Matta 13:3 - Fulfulde Niger West

³ O haalani ɓe kujje keewɗe nder kippol haala. Omo wi'a : —Aawoowo gom dilli faa aawowa aawdiiri mum.

Matta 13:3 ပူးပေါင်းရင်းမြစ်များ

Matta 13:4

Nder aawre ndeen, gabbe gom caami sera laawol. Nden pooli ngari coppi ɗe.

Matta 13:53

Wakkati Iisa hanti kippi haala mum, ummii,

Matta 22:1

Iisa waɗani ɓe kippol haala gom, wi'i ɓe :

Matta 24:32

Too, ndaaree ibbi kii, ekkitoɗon goɗɗum he makki. Nde nii licce makki keyɗitii, kaakooli makki mbilitii, oɗon anndi ko dunngu ɓadake.

Markus 12:1

Nder *Ursaliima Iisa tinni no haalda *aahiiɓe mum he hooreeɓe *Yahudankooɓe nder kippol haala, omo wi'a : —Neɗɗo gom waɗi ngesa *cabiije. O waɗi koogol o fiiltini nga. O wasi luggere ɓoosirde, o nyiɓi suudu toownu ngam doomooɓe magga. Nden o wuƴi nga remooɓe gom, o waɗi jahaangal.

Markus 12:12

Hooreeɓe *Yahudankooɓe tefi no nanngirta Iisa, ngam ɓe paamii ko kippol haala ngool, kamɓe ngol sappii. Amma ɓe cuusaay jama'aare ndeen, ngam majjum waɗi ɓe acci mo, ɓe ndilli.

Markus 3:23

Dow haalaaji ɗii, Iisa nootii ɓe, wi'i : —Ibiliisa no waawi riiwude Ibiliisa naa ?

Markus 4:13

Ndenne, nde nii on paamaay kippol haala ngool, noy paamirton ɗiito ?

Markus 4:33

Iisa naforake iri kippi haala keewɗi, omo gollira ɗi, dey-dey no jama'aare ndeen waawirta faamude.

Luka 12:41

Piyer wi'i Iisa : —Joomam, kippol haala ngool, minen tan ngaɗanɗaa ngol naa himɓe fuu ?

Luka 8:10

Nden o wi'i ɓe : —Onon, Alla hokkii on baawɗe anndude ko suuɗi dow habaru Laamu muuɗum. Amma woɓɓe, he kippol haala ɓe kaalirantee ɗum. Baa nde iɓe ndaara, ɓe ngi'ataa. Baa nde ɓe nani, ɓe paamataa.

Yahaaya 16:25

—Ko kaalanmi on ɗum fuu nder haala kippaaka kaalirmi ɗum. Amma wakkati waran ko mi hippataa haala, no laaɓiri kaalirananmi on dow *Baabiraawo.