Luka 4:20 - Fulfulde Niger West

²⁰ O taggi dewtere ndeen, o hokkiti deenoowo *waajordu nduun, o jooɗii. Wonnooɓe toon fuu puttini gite he makko.

Luka 4:20 ပူးပေါင်းရင်းမြစ်များ

Matta 26:55

Wakkati mum, o wi'i jama'aare ndeen : —Ko waɗi ngarduɗon takubaaje e cabbi faa nanngon kam hano miin woni mawɗo murtuɓe ? Wakkati fuu miɗo wondunoo he mooɗon nder *Juulirde mawne, miɗo waajoo, on nanngaay kam.

Matta 27:60

O watti ndu nder annyeere heyre nde o seɓanii hoore makko nder tepaare mawne gom. Nden o waɗi kaaƴa mannga gom tallitaa, dammbugal annyeere ndeen uddaa, o dilli.

Luka 19:48

Amma ɓe keppi heɓude laawol fuu, ngam himɓe fuu no ngattani haalaaji makko hakkillo sanne.

Luka 4:17

sey o hokkaa dewtere annabi *Esaaya. O taggiti nde, o fotodiri he nokku to winndaa, wi'aa :

Luka 4:21

Sey o wi'i ɓe : —Ko nanuɗon nder dewtere Alla ndee, tabbiti hannden.

Luka 5:3

Simon bi'eteeɗo Piyer no tawa nder maɓɓe. Sey Iisa naati nder laana makko, wi'i mo, o awƴoo ka seɗɗa, ɓe mboɗɗoo fonngo ngoon. Iisa jooɗii nder makka tinni no waajoo jama'aare ndeen.

Yahaaya 8:2

Illa subaka kecco Iisa warti nder *Juulirde mawne ndeen. Himɓe fuu ngari to makko. O jooɗii, omo waajoo ɓe.

Golle Lilaaɓe 16:13

*Nyalaane fowteteene gom min mburtii huɓeere ndeen, min njehi daane maayo. Ngam miɗen miila min ngiitannoo du'orde *Yahudankooɓe toon. Min njooɗii daane maggo, min kaaldi he rewɓe kawruɓe toon gom.

Golle Lilaaɓe 3:12

Wakkati Piyer hi'unoo ɗum, o wi'i jama'aare ndeen : —Isra'ilankooɓe, ɗume waɗi ko yamɗintinol ngool no haayɗina on ? Ɗume waɗi ko oɗon ƴeewa min, hano har semmbe amin naa har tokkol amin Alla he ɓerne worre waɗi gorko oo no dillira koyɗe mum ?