Matta 17:9 - Fulfulde Niger West

⁹ Wakkati ɓe njippotonoo waamnde ndeen, Iisa fooɗi noppi maɓɓe, wi'i : —To kaalanee neɗɗo fuu ko ngi'uɗon ɗum, sey wakkati *Ɓii-Neɗɗo ummitii e maayde.

Matta 17:9 ပူးပေါင်းရင်းမြစ်များ

Matta 12:16

o wi'i ɓe to ɓe kaalan neɗɗo fuu moy o woni.

Matta 17:12

Amma miɗo wi'a on : Eliya warii faa yawti, ɓe annditaay mo, ɓe ndaaraay mo goɗɗum. Hano non duu ɓe ndaarataa *Ɓii-Neɗɗo goɗɗum, ɓe torra mo.

Matta 17:20

Iisa jaabii ɓe, wi'i : —Ngam oɗon pamɗi goonɗinol. Goonga kaalananmi on : Nde goonɗinol mooɗon no famɗi faa foti gabbel mutaari, nde nii on mbi'i waamnde ndee : « Sottu ɗo, njahaa to », nde sottan. Huune fuu hepportaa on. [

Matta 17:22

Nyannde gom, wakkati Iisa he *aahiiɓe mum pottunoo nder leydi Galili, o wi'i ɓe kaden : —*Ɓii-Neɗɗo no jammbetee, wattee nder juuɗe.

Matta 17:23

O waree, balɗe tati gaɗa mum, o ummitoo. Haala kaa metti ɓerɗe *aahiiɓe ɓeen sanne.

Matta 17:8

Sey ɓe ɓanti ko'e maɓɓe, ɓe ngi'aay neɗɗo fuu, se hanaa Iisa.

Matta 8:20

Iisa jaabii mo wi'i : —Junkuuji no ngoodi gayɗe, pooli duu no ngoodi cuuɗi, amma *Ɓii-Neɗɗo walaa baa nokku to fukkoo, fowtina hoore mum.

Matta 8:4

Gaɗa mum, Iisa wi'i mo : —Tinna taa haalan ɗum neɗɗo fuu. Amma yah, holloy hoore maa *cakkanoowo Alla mooɗon, ngaɗaa cakkol ngol *Muusa tilsini waɗee, ngam hollude himɓe ko sikka fuu walaa a yamɗiti.

Markus 8:30

Nden Iisa fooɗi noppi maɓɓe wi'i to ɓe kaalan ɗum neɗɗo fuu.

Luka 8:56

Ummintinol suka oon haayɗini saarooɓe suka oon sanne. Amma o wi'i ɓe to ɓe kaalan neɗɗo fuu ko waɗi.

Luka 9:36

Ko daane ndeen deƴƴi, Iisa tan ɓe ngi'ii. *Aahiiɓe ɓeen njogii ko waɗi ɗum caka mum'en. Nder balɗe mum walaa mo ɓe kaalani ko ɓe ngi'ii.