Luka 19:38 - Fulfulde Niger West

³⁸ Iɓe mbi'a : —Barkinaaɗo woni laamiiɗo gardoowo innde Joomiraawo ! Jam laatoo nder kammu. Teddungal laatanoo Alla Toowɗo !

Luka 19:38 ပူးပေါင်းရင်းမြစ်များ

Matta 2:2

mbi'i : —Toy laamiiɗo *Yahudankooɓe dimaaɗo joonin oon woni ? Min ngi'ii hoodere makko wanngi har lettugal, min ngari sujidande mo.

Matta 21:9

Jama'aare wonnde yeeso Iisa ndeen, he tokkude gaɗa makko fuu no ilina, no mbi'a : —Hosanna  ! Jettooje ngoodani Taan Daawda ! Barkinaaɗo woni garɗo dow innde Joomiraawo ! Jettooje ngoodani Alla Toowɗo !

Matta 25:34

Wakkati mum Laamiiɗo oon wi'a wonɓe nyaamo makko : « Ngaree, onon ɓe *Baabiraawo am barkini, ndonee laamu ngu ndesanaɗon illa tagol duuniyaaru.

Matta 25:40

Sey Laamiiɗo oon jaaboo ɓe wi'a : « Goonga kaalananmi on : Ko ngaɗanɗon gooto nder ɓurɗo famɗude nder banndiraaɓe am fuu, miin ngaɗanɗon. »

Luka 13:35

Joonin ɓaade mooɗon, kam nii no ɗon no woppee. Neɗɗo fuu jooɗotaako nder mayre. Nde laatotoo winnde. Miɗo wi'a on : On ngi'ataa kam illa joonin faa wara wakkati mo mbi'oyton : Barkinaaɗo woni garɗo dow innde Joomiraawo !

Rooma 5:1

Ko nii en keɓii wartireede jom'en dartinaaku yeeso Alla har goonɗinol meeɗen, potal naati hakkune meeɗen he Alla daliila Iisa *Almasiihu Joomiraawo meeɗen.

Efeesu 1:12

Ndenne, enen artuɓe ngatti tammude mum'en fuu he *Almasiihu, en njetta Alla teddinen mo.

Efeesu 1:6

Ndenne en njetta mo, teddinen mo ngam moƴƴe makko mawɗe ɗe o hokki en daliila Ɓiyiiko korsuɗo.

Efeesu 3:10

Ndenne jooni, daliila hawriine goonɗinɓe Iisa *Almasiihu, laamu fuu naa baawɗe fuu tawaaɗe hakkune beɗi kammu waawan faamude ko Alla no jom hikmaaku. Hikmaaku nguu duu, omo holla ngu nder laabi re'ataa

Efeesu 3:21

Teddungal laatanoo mo daliila Iisa *Almasiihu, daliila hawriine goonɗinɓe, nder jamanuuji fuu faa abada abadin. Aamiin !

Koloosi 1:20

kanko duu waɗi laawol wattude potal hakkune mum he duuniyaaru. Har ƴiiƴam makko ndufaaɗam dow *bardugal, Alla waddii potal hakkune mum he ko tawaa dow e ley fuu.

1 Timote 1:17

Alla Joomiraawo no gooto, oo laamiiɗo duumiiɗo. Buurɗo wakkati fuu mo hi'ataake. Teddungal e darja laatanoo mo faa abada abadin. Aamiin !

1 Piyer 1:12

Wakkati mo ɓe kaali dow fii mo nanuɗon oo joonin, *Ruuhu Alla wi'ii ɓe, onon ɓe ngaɗani annabaaku nguu, hanaa ko'e maɓɓe ɓe ngaɗani ngu. On nanii fii oo he hunnduko waajotooɓe *Habaru lobbo nder barke *Ruuhu Alla ƴuwɗo dow. Baa maleykaaɓe no ngiɗi paama faa hanaa seɗɗa dow makko.