Luka 9:31 - Fulfulde Niger West

³¹ Ɓe mbanngidi teddungal, iɓe kaalda he Iisa. Ɓe kaaldi he makko dow no o humnirta golle makko har maayde makko nder *Ursaliima.

Luka 9:31 ပူးပေါင်းရင်းမြစ်များ

Luka 9:22

Nden o wi'i ɓe : —No tilsi *Ɓii-Neɗɗo torree sanne. Mawɓe *Yahudankooɓe, hooreeɓe *cakkanooɓe Alla e jannginooɓe *Tawreeta tottitoo mo. O waree, nden o ummitoo nyannde tataɓere.

Luka 9:30

Wakkati mum da himɓe ɗiɗo gom, *Muusa e Eliya mbanngi.

Yahaaya 1:29

Jaangoore mum Yahaaya hi'i Iisa no wara to mum, wi'i : —Ndaaree *Njawdiri Alla ittoori hakkeeji duuniyaaru.

2 Korintu 3:18

Enen ɓe yeesooji mum'en cuddaaka, darja Joomiraawo no hi'ee nder meeɗen. Omo waylita en faa nannden he makko. Darja makko no ɓeyda en yahde yeeso. Ɗum woni golle Joomiraawo, kanko duu woni *Ruuhu oon.

Filipi 3:21

Kanko, o waylitowan ɓalli meeɗen tampuɗi ɗii, ɗi laatoo hano ɓanndu makko ndu teddungal nduun, ngam omo woodi baawɗe gaɗooje huune fuu hofo yeeso makko.

Koloosi 3:4

Nyannde fuu *Almasiihu, mo mbuurnam mooɗon fuu sinngi dow mum wanngi on mbanngidan he makko nder teddungal makko.

Ibrankooɓe 11:22

Yusufu, ngam goonɗinii Alla waɗi, wakkati ɓadinoo maayde, haali dow burtaaki ɓiɓɓe *Isra'el nder leydi Misira. O tinndini ɓe, no ɓe ngaɗirta ɓanndu makko.

1 Piyer 5:10

On njaran torraaji wakkati seɗɗa, amma Alla marɗo moƴƴere fuu, noddi on har *Almasiihu, njooɗoɗon nder teddungal mum faa abada abadin. Kanko he hoore makko waɗata on huuɓuɓe. O tabbintina on, o hokka on semmbe. O sinnga on faa ngaɗon ɗaɗi.

2 Piyer 1:15

Amma mi waɗan keddi baawɗe am, heɓa tawee wakkati fuu oɗon mbaawi jogaade kujje ɗee fuu nder ɓerɗe mooɗon, baa nde tawi mi maayi.

Bannginol 7:14

Sey njaabimi, mo mbi'umi : —Dottiijo, aan woni annduɗo. Nden o wi'i kam : —Ɓe ngoni yarɓe torra nawka. Ɓe cocci jabbaaje maɓɓe nder ƴiiƴam Njawdiri ndiin. Ƴiiƴam ɗam rawnini jabbaaje maɓɓe.