Luka 17:25 - Fulfulde Niger West

²⁵ Amma no tilsi o torree sanne ginan, himɓe jamaanu oo caloo mo.

Luka 17:25 ပူးပေါင်းရင်းမြစ်များ

Matta 16:21

Gaɗa tabbintinol ngol Piyer waɗi, Iisa fuɗɗi anndinde *aahiiɓe mum ko no tilsi kam yaha *Ursaliima. To mawɓe *Yahudankooɓe, mawɓe *cakkanooɓe Alla he jannginooɓe *Tawreeta torrata ɗum sanne, nden ɓe mbara ɗum. Balɗe tati gaɗa mum kam ummitittoo.

Matta 21:42

Nden Iisa wi'i ɓe : —Ndenne on njanngaay ko winndaa nder dewte ɗeen, wi'aa naa ? Hayre nde nyiɓooɓe mboppi ndeen, kayre laatii hoore nyibdi ndiin. Ɗum golle Joomiraawo, haayne non duu he giiɗe meeɗen !

Markus 10:33

O wi'i ɓe : —Kettinee, joonin enen nii eɗen njaha *Ursaliima, *Ɓii-Neɗɗo no wattetee nder juuɗe mawɓe *cakkanooɓe Alla he jannginooɓe *Tawreeta. Ɓe ngatta mo nder juuɗe ɓe kanaa *Yahudankooɓe, ɓe kiitoo mo kiite maayde.

Markus 12:10

On njanngaay ko winndaa nder dewte ɗeen, wi'aa : Hayre nde nyiɓooɓe ɓeen mboppi ndeen, kayre laatii hoore nyibdi ndiin.

Markus 8:31

Wakkati Piyer wi'unoo ko Iisa woni *Almasiihu, Iisa fuɗɗi no famtina *aahiiɓe mum, omo wi'a ɓe ko no tilsi *Ɓii-Neɗɗo torree sanne. Ardiiɓe mawɓe, hooreeɓe *cakkanooɓe Alla he jannginooɓe *Tawreeta tottitoo mo. O waree, nden gaɗa balɗe tati o ummitoo.

Markus 9:31

Omo waajoo *aahiiɓe makko, omo wi'a ɓe *Ɓii-Neɗɗo no jammbetee, wattee nder juuɗe. O waree, balɗe tati gaɗa mum, o ummitoo.

Luka 18:31

Iisa henni *lilaaɓe sappo e ɗiɗo ɓeen senngo, wi'i ɓe : —Kettinee, eɗen ɗon eɗen njaha *Ursaliima. Toon ko annabiiɓe mbinndunoo dow *Ɓii-Neɗɗo fuu, huuɓata.

Luka 18:33

ɓe piya mo dorri, ɓe mbara mo. Amma nyalaane tataɓere mum o ummitittoo.

Luka 24:46

O wi'i ɓe : —Nii ɗum winndiraa : No tilsi *Almasiihu torree faa maaya, ummitoo nyalaane tataɓere.

Luka 9:22

Nden o wi'i ɓe : —No tilsi *Ɓii-Neɗɗo torree sanne. Mawɓe *Yahudankooɓe, hooreeɓe *cakkanooɓe Alla e jannginooɓe *Tawreeta tottitoo mo. O waree, nden o ummitoo nyannde tataɓere.

Yahaaya 1:11

Ka warii to lenyol makka, amma lenyol makka jaɓaay ka.

Yahaaya 12:38

Ɗum fuu waɗi ngam humnude haala *Esaaya mbi'uka : Joomiraawo, moy goonɗini waaju meeɗen ? Moy Joomiraawo wannginani baawɗe mum ?