Luka 17:16 - Fulfulde Niger West

¹⁶ O wari, o jimminii yeeso Iisa faa he leydi, o yetti mo. Gorko oo no ɓii-leydi *Samariya.

Luka 17:16 ပူးပေါင်းရင်းမြစ်များ

Matta 10:5

Iisa lili *lilaaɓe mum sappo he ɗiɗo ɓeen, o wi'i ɓe : —To njehee to ɓe kanaa *Yahudankooɓe, kaden duu to naatee gure *Samariya.

Matta 2:11

Ɓe naati nder ɓaade ndeen, sey ɓe ngi'i cukalel ngel he innum Mariyaama. Ɓe turii faa he leydi, ɓe cujidani ngel. Ɓe piirti gineeji maɓɓe, ɓe kokki ngel kanŋe, iri uurdi mbelni gom he ɗakke uurɗe gom.

Markus 5:33

Debbo meemuɗo Iisa oon huli, no diwna ngam no anndi ko waɗi. O wari, o hofii yeeso Iisa, o haalani mo fuu no waɗi.

Luka 17:17

Iisa fiirti hunnduko, wi'i : —Tawte hanaa sappo ɓeen fuu njamɗintinaa ? Toy njeenayo ɓeen nee ngoni ?

Luka 5:8

Wakkati Simon hi'unoo ɗum, o diccii yeeso Iisa, o wi'i mo : —Moodibbo, woɗɗam, ngam miin mi gaɗoowo hakke.

Yahaaya 4:9

Nden debbo oon wi'i mo : —Noy ! Noy aan, Yahudanke, ƴamirtaa kam ndiyam njareteeɗam miin, ɓii-leydi *Samariya debbo ? Ngam potal walaano caka *Yahudankooɓe e himɓe leydi *Samariya.

Yahaaya 5:23

ngam himɓe fuu teddina Ɓiɗɗo oon hano no ɓe teddinirta *Baabiraawo. Neɗɗo fuu mo teddinaay Ɓiɗɗo oon, teddintaa *Baabiraawo lilɗo mo oon duu.

Yahaaya 8:48

*Yahudankooɓe mbi'i Iisa : —Hanaa goonga amin ko min mbi'unoo a ɓii-leydi *Samariya, a laddaaɗo ?

Golle Lilaaɓe 1:8

Amma wakkati *Ruuhu Ceniiɗo jippoto dow mooɗon, on keɓan baawɗe. On laatoto seedantooɓe kam nder *Ursaliima, nder leydi Yahudiya, nder leydi *Samariya fuu, happa ɗon faa hulna duuniyaaru fuu.

1 Korintu 14:25

Ko suuɗinoo nder ɓerne makko fuu no wanngintee. Nden o hofo, o turna hoore makko faa e leydi, o sujidana Alla, o wi'a : « Alla no hakkune mooɗon goonga e goonga. »

Bannginol 19:10

Nden kofiimi faa hadde koyɗe maleykaajo oon, ngam sujidande mo. Amma o wi'i kam : —To sujidanam ! Sujidan Alla ! Miin he hoore am, mi maccuɗo Alla non hano maaɗa, hano banndiraaɓe maaɗa, ceediiɓe yeeso jama'aare dow ko Iisa *Almasiihu waɗi. Teddin Alla ! Ceedaaku dow Iisa *Almasiihu nguu, kam woni ko annabaaku nguu tefata.

Bannginol 4:10

Wakkati fuu mo kujje nay ɗee kaalata, dottiiɓe laso e nayo ɓeen no kofo, no cujida yeeso gonɗo dow jooɗorgal oon. Iɓe cujidana Duumiiɗo faa abada abadin. Iɓe itta kufuneeje maɓɓe iɓe ndesa yeeso jooɗorgal makko, iɓe mbi'a :

Bannginol 5:14

Kujje buurɗe ɗeen duu no njaaboo no mbi'a : —Aamiin ! Dottiiɓe ɓeen duu no kofo, no cujidana Joomiraawo.