Matta 2:2 - Fulfulde Niger West

² mbi'i : —Toy laamiiɗo *Yahudankooɓe dimaaɗo joonin oon woni ? Min ngi'ii hoodere makko wanngi har lettugal, min ngari sujidande mo.

Matta 2:2 ပူးပေါင်းရင်းမြစ်များ

Matta 2:3

Wakkati laamiiɗo *Hirudus nanunoo habaru oon, ɗum wemmbii mo, kanko he himɓe *Ursaliima fuu.

Matta 21:5

Mbi'ee himɓe huɓeere *Siyon : Ndaaree da, laamiiɗo mooɗon no wara to mooɗon, no leesinkini, no waɗɗii ara, ɓinngel mum gorel no tokki.

Matta 27:11

Iisa darii yeeso Pilaatus kawjiiɗo leydi Yahudiya oon. Oon ƴami mo, wi'i : —Aan a laamiiɗo *Yahudankooɓe naa ? Iisa jaabii mo, wi'i : —Aan, e hoore maaɗa wi'i ka.

Luka 19:38

Iɓe mbi'a : —Barkinaaɗo woni laamiiɗo gardoowo innde Joomiraawo ! Jam laatoo nder kammu. Teddungal laatanoo Alla Toowɗo !

Luka 2:11

Hannden nder wuro Daawda on ndimanaama Kisinoowo, kanko woni *Almasiihu, Joomiraawo.

Luka 23:3

Nden Pilaatus ƴamii Iisa, wi'i : —Aan woni laamiiɗo *Yahudankooɓe naa ? Iisa jaabii mo, wi'i : —Aan wi'i ka.

Luka 23:38

Dow timtude hoore Iisa ɓe mbinndi dow alluwal : « Oo woni Laamiiɗo *Yahudankooɓe », ɓe takki.

Yahaaya 1:49

Natanayel jaabii, wi'i : —Moodibbo, a *Ɓii-Alla. A Laamiiɗo *Isra'el.

Yahaaya 12:13

Sey ɓe taƴi licce dabinaaje, ɓe njaɓɓitowii mo. Iɓe kuuɓa, iɓe mbi'a : —Hosanna ! Barkinaaɗo woni garɗo dow innde Joomiraawo, Laamiiɗo *Isra'el !

Yahaaya 18:37

Nden Pilaatus wi'i mo : —Ndenne, a laamiiɗo naa ? Iisa jaabii mo wi'i : —Aan wi'i ka. Ngam majjum ndimaami, mi warii nder duuniyaaru ngam mi seedanoo goonga. Giɗɗo goonga fuu, nanan haala am.

Yahaaya 19:19

Pilaatus waɗi ɗum winndaa dow alluwal : « Iisa mo Nasaratu, Laamiiɗo *Yahudankooɓe », o tilsini ngal takkee dow *leggal bardugal ngaal.

Yahaaya 20:28

Tomas jaabii mo wi'i : —Joomam, Alla am.

Yahaaya 5:23

ngam himɓe fuu teddina Ɓiɗɗo oon hano no ɓe teddinirta *Baabiraawo. Neɗɗo fuu mo teddinaay Ɓiɗɗo oon, teddintaa *Baabiraawo lilɗo mo oon duu.

Yahaaya 9:38

Sey o jaabii Iisa o wi'i : —Joomiraawo, mi goonɗini. O sujidani Iisa.

Ibrankooɓe 1:6

Wakkati o lilannoo Afo makko oo nder duuniyaaru, o wi'i : Maleykaaɓe makko fuu cujidana mo.

Bannginol 22:16

Miin Iisa, mi lili maleykaajo am ngam seedoo kujje ɗee nder kawriiɗe goonɗinɓe ɗeen fuu. Miin mi wuddu Daawda, mi jippotooɗo he makko duu. Miin woni hoodere fajiri ƴelkitittoore !