Luka 20:38 - Fulfulde Niger West

³⁸ Iisa wi'i ɓe kaden : —Ndenne, Alla hanaa Alla maayɓe, o Alla wuurɓe. Ngam to makko himɓe fuu no wuurɓe.

Luka 20:38 ပူးပေါင်းရင်းမြစ်များ

Matta 22:32

Miin woni Alla *Ibrahim, Alla Isiyaaku, Alla Yakuuba. Nden Iisa ɓeydi wi'ude ɓe : —O Alla wuurɓe, o hanaa Alla maayɓe.

Markus 12:27

Nden Iisa ɓeydi wi'ude ɓe : —O Alla wuurɓe, o hanaa Alla maayɓe. Ndenne, on mboofii sanne sanne.

Luka 20:39

Gere nder jannginooɓe *Tawreeta piirti hunnduko, mbi'ii : —Moodibbo, a haalii goonga.

Yahaaya 14:19

Se ɓooyii seɗɗa duuniyaaru nduu hi'ataa kam. Amma onon, on ngi'an kam, sabu mi buurɗo, onon duu on mbuuran.

Yahaaya 6:57

*Baabiraawo lilɗo kam oon no wuddu mbuurnam. Sabbu makko mbuurumi. Hano non nyaamɗo ɓanndu am fuu no wuuran sabbu am.

2 Korintu 13:4

Goonga non wakkati *Almasiihu tontanoo, o leesini, o waɗi hoore makko hano mo walaa semmbe. Amma nder baawɗe Alla, omo wuuri. Minen duu nder kawtal amin he makko min leesinto min ngaɗa ko'e amin hano ɓe ngalaa semmbe. Amma nder golle ɗe min ngaɗata hakkune mooɗon miɗen mbuurdida he makko nder baawɗe Alla.

2 Korintu 6:16

Naa mbi'en ɗume hawti *hukumuuru Alla he tooruure ? Paamee, ko enen en *hukumuuru Alla duumiiɗo, ngam Alla wi'i : Mi joddoto he maɓɓe, mi wuurda he maɓɓe, mi laatoo Alla maɓɓe, kamɓe duu, ɓe laatoo himɓe am.

Ibrankooɓe 11:16

Amma ɓe ndekii hakkillo maɓɓe dow nokkuure ɓurne wodde, nokkuure wonnde dow. Ngam majjum waɗi, ɗum semtinaaki to Alla, Alla noddiree Alla maɓɓe, ngam o siryanake ɓe huɓeere gom.

Bannginol 22:1

Maleykaajo tawaaɗo hakkune maleykaaɓe jeɗɗo jogiiɓe nyeɗerɗe jeɗɗi holli kam maayo kokkoowo ndiyam mbuurnam. Ingo ƴelkita hano danndorgal. Ndiyam maggo no ƴuwa to jooɗorɗe Laamu Alla e Njawdiri ndiin.