Luka 3:8 - Fulfulde Niger West

⁸ Ngaɗee ko hollata on tuubii. Nde on mbi'i nder ɓerɗe mooɗon on jippotooɓe he *Ibrahim, miin mi wi'an on : Alla no waawi wayli kaaƴe ɗee, ɗe laatoo taaniraaɓe *Ibrahim.

Luka 3:8 ပူးပေါင်းရင်းမြစ်များ

Matta 21:43

Ngam majjum miɗo wi'a on : —Laamu Alla no teetetee he juuɗe mooɗon, hokkee waɗirooɓe ngu ko haani.

Matta 3:8

Ngaɗee ko hollata on tuubii.

Matta 3:9

Nde on mbi'i nder ɓerɗe mooɗon on jippotooɓe he *Ibrahim, miin mi wi'an on : Alla no waawi waylii kaaƴe ɗee, ɗe laatoo taaniraaɓe *Ibrahim.

Luka 13:25

Ngam wakkati waran mo jom ɓaade oon ummoto ommba dammbugal mum. No ndaroriɗon yaasin, oɗon calmina fuu, oɗon mbi'a : « Moodibbo ! Omtan min. » Jom ɓaade ndeen wi'an on : « Mi anndaa to njeyaɗon ! »

Luka 13:26

Nden, puɗɗon wi'ude mo : « A waajake nder laabi gure amin. Min nyaamdii he maa, min njardii he maa. »

Luka 14:9

nden jom batu oon waran, wi'e : « Umma, hokku neɗɗo oo jooɗorgal ngaal ! » Cemtaa njooɗowoɗaa dow jooɗorgal ɓurngal leesude gom.

Luka 19:40

O jaabii ɓe, o wi'i : —Miɗo haalana on, nde ɓe ndeƴƴi, kaaƴe ɗee e ko'e mum'en kuuɓan !

Luka 19:9

Sey Iisa wi'i : —Gorko oo duu, taanu *Ibrahim non. Hannden, kisinam naatii nder hoggo ngoo,

Luka 5:21

Sey jannginooɓe *Tawreeta e *Fariisa'en tinni no mbi'a nder ɓerɗe mum'en : —Ɗume waɗi gorko oo no bonna innde Alla ? Moy waawi yaafaade hakke se hanaa Alla ?

Yahaaya 8:33

Ɓe njaabii mo, ɓe mbi'i : —Minen, min jippotooɓe he *Ibrahim, walaa marɗo min abada. Noy mbi'irtaa min ndimɗan ?

Yahaaya 8:39

Ɓe njaabii mo, ɓe mbi'i : —Baabiimin woni *Ibrahim. Iisa wi'i ɓe : —Se nii on jippotooɓe he *Ibrahim, on ngaɗataana golleeji *Ibrahim.

Golle Lilaaɓe 26:20

Ɓe artumi waajaade ɓeen ngoni himɓe Damas, himɓe *Ursaliima he fiiliiɓe leydi Yahudiya fuu. Gaɗa mum, tokkinmi himɓe lenyi gom. Mbi'umi ɓe, ɓe tuuba, ɓe ngarta he Alla. Ɓe ngolla golle kollooje ɓe tuubii.

Rooma 4:16

Ngam majjum waɗi sey nde neɗɗo goonɗini ko rona fodoore Alla ndee. Ndonngu fodoore ndee duu no forba. Ɗum duu ngam hokkude jippotooɓe he *Ibrahim fuu laawol heɓude ndonngu ngu. Hanaa tokkuɓe *Tawreeta tan, baa goonɗinɓe hano no *Ibrahim maama himɓe fuu goonɗiniri.

Rooma 9:7

Kaden duu hanaa jippotooɓe he *Ibrahim fuu ngoni ɓiɓɓe ɓe Alla fodanii *Ibrahim. Ngam Alla wi'i *Ibrahim : Har Isiyaaku keɓirtaa jippotooɓe he maaɗa ɓe podanimaami.

Filipi 1:11

hebbinaa on golleeji dartiiɗi ƴuwɗi to Iisa *Almasiihu, ngam Alla teddinee, yettee.