Luka 18:14 - Fulfulde Niger West

¹⁴ Nden Iisa wi'i *aahiiɓe mum : —Miɗo wi'a on, jaɓoowo janngal oon hooti wuro mum, hakkeeji makko njaafaama. Amma Fariisaajo oon hakkeeji mum njaafaaka. Miɗo wi'a on ƴettuɗo hoore mum dow, no leesintee. Leesinɗo hoore mum, no ƴettetee.

Luka 18:14 ပူးပေါင်းရင်းမြစ်များ

Matta 23:12

Ƴettuɗo hoore mum dow, no leesintee. Leesinɗo hoore mum, no ƴettetee.

Matta 5:3

—On mbelii ko'e, onon annditinɓe ko oɗon kaani wattude hoolaare mooɗon he Alla, ngam onon njeyi Laamu Alla.

Luka 1:52

O jippinii laamiiɓe dow laamu mum'en, leesuɓe duu, o ɓanti ɗum'en.

Luka 10:29

Amma jannginoowo *Tawreeta oon no hiɗi holla ko kam no woodi goonga, nden wi'i mo : —Ndenne, moy woni gondo am ?

Luka 14:11

Ngam ƴettuɗo hoore mum dow, no leesintee. Leesinɗo hoore mum, no ƴettetee.

Luka 16:15

Sey o wi'i ɓe : —Onon, oɗon ngiɗi laataade dartiiɓe yeeso himɓe, amma Alla no anndii ɓerɗe mooɗon. Ngam ko himɓe teddinta hakkune mum'en, kam woni ko harminii yeeso Alla.

Rooma 3:20

Walaa tokkuɗo ko *Tawreeta wi'i daaroyteeɗo jom dartinaaku yeeso Alla, ngam no tokki *Tawreeta. *Tawreeta waɗataa neɗɗo jom dartinaaku amma nde hollataana himɓe ɗume woni hakke.

Rooma 4:5

Neɗɗo fuu watti gokka goonɗini Alla, gartiroowo jom hakke jom dartinaaku yeeso mum, dey wattaay gokka mum dow gollal mum, too daliila goonɗinol neɗɗo oo, Alla adan mo jom dartinaaku.

Rooma 5:1

Ko nii en keɓii wartireede jom'en dartinaaku yeeso Alla har goonɗinol meeɗen, potal naati hakkune meeɗen he Alla daliila Iisa *Almasiihu Joomiraawo meeɗen.

Rooma 8:33

Moy waawi felude ɓe Alla suɓi ? Walaa, Alla he hoore mum wartiri ɓe jom'en dartinaaku !

Galatiya 2:16

Goonga non, miɗen anndi ko neɗɗo daarataake jom dartinaaku ngam tokki *Tawreeta. Amma nde joomum goonɗini Iisa *Almasiihu, joomum daaretee jom dartinaaku. Minen duu, min ngoonɗini Iisa heɓa min ndaaree jom'en dartinaaku, daliila goonɗinol amin hanaa daliila tokkol *Tawreeta. Walaa daareteeɗo dartiiɗo yeeso Alla ngam tokki tan ko tilsinooje *Tawreeta mbi'i.

Yakuuba 4:10

Leynee ko'e mooɗon yeeso Joomiraawo, o ƴettan on.

Yakuuba 4:6

Alla waɗanii en moƴƴere ɓurne huune fuu manngu. Ngam no winndaa nder mayre wi'aa : Alla no wanyi piyooɓe gabaare, amma omo moƴƴana leesinooɓe ko'e mum'en.