Luka 5:22 - Fulfulde Niger West

²² Iisa faami miilooji maɓɓe, jaabii ɓe, wi'i : —Ɗume waɗi ko oɗon miiloo ir miilooji ɗii nder ɓerɗe mooɗon ?

Luka 5:22 ပူးပေါင်းရင်းမြစ်များ

Matta 12:15

Wakkati Iisa heɓunoo habaru majjum, o dilli toon, jama'aare mawne tokki mo. O nyawti nyawɓe ɓeen fuu,

Matta 12:25

Ngam Iisa no anndi miilooji maɓɓe, waɗi o wi'i ɓe : —Laamu fuu feccii ɗiɗi, no ɓoorodira ɓooyataa. Wuro fuu fecciingo naa ɓaade fuu fecciine pecce ɗiɗi, himɓe mum potataa, ɓe cankititto.

Matta 9:4

Amma Iisa faami miilooji maɓɓe, nden wi'i ɓe : —Ɗume waɗi ko oɗon miiloo miilooji bonɗi nder ɓerɗe mooɗon ?

Markus 8:17

Iisa faami ko ɓe kaalata, nden wi'i ɓe : —Ɗume kaaloton hakkune mooɗon, oɗon mbi'a on ngalaa buuru ? Ɗume waɗi ko on paamataa ? Naa ɓerɗe mooɗon mbumu non ?

Luka 24:38

Nden Iisa wi'i ɓe : —Ɗume waɗi hakkillooji mon ummi ? Ɗume waɗi sikka no tawaa nder ɓerɗe mooɗon ?

Luka 5:21

Sey jannginooɓe *Tawreeta e *Fariisa'en tinni no mbi'a nder ɓerɗe mum'en : —Ɗume waɗi gorko oo no bonna innde Alla ? Moy waawi yaafaade hakke se hanaa Alla ?

Luka 5:23

Ɗume ɓuri hoyde hakkune wi'ude bonnguujo oo « Hakkeeji mum njaafaama » naa « O ummoo, o dilla »  ?

Golle Lilaaɓe 5:3

Wakkati o waddi ceede ɗeen, sey Piyer wi'i mo : —Ananiyas ɗume waɗi accuɗaa Seyɗan naati nder ɓerne maa, penanɗaa *Ruuhu Ceniiɗo, peccuɗaa ceede ɗeen cuuɗuɗaa feccere majje ?

Ibrankooɓe 4:12

Hakiika haala Alla no wuuri, ika woodi semmbe. Ika ɓuri takubaahi ki ɗemle ɗiɗi ƴaraaki welude. Ika naata neɗɗo faa nder, ka senndodira ruuhu e yonki, gi'al he mbusam. Ika faama miilooji e anniyaaji gonɗi nder ɓerne.

Bannginol 2:23

Mi waran tokkuɓe jannde makko. Kawriiɗe goonɗinɓe fuu no anndan ko miin woni annduɗo miilooji ɓerɗe ɓiɓɓe aadama. Neɗɗo mooɗon fuu mi yoɓan ɗum dey-dey gollal mum.