Luka 24:36 - Fulfulde Niger West

³⁶ Kiliyopas'en no caka haala, sey Iisa e hoore mum wanngi hakkune maɓɓe, wi'i ɓe : —Jam wonda he mooɗon !

Luka 24:36 ပူးပေါင်းရင်းမြစ်များ

Matta 10:13

Nde nii ɓaade lobbere non, barke du'aa'u mooɗon tabbitan he mayre. Amma nde nii nde lobbiɗaa, nde heɓataa barke du'aa'u mooɗon.

Markus 16:14

Ko sakitii, o wanngani *aahiiɓe makko sappo e go'o ɓeen, wakkati ɓe nyaamannoo. O nanaay belɗum rafi goonɗinol e njorki ɓerɗe maɓɓe. O duki ɓe duu ngam ɓe ngoonɗinaay warɓe mbi'i kam'en ngi'ii mo, o ummitake.

Luka 10:5

Ɓaade nde naatuɗon fuu, cannon joomiinde ginan, mbi'on : « Jam jippoo dow ɓaade ndee. »

Yahaaya 14:27

Jam accidanmi on, mi hokkan on jam am. Hanaa hano no duuniyaaru nduu hokkirta on, kokkiranmi on. To hakkillo mon ummoo, to kulee.

Yahaaya 16:33

Mi haalanii on ɗum, ngam keɓon jam nder kawtal mooɗon he am. Oɗon ngondi he torra nder duuniyaaru. Amma cemmbiɗee, sabu mi jaalake duuniyaaru.

Yahaaya 20:26

Jeɗɗiire gaɗa mum, *aahiiɓe ɓeen kawri kaden nder suudu, indu maɓɓii, Tomas no wondi he maɓɓe. Dammbule ɗeen fuu no maɓɓii, sey Iisa wanngi hakkune maɓɓe, wi'i ɓe : —Jam wonda he mooɗon !

Golle Lilaaɓe 1:3

Gaɗa torraaji makko, he maayde makko, nder alamaaji ɗuɗɗi tabbintinooji ummitaaki makko o wanngani ɓe, omo wuuri. Omo haalda he maɓɓe dow Laamu Alla duu. O waɗi ɗum, ɗum fuu, nder balɗe lasooji ɗiɗi.

1 Korintu 15:5

O wanngani Piyer, nden ko o wanngani *lilaaɓe sappo e ɗiɗo ɓeen.

1 Korintu 15:7

O wanngani Yakuuba, nden o wanngani kappa kuula *lilaaɓe ɓeen fuu.

2 Tesalonika 3:16

Mi eeli Joomiraawo jom jam, hokka on jam wakkati fuu he nder huune fuu. Joomiraawo wonda he mooɗon, on fuu.

Bannginol 1:4

Miin Yahaaya, winndani kawriiɗe goonɗinɓe jeɗɗi tawaaɗe nder leydi Asiya. Jam e moƴƴere ƴuwɗo to Alla gonɗo, gonnooɗo, e gonoowo, jam e moƴƴere ƴuwne to ruuhuuji jeɗɗi gonɗi yeeso jooɗorgal laamu makko, jam e moƴƴere ƴuwɗo to