Luka 7:29 - Fulfulde Niger West

²⁹ Himɓe fuu nanuɓe ko Iisa wi'i, faa e jaɓooɓe janngal njaɓi ko laawol Alla woni goonga. Kamɓe duu ngoni ɓe Yahaaya waɗani *batisma.

Luka 7:29 ပူးပေါင်းရင်းမြစ်များ

Matta 5:46

Nde hiɗuɓe on tan ngiɗɗon, baraaje ɗeye keɓoton ? Baa *jaɓooɓe janngal non ngaɗata !

Luka 20:6

Amma nde en mbi'ii himɓe, too, himɓe fuu no mbugoto en kaaƴe, ngam ɓe fuu ɓe tabbintini ko Yahaaya no annabiijo.

Luka 3:12

*Jaɓooɓe janngal duu ngari faa ngaɗanee *batisma, ɓe ƴami mo, ɓe mbi'i : —Moodibbo, ɗume min kaani waɗude ?

Luka 7:28

Miɗo haalana on, walaa dimaaɗo nder duuniyaaru nduu ɓurɗo Yahaaya. Amma fuu nii, ɓurɗo famɗude nder Laamu Alla no ɓuri mo teddude.

Luka 7:35

Amma goonɗinɓe hikmaaku Alla, no kolla nder mbuurnam mum'en ko laawol Alla no goonga.

Golle Lilaaɓe 18:25

O janngi laabi tokkol Joomiraawo fuu. Haala Alla no ɓula nder ɓerne makko. Omo waajoroo goonga e goonga huune fuu ko daarata Iisa *Almasiihu baa nii ko *batisma Yahaaya tan o anndi.

Golle Lilaaɓe 19:3

Pol ƴami ɓe, wi'i kaden : —Ndenne, ir *batisma oye ngaɗanaɗon ? Ɓe njaabii, ɓe mbi'i : —Ir *batisma Yahaaya.

Rooma 10:3

Ɓe anndaa laawol ngol neɗɗo tokkata ko Alla wartira ɗum jom dartinaaku. Ɓe ndawrani ko'e maɓɓe laawol ngol ɓe tokkata ngam laataade jom'en dartinaaku yeeso Alla. Ɓe cuɓaaki tokkude laawol ngol Alla darni ngam wartirde himɓe jom'en dartinaaku.

Bannginol 15:3

Iɓe njima jimol ngol *Muusa, maccuɗo Alla, yimunoo he jimol gaɗanangol Njawdiri ndiin, iɓe mbi'a : —Yaa Alla Joomiraawo, Jom baawɗe, golleeji maaɗa no mawni, iɗi kaayɗini ! Yaa Laamiiɗo laamorɗe fuu, laabi maa no dartiiɗi, ɗi goongaaji !

Bannginol 16:5

Sey nanumi maleykaajo dawranoowo diyeele, no wi'a : —Aan woni dartiiɗo, Ceniiɗo, gonɗo, gonnooɗo, a hiitake he dartinaaku.