Luka 9:19 - Fulfulde Niger West

¹⁹ Nden ɓe njaabii mo, ɓe mbi'i : —Woɓɓe no mbi'a aan woni Yahaaya gaɗoowo *batisma. Woɓɓe to mum'en, aan woni Eliya. Woɓɓe duu no mbi'a a gooto nder annabiiɓe aranɓe ummitiiɗo.

Luka 9:19 ပူးပေါင်းရင်းမြစ်များ

Matta 14:2

Sey o wi'i gollooɓe makko : —Yahaaya gaɗoowo *batisma ! Maayɗo oon, kam ummitii. Ngam majjum waɗi, omo jogii baawɗe waɗude kaayɗe.

Matta 3:1

Duuɓi he duuɓi gaɗa mum, Yahaaya gaɗoowo *batisma wanngi nder ladde yeeruure leydi Yahudiya, omo wi'a himɓe :

Markus 6:14

Innde Iisa walaa fuu to yehaay. *Hirudus, laamiiɗo leydi Galili, nani habaru Iisa no waɗee. No woodi wi'ooɓe Yahaaya gaɗoowo *batisma ummitii. Ngam majjum waɗi, omo waɗa kaayɗe.

Markus 6:15

Woɓɓe no mbi'a o Eliya. Woɓɓe duu no mbi'a o annabiijo nii non hano annabiiɓe aranɓe.

Luka 9:18

Nyannde gom wakkati Iisa wonnoo feere mum no du'oo, *aahiiɓe makko no tawaa hadde makko. Sey Iisa ƴami ɓe, wi'i : —Moy himɓe mbi'ata ngonmi ?

Luka 9:20

Iisa ƴami ɓe, wi'i : —Dey onon nee, moy mbi'oton ngonmi ? Piyer jaabii mo, wi'i : —Aan woni *Almasiihu mo Alla !

Yahaaya 1:21

Ɓe ƴami mo, ɓe mbi'i : —Aan, a moy ? A Eliya naa ? O wi'i : —Mi hanaa. Ɓe mbi'i : —A annabiijo garoowo oon naa ? O jaabii : —Hanaa !

Yahaaya 1:25

Ɓe ƴami mo, ɓe mbi'i : —Ko saabii ko aɗa waɗana himɓe *batisma nder ndiyam tawi a hanaa *Almasiihu. A hanaa Eliya, a hanaa annabiijo oon ?

Yahaaya 7:40

Wakkati himɓe gom nanunoo haala kaa nder jama'aare ndeen, mbi'i : —Sikka fuu walaa kanko woni annabiijo oon.

Yahaaya 9:17

Nden *Fariisa'en ƴami bumtinaaɗo oon kaden mbi'i : —Ɗume mbi'ataa dow bumtinɗo ma oon ? O jaabii, o wi'i : —O annabiijo.