Luka 23:4 - Fulfulde Niger West

⁴ Pilaatus fiirti hunnduko, wi'i hooreeɓe *cakkanooɓe Alla e jama'aare ndeen fuu : —Mi hi'aay daliila fuu he makko ko jukkata mo.

Luka 23:4 ပူးပေါင်းရင်းမြစ်များ

Matta 27:19

Wakkati Pilaatus jooɗinoo nder suudu kiite nduun, jom suudu makko lili he makko, wi'i o sela gorko dartiiɗo oo, ngam hankin koyɗi ɗi o waɗi dow makko ɗiin tampinii mo sanne.

Markus 15:14

Pilaatus ƴami ɓe, wi'i : —Ɗume o waɗi ko foti nii fuu ? Sey ɓe kuuɓi sanne ɓe mbi'i : —Tontu mo dow *bardugal !

Luka 23:22

Pilaatus yeeƴi haaldi he maɓɓe kaden wi'i ɓe : —Ko boni oye o waɗi ko foti nii fuu ? Mi hi'aay daliila fuu ko foti o waree. Ndenne, mi ɓoccan mo, mi yoofa mo.

Yahaaya 18:38

Pilaatus ƴami mo : —Ɗume woni goonga ? Nden Pilaatus wurtii kaden, o tawowi mawɓe *Yahudankooɓe ɓeen yaasin, o wi'i ɓe : —Mi heɓaay feloore baa worre nde nanngiranmi gorko oo.

Golle Lilaaɓe 25:25

Amma miin he hoore am, mi hi'aay ko o waɗi ko foti wareede. Kanko he hoore makko, eeli kam kiite makko njaaree to Kaysar. Miin duu mbi'umi kiite makko no njaaretee to Kaysar.

Golle Lilaaɓe 3:13

Alla *Ibrahim, Alla Isiyaaku e Alla Yakuuba, Alla maamiraaɓe meeɗen, teddinii Iisa Golloowo mum. Amma onon, on ngattii mo nder juuɗe hooreeɓe leydi, on calake mo yeeso Pilaatus, baa ko o muuyi yoofude mo.

Ibrankooɓe 7:26

Iisa woni mawɗo *cakkanoowo Alla mo kaajaɗen. O ceniiɗo, o walaa fuu feloore gom, laru fuu walaa he makko. Omo seedi he waɗuɓe hakke, o teddinaaɗo ɓurɗo huune fuu ko tawa dow kammu.

1 Piyer 1:19

Amma ƴiiƴam *Almasiihu ɗam darja coptiniraɗon. *Almasiihu duu woni njawdiri ndi walaa fuu laru naa feloore gom.

1 Piyer 2:22

O waɗaay hakke abada, abada hunnduko makko duu wurtinaay fewre.

1 Piyer 3:18

Sabu Iisa *Almasiihu e hoore mum yari torra daliila hakkeeji meeɗen. Kanko dartiiɗo oon, maayi ngam sabbu meeɗen, enen jom'en hakke. O maayi gaba go'o ngam o ɓanna en he Alla. Ɓe mbari mo, amma *Ruuhu Ceniiɗo ummintini mo, omo wuuri.