ngollaa no ngollirannoɗaa ! Nde nii a tuubaay, mi waran to maa, mi itta fitilla maa nder nokku mum.