Luka 9:33 - Fulfulde Niger West

³³ Wakkati himɓe ɗiɗo ɓeen ceedunoo he Iisa, sey Piyer wi'i mo : —Moodibbo, no wooɗi ko tawaaɗen ɗo. Accu min nyiɓa hukumuuji tati : Aan worru, *Muusa worru, Eliya worru. Piyer haaldi he Iisa, amma anndaa ko woni no wi'aa.

Luka 9:33 ပူးပေါင်းရင်းမြစ်များ

Matta 17:14

Wakkati Iisa he *aahiiɓe mum ngartunoo to jama'aare ndeen, gorko gom ɓadii mo, hofi yeeso makko,

Matta 17:4

Sey Piyer wi'i Iisa : —Joomam, no wooɗi ko tawaaɗen ɗo. Nde nii aɗa hiɗi, mi nyiɓan hukumuuji tati ɗo : Aan worru, *Muusa worru, Eliya worru.

Markus 10:38

Nden Iisa jaabii ɓe, wi'i : —On anndaa ko eeloton. Oɗon mbaawi yarirde nyeɗerde nde njaranmi ndeen naa ? Oɗon mbaawi munyi waɗaneede *batisma mo ngaɗanteemi oo naa ?

Luka 5:5

Simon jaabii Iisa, wi'i mo : —Moodibbo, min mbaalii miɗen ngolla, min keɓaay baafuy. Amma ngam a haali, mi faɗɗan taaruuji ɗiin.

Luka 9:34

Wakkati Piyer wonnoo no haala, luuldere gom wari, suddi ɓe. Luuldere jippiine dow maɓɓe ndee waɗi *aahiiɓe ɓeen kuli sanne.

Luka 9:49

Sey Yahaaya fiirti hunnduko, wi'i : —Moodibbo, min ngi'ii goɗɗo no riiwa ginnaaji bonɗi he innde maa. Min kaɗi mo ngam o wondaa he meeɗen.

Yahaaya 14:8

Filipa wi'i mo : —Joomam, hollu min *Baabiraawo, ɗum ɗon tan heƴii min.

2 Korintu 4:6

Ngam Alla, bi'uɗo jeyngol yayna nimre, kanko waɗata jeyngol mum yayna ɓerɗe meeɗen, ngam annden darja makko jaynoowo, gonɗo dow yeeso *Almasiihu.