Luka 19:42 - Fulfulde Niger West

⁴² o wi'i : —Mi hiɗiino tawee hannden, aan duu, a faami ko hokkete jam. Amma kaari, ɗum suuɗanake gite maaɗa !

Luka 19:42 ပူးပေါင်းရင်းမြစ်များ

Luka 19:41

Wakkati Iisa hi'unoo huɓeere *Ursaliima, o woyani nde,

Luka 19:43

Nyalaaɗe no ngaran nde wayɓe maa nyiɓata cuuɗi loope ngam ɓe ƴeenya ɓe piile, ɓe kone,

Luka 19:44

ɓe pusee, ɓe accataa baa hayre worre no deki dow wonnde nder maaɗa. Ɓe mbare, aan e ɓiɓɓe maaɗa fuu, ngam a annditaay wakkati mo Alla warunoo ngam hisinde ma.

Golle Lilaaɓe 10:36

Alla lildi haala mum dow ɓiɓɓe *Isra'el fuu. O waɗani ɓe filla *Habaru lobbo, Habaru jom jam har Iisa *Almasiihu, Joomiraawo himɓe fuu.

Golle Lilaaɓe 13:46

Sey caka jama'aare ndeen, Pol e Barnabas acci kulal fuu, mbi'i ɓe : —Waajibi, onon haala Alla kaa haani haalaneede. On calake ka, ngam oɗon miila ko on kaandaa mbuurnam nduumiiɗam. Ndenne, min coƴƴoto to ɓe kanaa *Yahudankooɓe, min kaalana ɓe ka.

Ibrankooɓe 3:13

Hannden Alla nii no nodda on. Ndenne, nyannde fuu cemmbinɗinodiree ɓerɗe, cemmbinɗinol nafoongol nyalaane hannden ndee, ngam to gooto mooɗon fuu laatoo tiiɗa-nyireejo, hiilee naata nder waɗude hakke.

Ibrankooɓe 3:15

Ngam no winndaa no wi'aa : Hannden, se on nani daane Alla, to laatee tiiɗa-nyireeɓe hano maamiraaɓe mooɗon wakkati ɓe murtunoo he Alla.

Ibrankooɓe 3:7

Enen wonɓe jama'aare Alla goonga e goonga en kettinoo ko *Ruuhu Ceniiɗo woni no wi'a en : Hannden, se on nani daane Alla,