Luka 19:12 - Fulfulde Niger West

¹² Nder kippol haala ngool Iisa wi'i ɓe : —Dimo mawɗo gom yehi nder leydi mboɗɗuni gom faa mellee laamiiɗo mayri, nden warta.

Luka 19:12 ပူးပေါင်းရင်းမြစ်များ

Matta 21:38

Amma wakkati remooɓe ɓeen ngi'unoo ɓiyiiko ndeen, ɓe mbi'odiri hakkune maɓɓe : « Ma'adalla. Oo nii woni donoowo oon. Ngaree mbaren mo, heɓa ndonen ngesa ngaa ! »

Matta 28:18

O ɓadii, o wi'i ɓe : —Mi hokkaama baawɗe fuu tawaaɗe dow e ley.

Markus 12:1

Nder *Ursaliima Iisa tinni no haalda *aahiiɓe mum he hooreeɓe *Yahudankooɓe nder kippol haala, omo wi'a : —Neɗɗo gom waɗi ngesa *cabiije. O waɗi koogol o fiiltini nga. O wasi luggere ɓoosirde, o nyiɓi suudu toownu ngam doomooɓe magga. Nden o wuƴi nga remooɓe gom, o waɗi jahaangal.

Markus 16:19

Iisa Joomiraawo meeɗen haalani *aahiiɓe mum kujje ɗee fuu, nden o ƴencinaa dow. O yehi o jooɗowi nyaamo Alla.

Luka 20:9

Gaɗa ko Iisa haaldunoo he mawɓe *cakkanooɓe Alla, jannginooɓe *Tawreeta he mawɓe *Yahudankooɓe, o waɗani himɓe kippol haala ngool, o wi'i : —Neɗɗo gom waɗi ngesa *cabiije, nden wuƴi nga remooɓe gom, waɗi jahaangal, o ɓooyi har toon.

Luka 24:51

Wakkati o barkinannoo ɓe, sey o seedi he maɓɓe, o ƴencinaa dow.

Yahaaya 18:37

Nden Pilaatus wi'i mo : —Ndenne, a laamiiɗo naa ? Iisa jaabii mo wi'i : —Aan wi'i ka. Ngam majjum ndimaami, mi warii nder duuniyaaru ngam mi seedanoo goonga. Giɗɗo goonga fuu, nanan haala am.

Golle Lilaaɓe 17:31

Ngam o itti nyalaane nde o hiitotoo duuniyaaru nduu he dartinaaku. O suɓake kiitotooɗo oon. Wakkati o ummintinnoo neɗɗo mo o suɓii oo, o holli goonga e goonga ko neɗɗo oo woni kiitotooɗo oon.

1 Korintu 15:25

Amma nyannde *Almasiihu warti, tilay non o laamoo sey nyannde Alla watti wayɓe makko fuu ley teppe makko.

Ibrankooɓe 9:28

Hano non duu *Almasiihu mursiri yonki muuɗum gaba go'o ngam o ronndo hakke himɓe heewɓe. O wanngowan nde ɗiɗaɓere, hanaa ngam ronndaade hakke himɓe, amma ngam hisinde doomuɓe gartol makko.

1 Piyer 3:22

Iisa *Almasiihu ƴencinaama, omo jooɗii nyaamo Alla. Omo laami maleykaaɓe, laamiiɓe e wooduɓe baawɗe fuu.

Bannginol 1:7

—Ndaaree, omo warda he duule. Himɓe fuu no ngi'an mo, baa tontunooɓe mo. Lenyi duuniyaaru fuu no mboytoto ngam makko. Hakiika non. Aamiin !