Matta 11:7 - Fulfulde Niger West

⁷ Wakkati aahiiɓe Yahaaya ɓeen ndillunoo, Iisa fuɗɗi fillanaade jama'aare ndeen filla Yahaaya, o ƴami ɓe, o wi'i : —Ko njaanoɗon nder ladde yeeruure, ɗume ndaaroyɗon ? Huɗo ko henndu wifata ndaaroyɗon ?

Matta 11:7 ပူးပေါင်းရင်းမြစ်များ

Matta 11:8

Naa ɗume njaaɗon daaroyde ? Oɗon miila ngi'on gorko ɓorniiɗo koltal nyaaƴo naa ? Ɓornotooɗo koltal nyaaƴo nder ɓaade laamiiɗo tawetee.

Matta 12:20

O jokkititta ƴommbal kelngal, o nyifataa fitilla ka jeyngol muuɗum famɗi sey nii nyannde o waɗi dartinaaku jaali.

Matta 21:25

Alla naa himɓe kokki Yahaaya laawol waɗude *batisma ? Sey iɓe caawodira hakkune maɓɓe, iɓe mbi'a : —Nde nii en mbi'i Alla, o wi'an ko waɗi en ngoonɗinaay Yahaaya ?

Matta 3:5

Himɓe no ƴuwa huɓeere *Ursaliima, he leydi Yahudiya he takkol maayo Urdun fuu, no ngara to makko.

Luka 8:18

Ndenne, kakkilee he no nanirton kujje, ngam jogiiɗo fuu no ɓeydantee. Amma mo walaa oon, baa ko miilii no jogii ɗum, no teetetee.

Yahaaya 1:38

Iisa yeeƴitii, hi'i iɓe tokki ɗum, wi'i ɓe : —Ɗume tefoton ? Ɓe njaabii, ɓe mbi'i : —Rabbi, toy njooɗotoɗaa ? Rabbi kam woni Moodibbo.

Yahaaya 5:35

Yahaaya laatakeno hano fitilla kuɓɓaaka, njaynooka. On njaɓi welnude wakkati seɗɗa nder jeyngol makka.

Efeesu 4:14

Ɗum waɗaama heɓa to en ngartu hano sukaaɓe hiileteeɓe, naa hano laana ka benkeƴƴe njaarata to ngiɗi fuu. En accataa jannginooɓe fewre gom ngara mbaylita ɓerɗe meeɗen, ƴoyna en itta en dow laawol goonɗinol meeɗen.

Yakuuba 1:6

Amma sey nii joomum eeliraa goonɗinol, tawee sikkaay. Ngam cikkuɗo fuu no nanndi he benkeƴƴe, ɗe henndu soggata no hiɗiri.