Matta 15:2 - Fulfulde Niger West

² —Ɗume waɗi ko *aahiiɓe maaɗa tokkataa laabi finaa-tawaaji maamiraaɓe meeɗen ? Ɓe lootataa juuɗe maɓɓe fadde maɓɓe nyaamude.

Matta 15:2 ပူးပေါင်းရင်းမြစ်များ

Matta 15:3

Sey Iisa jaabii ɓe, wi'i : —Onon nee, ɗume waɗi ko on tokkataa tilsinooje Alla, oɗon tokka finaa-tawaaji mooɗon ?

Markus 7:2

Nder finaa-tawaa *Fariisa'en e *Yahudankooɓe, neɗɗo nyaamataa, lootaay juuɗe mum faa laaɓa. Kaden duu se neɗɗo warti, ƴuwi luumo, nyaamataa se lootaaki. Iɓe ngoodi duu finaa-tawaaji gom ɗi ɓe tokki hano lawƴol kore, ƴogirɗe, nyamruɗe, looɗe, e payanɗe. *Fariisa'en he jannginooɓe *Tawreeta ɓee ngi'ii ko nder *aahiiɓe Iisa woɓɓe lootaay juuɗe mum'en, iɓe nyaamira juuɗe ɗe laaɓaa.

Markus 7:5

Nden ɓe ƴami Iisa, ɓe mbi'i : —Ɗume waɗi *aahiiɓe maaɗa tokkataa finaa-tawaaji maamiraaɓe meeɗen, iɓe nyaamira juuɗe tunnuɗe ?

Luka 11:38

Wakkati o hi'unoo Iisa no nyaama lootaay juuɗe mum, ɗum haayɗini mo.

Galatiya 1:14

Miɗo ɓuri heewɓe nder waldeeɓe am naatude diina *Yahudankooɓe. Miɗo ɓuri ɓe, ɓe fuu duu tiiɗude faa noy walaa he finaa-tawaa maamiraaɓe am.

Koloosi 2:8

Tinnee to neɗɗo fuu wattu anndal mum feere'al gom hiila on, woɗɗina on laawol goonga. Iri anndal ngaal walaa ko nafirta, nde hanaa majjinde himɓe. Iri anndal ngaal ƴuwaay to *Almasiihu, ngal finaa-tawaa himɓe e dabareeji ginni marɗi baawɗe duuniyaaru.

1 Piyer 1:18

Oɗon anndi no tonngitiraaɗon e tonngoode mbuurnam nyidduɗam, ɗam ndonuɗon he baabiraaɓe mooɗon. Oɗon anndi no coptinol mooɗon waɗiraa. Ingol seedi he cardi naa kanŋe bonooje.