Luka 15:2 - Fulfulde Niger West

² Sey *Fariisa'en e jannginooɓe *Tawreeta tinni no nguuntoo hakkune mum'en, no mbi'a : —Neɗɗo oo no jaɓɓo waɗooɓe hakke, omo nyaamda he maɓɓe !

Luka 15:2 ပူးပေါင်းရင်းမြစ်များ

Matta 11:19

*Ɓii-Neɗɗo duu wari, no nyaama, no yara, amma wi'aama : « Ndaaree neɗɗo oo, nyaamɗe he jarɗe tan adi hakkillo makko, o higo *jaɓooɓe janngal he waɗooɓe hakke ! » Dey goonɗinɓe anndal Alla no kolla nder mbuurnam mum'en ko laawol Alla no goonga.

Matta 9:11

Wakkati *Fariisa'en ngi'unoo ɗum, mbi'i *aahiiɓe makko : —Ɗume waɗi ko moodibbo mooɗon no nyaamda he *jaɓooɓe janngal, he waɗooɓe hakke ɓee ?

Luka 15:3

Nden Iisa waɗani ɓe kippol haala ngool, wi'i :

Luka 19:7

Wakkati himɓe fuu ngi'unoo ɗum, ɓe puɗɗi iɓe nguuntoo, iɓe mbi'a : —O weeranowi gaɗoowo hakke !

Luka 5:30

Sey *Fariisa'en e jannginooɓe maɓɓe puɗɗi no nguuntoo, no mbi'a *aahiiɓe Iisa : —Ɗume waɗi oɗon nyaamda, oɗon njarda he *jaɓooɓe janngal, he waɗooɓe hakke ɓee ?

Luka 7:34

*Ɓii-Neɗɗo duu wari, no nyaama, no yara. On mbi'i nyaamɗe e jarɗe tan adi hakkillo makko. On mbi'i o higo *jaɓooɓe janngal e waɗooɓe hakke.

Luka 7:39

Wakkati Farisaajo noddunooɗo Iisa oon hi'i ɗum, wi'i nder ɓerne mum : —Se nii goonga fuu neɗɗo oo no annabiijo, o anndannoo ko debbo meemoowo mo oo, no gaɗoowo hakke.

Golle Lilaaɓe 11:3

mbi'i : —A weerani ɓe njulnaaka, a nyaamdi he maɓɓe !

Galatiya 2:12

Fadde goonɗinɓe fiiliiɓe Yakuuba gom warde Antiyokiya, Piyer he goonɗinɓe ɓe kanaa *Yahudankooɓe nyaamdannoo. Amma nyannde goonɗinɓe ɓee ngarnoo Antiyokiya, Piyer fooɗi hoore mum itti he ɓe kanaa *Yahudankooɓe ɓee. O acci nyaamdude he maɓɓe ngam omo hula *Yahudankooɓe, tiiɗuɓe he finaa-tawaa mum'en, warɓe Antiyokiya ngi'a omo nyaamda he ɓe kanaa *Yahudankooɓe.

1 Timote 1:15

Haala kaa no hoolnii, sikka fuu walaa ika haani jaɓeede : « Iisa *Almasiihu wari nder duuniyaaru ngam hisina waɗooɓe hakke. » Miin e hoore am, miɗo tawaa nder maɓɓe, mi waɗi ko jaasi ɓe.