Luka 6:21 - Fulfulde Niger West

²¹ On mbelii ko'e, onon rafaaɓe jooni, ngam on kaaran. On mbelii ko'e, onon woyooɓe jooni, ngam on njalan.

Luka 6:21 ပူးပေါင်းရင်းမြစ်များ

Matta 5:4

On mbelii ko'e, onon woyooɓe, ngam Alla fukkinan ɓerɗe mon.

Matta 5:6

On mbelii ko'e, onon hiɗuɓe dartinaaku sanne, ngam on kaaran, on ɗomɗitan.

Luka 1:53

O harni rafaaɓe kujje lobbe, riikuɓe duu, o soƴƴi ɗum'en juuɗe ɓole.

Luka 6:20

Iisa ƴeewi *aahiiɓe mum, wi'i : —On mbelii ko'e, onon talkaaɓe, ngam onon njeyi Laamu Alla.

Luka 6:22

On mbelii ko'e nde himɓe mbanyii on, mboppi on, njennii on, mbonnii inɗe mooɗon ngam *Ɓii-Neɗɗo.

Luka 6:25

On mbonii, onon haarɓe jooni, ngam on ndafetee. On mbonii, onon jalooɓe jooni, ngam ɓerɗe mooɗon no mettan, on mboyan.

Yahaaya 11:35

Sey Iisa fusi gonɗi.

Yahaaya 4:10

Iisa jaabii mo wi'ii : —Nde aɗa anndi kokkal ngal Alla hokkata he kaden duu nde aɗa anndi duu ƴamuɗo ma ndiyam njareteeɗam, a ƴamannoo mo, o hokke ndiyam buurɗam.

Yahaaya 6:35

Iisa wi'i ɓe : —Miin woni nyaamdu kokkooru mbuurnam. Garɗo to am fuu, rafataake faa abada. Goonɗinɗo kam oon duu ɗomɗataake abada.

1 Korintu 4:11

Baa nii nder wakkati mo ngonɗen oo, rafo e ɗomka seedaay he amin. Min koltaay koltal lobbal, miɗen ɓoccee, wakkati fuu miɗen nder eggu-eggu.

2 Korintu 11:27

Mi waali jemmaaji re'ataa mi ɗaanaaki. Mi golli faa mi tampi. Mi rafaama, mi ɗomɗaama. Kile keewɗe mi walaa ko nyaamee. Mi jaangaama, mi walaa suddu.

2 Korintu 12:10

Ngam majjum waɗi jaccere, jennooje, torra, tampiri he mettal ɓerne ngal ngi'umi ngam sabbu *Almasiihu, miɗo jaɓɓoro ɗum welwelo. Goonga non wakkati njaccumi, wakkati mum keɓanmi semmbe.

2 Korintu 6:10

Iɓe mettina ɓerɗe amin amma nyannde fuu miɗen nder weltaare. Miɗen ndaaree min talkaaɓe amma tawi miɗen ngaɗa himɓe heewɓe ndiikiɗaa. Miɗen ndaaree min ngalaa fuy tawi duu walaa fuu ko ŋakkani min.

Yakuuba 1:12

Belɗo hoore woni munyuɗo wakkati naati nder cii'aaki. Ngam nde o tittinkinake, Alla melliran mo mbuurnam nduumiiɗam, ɗam o fodani hiɗuɓe mo.

Bannginol 21:3

Nanumi daane toowne gom ƴuwi dow jooɗorgal laamu ngaal inde wi'a : « Ndaa, *hukumuuru Alla nii hakkune himɓe. O joddoto he maɓɓe, ɓe laatoo himɓe makko. Alla he hoore mum wondan he maɓɓe, o laatoo Alla maɓɓe.

Bannginol 7:16

Ɓe ɗomɗataake, ɓe ndafataake kaden, naange e wulowulo tappataa ɓe kaden.