Luka 7:6 - Fulfulde Niger West

⁶ Nden Iisa yahdi he maɓɓe. Wakkati ɓe ɓadinoo wuro hooreejo oon, sey hooreejo oon waɗi lilaaɓe gom ngari to Iisa, mbi'i mo : —Moodibbo, taa tampin hoore maa, ngam higiimin wi'i ko kam fotaay to naataa ɓaade mum.

Luka 7:6 ပူးပေါင်းရင်းမြစ်များ

Matta 20:28

Noon duu, *Ɓii-Neɗɗo waraay faa gollanee, amma o wari faa o ngollana himɓe fuu, o mursa yonki makko ngam hisinde himɓe heewɓe.

Matta 3:11

Miin, ndiyam ngaɗirananmi on *batisma ngam hollude ko on tuubii. Amma garoowo gaɗa am oon, no ɓuri kam baawɗe. Mi fotaay baa ɓortude paɗe makko. Kanko, *Ruuhu Ceniiɗo e hiite o waɗiranta on *batisma.

Markus 5:24

Iisa ummii tokki Jayrus. Jama'aare mawne tokki mo faa himɓe no njaaɓodira.

Luka 5:8

Wakkati Simon hi'unoo ɗum, o diccii yeeso Iisa, o wi'i mo : —Moodibbo, woɗɗam, ngam miin mi gaɗoowo hakke.

Luka 7:4

Dottiiɓe ɓeen ngari to Iisa, ɓe ŋaarii mo, ɓe ŋaariti mo, ɓe mbi'i : —No haani mballaa neɗɗo oo

Luka 7:5

ngam omo hiɗi lenyol meeɗen, kanko duu nyiɓi *waajordu amin.

Luka 7:7

Ngam majjum waɗi kam miilii, ko kam e hoore mum, haani wara to maaɗa. Ndenne, haala maaɗa tan heƴi, maccuɗo makko yamɗitaa.

Luka 8:49

Iisa no caka haala sey goɗɗo ƴuwi wuro Jayrus, wari, wi'i : —Jayrus, ɓiya debbo maayi, fotaay tampinaa moodibbo oo kaden !

Golle Lilaaɓe 10:38

Oɗon anndi no Alla jippiniri baawɗe *Ruuhu Ceniiɗo dow Iisa mo Nasaratu. Oɗon anndi duu no Iisa fiilori nder leydi ndiin fuu no golla golleeji lobbi, no soptina wonɓe nder maccangaaku Ibiliisa. Iisa waɗi kujje ɗee fuu ngam Alla no wondi he makko.

Yakuuba 4:10

Leynee ko'e mooɗon yeeso Joomiraawo, o ƴettan on.

Yakuuba 4:6

Alla waɗanii en moƴƴere ɓurne huune fuu manngu. Ngam no winndaa nder mayre wi'aa : Alla no wanyi piyooɓe gabaare, amma omo moƴƴana leesinooɓe ko'e mum'en.