Luka 11:39 - Fulfulde Niger West

³⁹ Sey Iisa wi'i mo : —Onon *Fariisa'en, oɗon lawƴa gaɗa kore e gaɗa le'e mooɗon, amma ɓerɗe mooɗon no keewi golleeji bonɗi e hidde guyka !

Luka 11:39 ပူးပေါင်းရင်းမြစ်များ

Matta 15:19

Ngam nder ɓerne neɗɗo miilooji bonɗi, uppooji neɗɗo itta yonki, yeena, fija, wujja, seedo dow fewre, he mbonka fuu ƴuwata.

Matta 7:15

—Tinnee he annabiiɓe fewreeɓe, warooɓe to mooɗon nder nanndi baali, amma nder guri maɓɓe ɓe cuuli dafaaɗi.

Luka 16:15

Sey o wi'i ɓe : —Onon, oɗon ngiɗi laataade dartiiɓe yeeso himɓe, amma Alla no anndii ɓerɗe mooɗon. Ngam ko himɓe teddinta hakkune mum'en, kam woni ko harminii yeeso Alla.

Luka 7:13

Wakkati Iisa hi'unoo debbo oo, nani yurmeene makko, wi'i mo : —Taa woy !

Luka 7:19

lili ɓe to Iisa. O lili ɓe ƴama Iisa nde kanko woni *Almasiihu bi'aaɗo waran oon naa ɓe ndooma goɗɗo ?

Yahaaya 12:6

Hanaa ngam yurmeene talkaaɓe waɗi o wi'i haala kaa, amma ngam o gujjo. Kanko wonnoo jogiiɗo mbasu ceede maɓɓe. Omo wujjanno duu he majje.

Yahaaya 13:2

Wakkati Iisa e *aahiiɓe mum ngoni no kiirtoo, tawi Ibiliisa re'i watti anniya jammbaade mo nder ɓerne Yahuuda Iskariyot ɓii-Simon.

Golle Lilaaɓe 5:3

Wakkati o waddi ceede ɗeen, sey Piyer wi'i mo : —Ananiyas ɗume waɗi accuɗaa Seyɗan naati nder ɓerne maa, penanɗaa *Ruuhu Ceniiɗo, peccuɗaa ceede ɗeen cuuɗuɗaa feccere majje ?

Galatiya 1:14

Miɗo ɓuri heewɓe nder waldeeɓe am naatude diina *Yahudankooɓe. Miɗo ɓuri ɓe, ɓe fuu duu tiiɗude faa noy walaa he finaa-tawaa maamiraaɓe am.

2 Timote 3:5

Iɓe ngoodi ndiyam hulooɓe Alla, amma iɓe njedda baawɗe makko. Woɗɗa ir himɓe ɓee.

Titus 1:15

Huune fuu no laaɓi to himɓe laaɓuɓe. Amma walaa fuu ko laaɓi to ɓe laaɓaa e to ɓe ngoonɗinaay, ngam miilooji maɓɓe he hakkillooji maɓɓe fuu laaɓaa.

Yakuuba 4:8

Ɓadee Alla, o ɓadoto on. Onon waɗooɓe hakke, tuubee laaɓinee ko'e mooɗon. Lamnee ɓerɗe mooɗon, onon munafikiiɓe !