Matta 17:3 - Fulfulde Niger West

³ Wakkati mum da *aahiiɓe tato ɓeen ngi'i *Muusa he Eliya mbanngii, iɓe kaalda he makko.

Matta 17:3 ပူးပေါင်းရင်းမြစ်များ

Matta 17:2

Tagaadi makko waylitii yeeso maɓɓe. Yeeso makko no yayna hano naange, kolte makko duu no ƴelkita hano jeyngol.

Matta 17:4

Sey Piyer wi'i Iisa : —Joomam, no wooɗi ko tawaaɗen ɗo. Nde nii aɗa hiɗi, mi nyiɓan hukumuuji tati ɗo : Aan worru, *Muusa worru, Eliya worru.

Markus 9:4

*Aahiiɓe tato ɓeen ngi'ii Eliya he *Muusa mbanngi no kaalda he makko.

Luka 1:17

O artan *Almasiihu warde. Nder ir baawɗe Ruuhu Alla ɗe annabi Eliya heɓunoo o wartirta ɓerɗe baabiraaɓe har ɓiɓɓe mum'en, hakkillooji murtuɓe har himɓe dartiiɓe. O siryoo lenyi duu ngam garki Joomiraawo.

Luka 16:16

*Tawreeta e dewte annabiiɓe ngoni no ndawrana himɓe faa yottii he garki Yahaaya. Amma Yahaaya gaɗoowo *batisma wari, *Habaru lobbo filla dow Laamu Alla no waajee. Neɗɗo fuu no durwa naata nder maggu.

Luka 24:27

Nden Iisa famtini ɓe ko dewte fuu kaalunoo dow mum, illa nder *Tawreeta faa wara nder dewte annabiiɓe.

Luka 24:44

Nden o wi'i ɓe : —Wakkati ngondunoomi he mooɗon, mi wi'iino on no tilsi kujje ɗe *Tawreeta, dewte annabiiɓe e *Jabuura kaali dow am fuu kuuɓa.

Luka 9:33

Wakkati himɓe ɗiɗo ɓeen ceedunoo he Iisa, sey Piyer wi'i mo : —Moodibbo, no wooɗi ko tawaaɗen ɗo. Accu min nyiɓa hukumuuji tati : Aan worru, *Muusa worru, Eliya worru. Piyer haaldi he Iisa, amma anndaa ko woni no wi'aa.

Yahaaya 1:17

Sabu *Muusa keɓirɗen *Tawreeta, amma moƴƴere e goonga sabu Iisa *Almasiihu heɓiraa.